Lóðir að Völlum vinsælar

1309 umsóknir bárust um sextíu lóðir fyrir einbýlis- og raðhús á Völlum í Hafnarfirði. 46 lóðum verður úthlutað til einstaklinga en 1.151 umsókn barst um þær lóðir, 25 umsóknir um hverja lóð. 14 lóðum verður úthlutað til lögaðila en 158 verktakar skiluðu inn umsóknum. Lóðunum verður úthlutað samkvæmt reglum sem samþykktar voru í bæjarstjórn árið 2002. Fyrst er umsækjendum skipt í tvo hópa eftir ákveðnum skilyrðum og síðan dregur bæjarráð umsóknir úr potti. Einbýlishúsalóðum er ekki úthlutað til sölu. Breytist aðstæður hjá lóðarhafa og hann ætlar ekki að nýta lóðina til íbúðar fyrir sjálfan sig verður hann að skila lóðinni til Hafnar­fjarðar­bæjar aftur.