Svipað veður í dag og í gær

Veðrið lék aldeilis við landann í gær og var blíðviðri um land allt með vætu á köflum. Samkvæmt tölum Veðurstofu Íslands var upp undir tíu stiga hiti um land allt og léttskýjað og má búast við svipuðu veðri í dag. Austanmenn eru heppnastir með veður og mun góða veðrið haldast þar fram að næstu helgi. Spáð er norðanhreti næstu helgi og mun væntanlega frysta. Þangað til mega höfuðborgarbúar búast við meiri vindi og vætu en samt léttu veðri. Strax á fimmtudag mun veðrið snúast í norðanátt og kólna en óljóst er enn hve kröftug norðanáttin verður. Þó kalt verði þá mun samt vera létt yfir og hálfgert gluggaveður.