Erlent

Skrautvagnar á byltingarhátíð

Kínverskir hermenn gengu í skrautfylkingum yfir Torg hins himneska friðar í Peking milli þess sem skriðdrekum og öðrum vígvélum var ekið um torgið. Kínverskir ráðamenn fylgdust grannt með hersýningunni, sem er sú stærsta sem Kínverjar hafa efnt til.

Erlent

Drap 83 þúsund rottur

Stjórnvöld í Bangla­dess verðlaunuðu í vikunni bónda fyrir að veiða samtals 83.450 rottur á níu mánaða tímabili. Bóndinn skilaði inn hölum af öllum rottunum og fékk litasjónvarp að launum fyrir dugnaðinn.

Erlent

Vilja að Obama beiti hernum gegn Íran

Meirihluti Bandaríkjamanna vilja beita hervaldi til að koma í veg fyrir að Íranir komi sér upp kjarnorkuvopnum. Afgerandi meirihluti þeirra telja að Barack Obama, Bandaríkjaforseti, eigi að beita sér af miklum þunga í málinu.

Erlent

Notast við stórvirkar vinnuvélar við björgunarstörf

Vegna skorts á þjálfuðum mannskap nota björgunarsveitir á Súmötru stórvirkar vinnuvélar til þess að leita að fólki í rústum hundruða húsa sem hrundu í jarðskjálftanum í gær. Við vörum við myndum sem fylgja þessari frétt.

Erlent

Travolta berst við fjárkúgara

John Travolta og eiginkona hans Kelly Preston eru nú á Bahamaeyjum til að bera vitni í réttarhöldum gegn tveim mönnum sem eru sakaðir um að hafa reynt að kúga fé út úr hjónunum eftir að Jett sonur þeirra lést þar í janúar síðastliðnum.

Erlent

60 ár frá valdatöku kommúnista í Kína

Kínverski kommúnistaflokkurinn fagnar því nú að 60 ár eru í dag liðin frá því þegar flokkurinn komst til valda og Alþýðulýðveldið Kína varð til. Það var 1. október 1949 sem Mao Zedong lýsti því yfir að Kína væri alþýðulýðveldi í takt við kommúnismann.

Erlent

Bannað að selja ömmu á eBay

Tíu ára gamalli breskri stúlku hefur verið bannað að selja ömmu sína á uppboðsvefnum eBay. Málið er ekki flóknara en það að Zoe Pemberton, búsett í Clacton í Essex, skellti ömmu gömlu á uppboð á vefnum góðkunna.

Erlent

Mjólk frá Mugabe illa séð

Suðurafrísku mannréttindasamtökin AfriForum hafa gefið svissneska matvælafyrirtækinu Nestlé eina viku til að gefa út yfirlýsingu um að það muni hætta að kaupa mjólk af Gushungo-mjólkurbúinu í Zimbabwe.

Erlent

Hópslagsmál í dómsal

Hópslagsmál brutust út í dómsal 16 í bæjarrétti Kaupmannahafnar í gær þegar á þriðja tug ungmenna mættu þangað til að fylgjast með málflutningi.

Erlent

Biður Schwarzenegger að loka vændissíðu

Harriet Harman, jafnréttismálaráðherra Bretlands, hefur farið fram á það við Arnold Schwarzenegger, ríkisstjóra Kaliforníu, að hann láti loka vefsíðu þar sem fólki, og þá væntanlega aðallega karlmönnum, gefst kostur á að gefa vændiskonum einkunn eftir frammistöðu, þar á meðal nokkrum sem starfa á götum Lundúna en vefsíðan er hýst af fyrirtæki í Kaliforníu.

Erlent

Óttast um þúsundir á Vestur-Súmötru

Annar öflugur Jarðskjálfti skók vesturhluta Indónesíu í nótt. Óttast er að þúsund manns hafi látist í skjálftunum seinasta sólarhringinn. Seinni skjálftinn sem reið yfir Vestur Súmötru mældist 6,8 á Richter kvarðanum en sá fyrri mældist 7,6 stig. Báðir skjálftarnir áttu upptök sín í talsverðri nálægð við höfuðborg eyjarinnar, Padang en þar búa um 900 þúsund manns.

Erlent

Stútar þurfa að opna áfengislás

Þeir Danir sem hafa verið dæmdir fyrir ölvunarakstur skulu sæta því að ölvunarlás verði settur í bíl þeirra. Lásinn metur hvort vínandi sé í blóði bílstjórans, áður en hann hleypir bílnum í gagn.

Erlent

Brown vill að hægt verði að reka þingmenn

Gordon Brown, forsætisráðherra Bretlands og formaður Verkamannaflokksins, vill að kjósendur geti rekið þingmenn sem verða uppvísir að því að brjóta lög. Þetta kom fram í ræðu hans á árlegum landsfundi Verkamannaflokksins í Brighton á þriðjudag.

Erlent

Fyrsti trúðurinn farinn út í geiminn

Kanadískur sirkus­eigandi slóst í hópinn með bandarískum og rússneskum geimfara sem skotið var út í geiminn frá gresjunum í Kasakstan í gær. Guy Laliberte er sagður fyrsti sirkustrúðurinn sem kemst út í geiminn. Hann stofnaði ásamt félögum sínum hinn víðfræga Sólarsirkus í Kanada fyrir aldarfjórðungi.

Erlent

Refsiaðgerðir undirbúnar

Fulltrúar Bandaríkjanna og fleiri Vesturlanda halda til Írans í dag að ræða ágreining við stjórnvöld þar um kjarnorku. Ekki er búist við miklum árangri af viðræðunum, enda eru þessi sömu ríki í óða önn að undirbúa frekari refsiaðgerðir á hendur Írönum.

Erlent

Hamfarir í Asíuríkjum kosta hundruð manna lífið

Á annað hundrað manns fórst þegar flóðbylgja reið yfir Samóaeyjar í kjölfar öflugs jarðskjálfta á þriðjudag. Annar stór jarðskjálfti varð við Indónesíu í gær og kostaði tugi eða jafnvel hundruð manna þar lífið.

Erlent

Of alvarlegt til að þegja um

Armando Spataro, saksóknari á Ítalíu, segir mannrán sem bandarískir leyniþjónustumenn frömdu í Mílanó árið 2003, vera of alvarlegan glæp til að hægt sé að þegja um, jafnvel þótt ríkisleyndarmál séu í húfi.

Erlent

Stríðið hófst með árás Georgíu

Rannsóknarnefnd sem Evrópusambandið skipaði til þess að rannsaka stríðið milli Georgíu og Rússlands á síðasta ári segir að báðir aðilar hafi gerst sekir um brot.

Erlent

Öflugur skjálfti í Indónesíu

Jarðskjálfti sem mældist 7.9 á Richter-kvarðanum reið yfir Indónesíu fyrir stundu. Skjálftinn virðist hafa átt upptök sín nærri höfuðborginni Padang á Vestur-Súmötru en þar búa um 800 þúsund manns. Að sögn sjónarvotta eyðilögðust margar byggingar í borginni og óttast var að skjálftinn gæti framkallað flóðbylgur víða á Indlandshafi og voru viðvaranir verið gefnar út fyrir Indónesíu, Tæland og Malasíu. Þær voru afturkallaðar skömmu síðar.

Erlent

The Sun snýst á sveif með Íhaldsflokknum

Breska dagblaðið The Sun hefur lýst yfir stuðningi við Íhaldsflokkinn í komandi þingkosningum og er yfirlýsingin álitin þungt högg fyrir Verkamannaflokkinn og Gordon Brown en The Sun hefur stutt flokk hans í síðustu þrennum kosningum.

Erlent

Ofurgæsla vegna afmælis flokksins

Öryggisgæsla í Peking, höfuðborg Kína, er gríðarleg um þessar mundir en á morgun fagnar Kommúnistaflokkurinn 60 ára afmæli sínu með heljarmikilli hersýningu og miklum skrúðgöngum um götur borgarinnar.

Erlent

Sjá fram á glæpaöldu í desember

Lögreglan í Kaupmannahöfn óttast að glæpamenn muni vaða uppi óáreittir í desember þegar öll löggæsla borgarinnar mun snúast um loftslagsráðstefnu Sameinuðu þjóðanna sem fram fer þar 7. - 18. desember.

Erlent

Finna kynferðisafbrotamenn með símanum

Ný tækni í iPhone-símum gerir Bandaríkjamönnum nú kleift að kalla fram upplýsingar um dæmda kynferðisafbrotamenn, sem búa í nágrenni við þá, með því einu að framkvæma einfalda aðgerð á símanum.

Erlent

Yfir 100 látnir á Samóa-eyjum

Yfir eitt hundrað manns eru látnir og mörg hundruð slasaðir á Samóa-eyjum og Bandaríska-Samóa í Kyrrahafinu eftir að jarðskjálfti upp á 8,3 á Richter, varð þar í gærkvöldi.

Erlent

Mest lesið