Peningar í hjálparstarf

Í nýjustu Stiklum utanríkisráðuneytisins kemur fram að ríkisstjórnin hafi ákveðið að veita 5 milljónum króna til mannúðar-og uppbyggingarstarfs í ríkjunum sem verst hafa orðið úti af völdum fellibylja í Karabíska hafinu. Upphæðinni hefur verið skipt milli hjálparstarfs Matvælastofnunar Sameinuðu þjóðanna, Barnahjálpar Sameinuðu þjóðanna á Íslandi (UNICEF) og Rauða kross Íslands. Á Haítí hafa um tvö þúsund manns látist vegna hamfaranna í veðrinu, en landið hefur orðið einna verst úti af ríkjum Karabíska hafsins. Kofi Annan, framkvæmdastjóri Sameinuðu þjóðanna, hefur beðið aðildarríki samtakanna sérstaklega um að koma Haiti til aðstoðar.