Hafa tekið stríðsfanga

Norskir hermenn hafa tekið stríðsfanga í Afganistan eða átt þátt í slíkum handtökum. Þetta hefur Verdens Gang fengið staðfest í norska varnarmálaráðuneytinu. Ekki hefur verið gefið upp hver fjöldinn er.

"Land sem tekur fanga ber ábyrgð á þeim og á að sjá til þess að þeir fái rétta meðhöndlun samkvæmt lögum og rétti. Norðmenn verða að fá tryggingu fyrir því að fangarnir verði ekki fyrir pyntingum eða ómannúðlegri meðferð," segir formaður Noregsdeildar Amnesty International.