Öldungadeild Bandaríkjaþings og Hvíta húsið munu á næstunni samþykkja tillögu um að banna pyntingar til að fá mikilvægar upplýsingar hjá grunuðum hryðjuverkamönnum. Þessu heldur Bill Frist, leiðtogi repúblikana í öldungadeildinni, fram.
Þingmaðurinn John McCain er stuðningsmaður tillögunnar, sem var nýlega samþykkt í öldungadeildinni með níutíu atkvæðum gegn níu. McCain krafðist þess að ríkisstjórn George W. Bush, forseta, samþykki tillöguna án tafar.
