Kreppa hjá frönskum sósíalistum

Franski Sósíalistaflokkurinn sem áður réði lögum og lofum í frönskum stjórnmálum er nú skyndilega í mikilli kreppu. Flokksforystan studdi ríkisstjórn Jacques Chirac í baráttu fyrir því að Frakkar samþykktu stjórnarskrá Evrópusambandsins en nú þegar franska þjóðin er búin að segja nei stendur flokkurinn frammi fyrir því að þurfa að endurvinna traust kjósenda sinna sem flestir sögðu einmitt nei í kosningunum. Stjórnmálaskýrendur vilja margir meina að þetta sé versta krísa sem flokkurinn hefur komist í síðan Francois Mitterrand, fyrrverandi forseti, varð formaður árið 1971.