Slökkvilið með jafnréttisáætlun

Slökkvilið Akureyrar hefur fyrst stofnana bæjarins sett sér jafnréttisáætlun í samræmi við jafnréttislög og jafnréttisstefnu bæjarins. Á vef Akureyrarbæjar kemur fram að frá því um áramót hafi margar stofnanir bæjarins unnið að gerð jafnréttisáætlana, þar á meðal grunnskólar bæjarins, Framkvæmdamiðstöð, Heilsugæslustöð og Öldrunarheimili. "Jafnréttislög gera ráð fyrir að öll fyrirtæki og stofnanir þar sem starfa fleiri en 25 starfsmenn setji sér jafnréttisáætlun," segir á vefnum, en í þeim áætlunum skal kveða á um markmið og aðgerðir til að tryggja starfsmönnum réttindi jafnréttislaga.