Erlent

Leiðtogi Talíbana í Pakistan mögulega fallinn

Líkur eru taldar á því að Pakistanski Talíbanaleiðtoginn Baitullah Mehsud hafi látist í árás ómannaðrar flugvélar á vegum Bandaríkjahers sem gerð var á miðvikudaginn. Þegar hafði verið staðfest að kona Mehsuds hafi látist í árásinni og að Mehsud hafi sloppið en nú berast fregnir af því að leiðtoginn hafi látist. Hátt settur maður innan Bandaríkjastjórnar sagði á blaðamannafundi að dauði Mahsuds geti vel verið staðreynd þrátt fyrir að ekkert hafi verið staðfest enn sem komið er.

Erlent

Hvarf Maddíar: Leitað að tvífara Viktoríu Beckham

Einkaspæjari sem rannsakað hefur hvarf Madeileine McCann, litlu stúlkunnar sem hvarf af hótelherbergi sínu í Portúgal árið 2007 birti í gær á blaðamannafundi mynd af konu sem hann telur tengjast hvarfi hennar. Konan sást í Barcelóna á Spáni tveimur dögum eftir hvarf Maddíar og það er vitnisburður tveggja Breta sem ræddu við hana þá sem sannfærir spæjarann sem vinnur fyrir McCann hjónin, að hún tengist hvarfinu.

Erlent

Lestarræningja gefið frelsi til að deyja

Lestarræninginn Ronnie Biggs hefur verið látinn laus úr fangelsi þar sem hann er dauðvona. Það var dómsmálaráðherra Bretlands, Jackie Straw sem tók ákvörðunin þrátt fyrir að hafa synjað Biggs áður. Frá þessu greinir the Daily Telegraph.

Erlent

21 látinn í sprengingu í Afganistan

Spengja sem sprakk í vegarkanti í suðurhluta Afganistans í morgun varð að minnsta kosti 21 óbreyttum borgara að bana. Flutningabíll sem var að flytja farþega lenti í sprengingunni að sögn afganskra yfirvalda. Sex slösuðust í árásinni.

Erlent

Nýjar vísbendingar í Maddí-málinu

Boðað hefur verið til blaðamannafundar í London síðar í dag þar sem einkaspæjari nokkur sem rannsakað hefur hvarf Madeleine McCann, litlu stúlkunnar sem hvarf af hótelherbergi sínu í Portúgal árið 2007 mun skýra frá nýjum vísbendingum í málinu.

Erlent

Hillary ræðir við forseta Sómalíu

Hillary Clinton utanríkisráðherra Bandaríkjanna mun í dag hitta Sheik Sharif Ahmed, forseta Sómalíu en viðræðurnar verða í Kenýa. Búist er við því að Clinton lýsi yfir stuðningi við ríkisstjórn Ahmeds sem stendur í ströngu í baráttu sinni við öfgasinnaða hópa íslamista í landinu sem er að mestu stjórnlaust.

Erlent

Minni andúð og fé í boði

Hjónaböndum súnnía og sía hefur fjölgað töluvert í Írak á ný, en þeim hafði fækkað mjög meðan átökin milli þessara íslömsku trúflokka voru hvað hörðust fyrir nokkrum misserum.

Erlent

Ástralski forsætisráðherrann sakaður um fjöldamorð

„Það er raðmorðingi í Ástralíu og við ætlum að sýna ykkur mynd af honum svo þið sjáið hver það er,“ sagði fréttaþulurinn Erin Burnett sem er þekktust fyrir að flytja yfirvegaðar fréttir af CNBC um verðbréfaviðskipti í heiminum.

Erlent

Líkamsræktarmorðinginn ætlaði að drepa í janúar

Morðinginn George Sodini, sem fór inn í líkamsræktarstöðin LA Gym og mytri þrjár konur auk þess sem hann særði tíu aðrar í Bandaríkjunum, bloggaði um ætlun sína að myrða fólk. Þar segist hann hafa áður farið vopnaður í þeim tilgangi að myrða.

Erlent

Skotárás í ræktinni

Að minnsta kosti fimm eru látnir eftir að maður hóf skothríð í líkamsræktarstöð í Pennsylvaníu í Bandaríkjunum í nótt. Tíu eru særðir í það minnsta, en byssumaðurinn skaut sjálfan sig til bana að árásinni lokinni.

Erlent

Danskar löggur segja slagsmálasögur á Facebook

Lögreglumenn í Dönsku borginni Bröndby liggja nú undir ámæli eftir að nokkrir þeirra skrifuðu skeyti á Fésbókarsíðu kollega síns. Í skrifunum lýsa lögreglumennirnir ánægju sinni með átök sem þeir lentu í á dögunum við pólska fótboltaáhangendur en 113 voru handteknir í slagsmálunum.

Erlent

Enn séns fyrir ítalska lottóspilara

Enginn var með allar tölur réttar í ítalska lottóinu en dregið var í gærkvöldi. Potturinn er sá næst stærsti sem í boði hefur verið í Evrópu en sá sem hefði haft heppnina með sér í gær væri nú 116 milljónum evra ríkari eða rúmum 20 milljörðum íslenskra króna.

Erlent

Ferð Clintons bar árangur

Heimsókn Bills Clintons fyrrverandi Bandaríkjaforseta til Norður Kóreu bar árangur því blaðakonurnar tvær sem hann vildi fá lausar úr haldi voru um borð í þotu hans á heimleiðinni en hann hélt til Bandaríkjanna í nótt.

Erlent

Ahmadinejad sór embættiseið

Mahmoud Ahmadinejad forseti Írans sór embættiseið fyrir annað kjörtímabil sitt í morgun í Íranska þinginu. Ahmadinejad bar sigur úr býtum í kosningum á dögunum en kosningarnar hafa verið harðlega gagnrýndar og yfirvöld sökuð um kosningasvindl.

Erlent

Brown sinnir góðgerðarstarfi í fríinu

Forsætisráðherra Bretlands, Gordon Brown, mun sinna sjálfboðastarfi í eina viku á meðan hann er í sumarfríi. Treglega tókst að fá fréttina staðfest aí Bretlandi en Brown mun ekki vilja draga athyglina að því góðgerðarstarfi sem hann mun sinna samkvæmt fréttavef BBC. Ástæðan er samkomulag við góðgerðarfélagið sjálft.

Erlent

Clinton frelsaði bandarískar blaðakonur

Leiðtogi Norður - Kóreu, Kim Jong Il, hefur náðað tvær bandarískar blaðakonur sem þar eru í haldi, aðeins nokkrum klukkustundum eftir að Bill Clinton, fyrrum forseti Bandaríkjanna, kom í óopinbera heimsókn þangað.

Erlent

40 vandarhögg vegna buxna

Súdönsk kona á yfir höfði sér 40 vandarhögg vegna ákæru fyrir ósiðlegan klæðaburð. Konan gekk í buxum opinberlega í síðasta mánuði. Hún lítur á þetta sem prófmál fyrir dómi og segir að vandarhöggin yrðu móðgun við fólk og trúarbrögð.

Erlent

Einn látinn í flugslysi í Tælandi

Flugstjóri lést og nokkrir farþegar slösuðust í morgun þegar farþegaflugvél frá Bangkok Airways hlekktist á í lendingu á flugvelli á tælensku eyjunni Koh Samui sem vinsæl er á meðal ferðamanna.

Erlent

Mest lesið