Hálkuvarnir auknar

Samgönguráðherra hefur ákveðið að auka vetrarþjónustu og hálkuvarnir á þjóðvegum landsins, að því er fram kemur á vef ráðuneytisins. Bent er á að umferð á þjóðvegum landsins hafi aukist um fimmtung síðustu fimm ár. Árið 1999 óku landsmenn 1,67 milljarða kílómetra um vegina en í fyrra nam heildarakstur um 2 milljörðum kílómetra. Sjósöfnun er sögð minna vandamál en áður með uppbyggingu vegakerfisins, en hálka hins vegar sögð vaxandi vandamál. Fyrirhugaðar breytingar eru sagðar fela í sér aukinn kostnað sem nemur um 10 prósentum, eða um 100 milljónum króna.