Ríta: 500 milljarða tjón

Talið er að fellibylurinn Ríta hafi valdið um fimm hundruð milljarða króna tjóni í suðurríkjum Bandaríkjanna. En þótt tjónið sé mikið létti mönnum við það að ekki urðu miklar skemmdir á olíuhreinsunarstöðvum og öðrum tengdum mannvirkjum. Þetta varð til þess að olíuverð lækkaði nokkuð en það hækkaði þegar Ríta gekk á land. Yfirvöld í Texas hafa hvatt flóttafólk til þess að flýta sér ekki heim aftur fyrr en búið sé að gera við flóðgarða og ræsa fram svæði sem flæddi yfir.