Auglýsingar verðlaunaðar

Lyfjafyrirtækið Actavis og auglýsingastofan Hvíta húsið hafa unnið til viðurkenningar frá The Global Awards fyrir auglýsingaherferðina Creating Value in Pharmaceauticals. Í tilkynningu fyrirtækjanna kemur fram að The Global Awards veiti viðurkenningar fyrir framúrskarandi efni í markaðssetningu á sviði heilsuverndar. "Verðlaunin eru alþjóðleg og er sérstök áhersla lögð á að efnið höfði til fólks óháð stað, tungumáli og menningu," segir þar en auglýsingaherferðin sem til verðlauna vann er sögð liður í alþjóðlegu kynningarátaki sem Hvíta húsið vann að fyrir Actavis.