Nýja lyftan fékk nafnið Kóngurinn

Forseti Íslands tók nú fyrir hádegi formlega í notkun nýja stólalyftu í Bláfjöllum. Af því tilefni verður frítt í allar skíðalyftur á svæðinu og boðið upp á skíðakennslu við alla skála á svæðinu. Að sögn Jóhannesar Kr. Kristjánssonar fréttamanns er fjölmenni í Bláfjöllum og fólk virðist kunna vel við nýju lyftuna sem nefnd hefur verið Kóngurinn. Á lyftunni eru kláfar og fara gestir í þá án skíða og virða fyrir sér útsýnið í Bláfjöllum. Jóhannes segir veður með ágætum en þó sé örlítil þoka. Það komi þó ekki í veg fyrir að fólk renni sér á skíðum.