Tryggir hag neytenda

"Verðlækkanir hjá Krónunni og Bónus munu væntanlega hafa áhrif á aðrar lágvöruverðsverslanir" segir Jóhannes Gunnarsson formaður Neytendasamtakanna. Ástandið á matvörumarkaði einkenndist til skamms tíma af því að flokka mátti verslanir eftir verðlagi en nú hefur Krónan riðlað þessari röð, segir Jóhannes. Hann segir að nú sé að bíða og sjá hvort matvöruverslanir með hærri vöruverð sem bjóða upp á meiri þjónustu og lengri opnunartíma fari að lækka sín verð líka. Jóhannes segir þó ekki hægt að taka neinu sem gefnu og að Neytendasamtökin hafi áður séð verðstríð lognast út af á stuttum tíma.