Vilja vinna með Íslandi

Hagsmunir Íslands og samtaka Grænfriðunga fara saman hvað varðar vernd og viðhaldi á vistkerfi hafsins og því þurfa þessir aðilar að vinna saman, segja talsmenn Grænfriðunga. Ezperanza, skip samtakanna er statt hér á landi og hafa Grænfriðungar meðal annars ferðast til Ísafjarðar og Húsavíkur en eru nú í Reykjavíkuhöfn og sátu OSPAR ráðstefnuna sem þar sem á að fjalla um mannleg áhrif á vistkerfi sjávar. Grænfriðungar hrósa Siv Friðleifsdóttur þar sem hún hefur vakið máls vistkerfisbreytingum vegna mannlegra áhrifa. "Ísland er land sem hagsmuna sinna vegna þarf að stuðla að vistvernd og þar er samstarfsgrundvöllur fyrir þessa aðila," sagði talsmaður Grænfriðunga. Grænfriðungar mótmæla hins vegar sem fyrr hvalveiðum Íslendinga og segja það yfirvarp að halda því fram að þær séu í vísindaskyni. "Það er til fjöldi leiða til að mæla magn fiskjar sem hvalir éta án þess að veiða þá," segja Grænfriðungar. þeir halda fram að láti Íslendingar ekki af hvalveiðum muni það verða þeim dýrkeypt í framtíðinni vegna minnkandi ferðamannastraums.