Guðfríður hlaut jafnréttisverðlaun

Skákfrömuðurinn, Guðfríður Lilja Grétarsdóttir hlýtur jafnréttisverðlaun Jafnréttisráðs í ár, en verðlaunin voru afhent í þrettánda sinn í dag. Guðfríður Lilja gat þó ekki sjálf veitt verðlaununum viðtöku þar sem hún er stödd á ólympíuskákmótinu á Mallorka, og tóku foreldrar hennar við viðurkenningunni í fjarveru hennar. Verðlaunin voru veitt í lok málþings Jafnréttisráðs um jafnréttisáætlanir, en þau eru afhent þeim einstaklingum, fyrirtækjum eða stofnunum, sem þykja hafa skarað framúr á sviði jafnréttismála og hafa lagt sitt af mörkum til að auka jafnrétti kynjanna.