Flestir búa enn í tjöldum

Næstum ári eftir að flóðbylgjan skall á löndum við Indlandshaf búa enn langflestir þeirra sem misstu heimili sín í hamförunum í neyðarskýlum eða tjaldbúðum. Þetta er niðurstaða bandarískrar könnunar sem gerð var á Indlandi, á Sri Lanka og norðurhluta Súmötru í Indónesíu sem varð einna verst úti.

Í Indónesíu bjuggu langflestir enn í búðum sem ríkisstjórnin og hjálparsamtök höfðu komið upp. Á þeim svæðum á Indlandi sem verst urðu úti í flóðbylgjunni búa 92 prósent íbúanna í tjaldbúðum og á Sri Lanka er hlutfallið 78 prósent.