Langtímaatvinnuleysi er verulegt áhyggjuefni

Í nýjum upplýsingum Hagstofunnar um vinnumarkaðinn sem birtar voru í morgun kemur fram að 40% þeirra sem eru án atvinnu hafa verið það í sex mánuði eða lengur og hefur þeim fjölgað um 4.300 manns frá sama fjórðungi fyrra árs. Greining Íslandsbanka telur þessa þróun vera verulegt áhyggjuefni.

Forstjóri Símans segir starfsfólki brugðið vegna húsleitar

„Okkur er töluvert brugðið,“ segir Sævar Þráinsson, forstjóri Símans, en Samkeppniseftirlitið er nú í höfuðstöðvum Símans í Ármúlanum og framkvæmir þar húsleit vegna gruns um mögulega misnotkun Símans á markaðsráðandi stöðu á farsímamarkaði.

Reykjaneshöfn tapaði hálfum milljarði í fyrra

Rekstur Reykjaneshafnar skilaði tapi upp á 504,9 milljónir kr. á síðasta ári. Skýrist tapið að mestu af fjármagnskostnaði sem nam 576,8 milljónum kr. Fjárfest var fyrir rúman milljarð á árinu en unnið var að gatnagerð, lóðum, dýpkun og gerð grjótvarnargarðs í Helgvík.

Tekjur ríkissjóðs minnka en gjöldin aukast um milljarða

Greiðsluuppgjör ríkissjóðs fyrir fyrstu tvo mánuði ársins 2010 liggur nú fyrir. Samkvæmt uppgjörinu var handbært fé frá rekstri jákvætt um 3,4 milljarða kr., sem er 8,6 milljörðum kr. lakari útkoma heldur en árið 2009. Tekjur reyndust 9,6 milljörðum kr. minni en í fyrra á meðan gjöldin jukust um tæpa 7 milljarða kr.

Hagstofan: Atvinnuleysi 7,6% á fyrsta ársfjórðungi

Á fyrsta ársfjórðungi 2010 voru að meðaltali 13.600 manns án vinnu og í atvinnuleit eða 7,6% vinnuaflsins. Atvinnuleysi mældist 9,4% hjá körlum og 5,7% hjá konum. Þegar litið er til aldurs var atvinnuleysið mest meðal fólks á aldrinum 16-24 ára, eða 16,4%. Frá fyrsta ársfjórðungi 2009 til fyrsta ársfjórðungs 2010 fjölgaði atvinnulausum um 900 manns.

Óveruleg lækkun á vístölu byggingarkostnaðar

Vísitala byggingarkostnaðar reiknuð um miðjan apríl 2010 er 100,9 stig sem er lækkun um 0,2 prósent frá fyrri mánuði. Vísitalan gildir í maí 2010. Þetta kemur fram á heimasíðu Hagstofunnar en þar segir einnig að á síðustu tólf mánuðum hafi vísitala byggingarkostnaðar hækkað um 6,7%.

Kaupmáttur launa minnkar um 0,4% milli mánaða

Vísitala kaupmáttar launa í mars 2010 er 104,3 stig og lækkaði um 0,4% frá fyrri mánuði. Síðustu tólf mánuði hefur vísitala kaupmáttar launa lækkað um 4,5%.

Dráttarvextir óbreyttir út maímánuð

Dráttarvextir verða óbreyttir frá síðustu vaxtaákvörðun og verða áfram 16,0% fyrir tímabilið 1. maí til 31. maí 2010.

Eignir Jóns Ásgeirs og Hannesar Smárasonar kyrrsettar

Eignir Jóns Ásgeirs Jóhannessonar og Hannesar Smárasonar á Íslandi verða kyrrsettar í tengslum við rannsókn skattayfirvalda á þeim tveimur og

Lán Landsvirkjunnar fer í innlendan rekstrarkostnað

„Þetta lán tryggir okkur aðgengi að krónum til rekstrar hér. Við erum stöðugt að vinna í þessum málum,“ segir Hörður Arnarson, forstjóri Landsvirkjunar, en hann skrifaði í gær undir samning um veltilán frá Íslandsbanka upp á þrjá milljarða króna til þriggja ára í nafni Landsvirkjunar.

Ragnhildur Geirsdóttir: „Mér leið ekki vel hjá FL Group“

Ragnhildur Geirsdóttir, fyrrverandi forstjóri FL Group, segir að sér hafi ekki liðið vel í vinnunni og því ákveðið að hætta. Hún segir að erfitt hafi verið að hætta í draumastarfinu eftir nokkurra mánaða setu. Hún segist ekki hafa hitt Hannes Smárason frá því að hún gekk út úr FL Group árið 2005.

Landsvirkjun og Íslandsbanki semja um þriggja milljarða lán

Landsvirkjun og Íslandsbanki skrifuðu í dag undir samning um veltilán að fjárhæð 3 milljarða króna. Lánstími er þrjú ár og ber lánið Reibor

Hlutabréf Össurar hækkuðu um 0,52 prósent

Gengi hlutabréfa stoðtækjafyrirtækisins Össurar hækkaði um 0,52 prósent í Kauphöllinni í dag. Bréf Færeyjabanka lækkaði um 0,62 prósent á sama tíma.

Rólegt á skuldabréfamarkaðinum

Skuldabréfavísitalan GAMMA: GBI hækkaði um 0,3% í dag í 6,1 milljarða kr. viðskiptum. GAMMAi: Verðtryggt hækkaði um 0,3% í 2,4 milljarða kr. viðskiptum og GAMMAxi: Óverðtryggt hækkaði um 0,1% í 3,7 milljarða kr. viðskiptum.

Alcan semur um framkvæmdir í Straumsvík

Alcan á Íslandi hf., sem er í eigu Rio Tinto Alcan, hefur samið við Íslenska aðalverktaka hf. um tilteknar verklegar framkvæmdir við fyrri áfanga straumhækkunarverkefnisins í Straumsvík. Er þetta fyrsti samningurinn um verklega framkvæmd þessa verkefnis.

Hætti hjá FL Group vegna dularfullrar millifærslu

Ragnhildur Geirsdóttir, fyrrverandi forstjóri FL Group hefur sent frá sér yfirlýsingu vegna starfsloka sinna hjá FL Group. Hún segir ástæðuna hafa verið dularfulla millifærslu af reikningi FL Group yfir í Kaupþingi í Lúxemborg upp á þrjá milljarða króna.

FME eflir tengslin við regluverði

Fjármálaeftirlitið (FME) efndi nýlega til fræðslufundar með regluvörðum. Um áttatíu manns mættu á fundinn sem var haldinn í samræmi við það markmið Fjármálaeftirlitsins að auka tengsl við regluverði og staðgengla þeirra.

Vilhjálmur Egilsson telur botninum náð hjá Gildi

„Það er þungt að þurfa að lækka réttindin", segir Vilhjálmur Egilsson, formaður stjórnar Gildi lífeyrissjóðs. Vilhjálmur telur að botninum sé náð í afskriftum hjá lífeyrissjóðnum, sem ætlar að skerða lífeyrisréttindi um 7%.

Samkomulag Farice og kröfuhafa frestast enn

Samkomulag það sem í gangi hefur verið á milli Eignarhaldsfélagsins Farice ehf. og kröfuhafa þess hefur verið framlengt til 14. maí n.k. Samkomulagið felur sem fyrr í sér að félagið fær frest til að greiða eða semja um gjaldfallnar afborganir.

Öll Norðurlöndin samþykkja lán í tengslum við AGS

Okkar norrænu vinaþjóðir, Danmörk, Finnland, Noregur og Svíþjóð hafa samþykkt að veita íslenskum stjórnvöldum aðgang að næsta hluta lánafyrirgreiðslu að upphæð rúmlega 440 milljónir evra eða sem nemur 75 milljörðum kr. Þetta kemur fram í sameiginlegri fréttatilkynningu ríkjanna sem birt er á vef Reuters fréttaveitunnar.

Bílaleiga Akureyrar fær ISO vottun

Á umhverfisdegi Bílaleigu Akureyrar í dag mun umhverfisráðherra, Svandís Svavarsdóttir, afhenda bílaleigunni formlega vottun samkvæmt gæðastaðlinum ISO 9001 og umhverfisstjórnunarstaðlinum ISO 14001.

Um 4 miljónir heimsókna á heimasíðu Mílu

Nú hafa komið um 4 milljónir heimsókna á heimasíðu Mílu til að fylgjast með gosinu frá því Míla setti upp fyrstu myndavélarnar á gossvæðinu. Heimsóknirnar koma frá löndum frá öllum heimsálfum og eru aðeins 4 lönd/landsvæði eftir sem ekki hafa enn nýtt sér myndavélar Mílu, Norður-Kórea, Sómalía, Svalbarði/Jan Mayen og Vestur-Sahara.

Færeyjabanki verður BankNordik á föstudag

Færeyjabanki (Føroya Banki) mun breyta um nafn á föstudag og heitir BankNorik frá og með þeim degi. Bankinn tilkynnti um þessa breytingu á nafni sínu í síðasta mánuði.

Áliðnaðurinn notar 75% af allri raforku á Íslandi

Áliðnaður er langstærsti orkunotandinn á Íslandi og nýtir meira en 75% af allri raforku sem framleidd er á Íslandi. Aðrar iðngreinar, t.d. kísiljárniðnaður nota um 11% orkunnar en raforkunotkun til heimilisnota er einungis um 5% af heildar raforkunotkun á landinu.

Engar upplýsingar um 3,8 milljarða lán Ímons

Rannsóknarnefnd Alþingis tókst ekki að afla sér neinna upplýsinga um það hvernig Ímoni, félagi Magnúsar Ármanns, tókst að fjármagna 3,8 milljarða kaup sín í Landsbankanum þremur dögum fyrir bankahrun.

Kaupþing hélt veldi Tchenguiz lifandi

Íraksættaði fjárfestirinn Robert Tchenguiz og félög honum tengd skulduðu Kaupþingi rétt tæpa þrjú hundruð milljarða króna þegar bankinn féll í okt­óber 2008.

Hátt í þrjátíu Toyota jeppar innkallaðir

Toyota bifreiðarumboðið á Íslandi ætlar að innakalla 26 Land Cruiser bifreiðar sem komnar eru í notkun hér á landi. Þar að auki eru um tuttugu Land Cruiser bifreiðar væntanlegar til landsins sem þarf að gera við áður en þær fara í sölu.

Komu Glitni undan tæplega 20 milljarða afskrift korteri fyrir hrun

Fyrirtækjasvið Glitnis kom bankanum undan hátt í tuttugu milljarða króna afskrift sumarið 2008 með því að fá grunlausan bókaútgefanda til að eignast félag í eigu bankans - félag sem var með verðlausar eignir og sautján milljarða króna skuldir. Skilanefnd Glitnis rannsakar málið.

Lækka réttindi sjóðsfélaga um 7%

Stjórn Gildis-lífeyrissjóðs leggur til við ársfund að áunnin réttindi sjóðfélaga 31.12.2009 verði lækkuð um 7%. Lækkun á lífeyrisgreiðslum komi til framkvæmda í tvennu lagi; 3,5% 1. júní næstkomandi og 3,5% þann 1. nóvember. Þetta kemur fram í tilkynningu frá Gildi. Ársfundurinn verður haldinn 28. apríl næstkomandi.

Meðalvelta á hlutabréfamarkaði minnkar um helming í apríl

Meðalveltan á hlutabréfmarkaðunum í Kauphöllinni á dag það sem af er apríl eru rúmar 48 milljónir kr. sem er talsvert undir þeim 99 milljónum kr. sem var meðalvelta á hlutabréfamarkaðnum í mars.

Björgólfur Thor vill ljúka skuldauppgjöri með sóma

Björgólfur Thor Björgólfsson athafnamaður segist ætla að greiða öll sín lán að fullu í tilkynningu sem hann sendi frá sér en hann skuldar 128 milljarða að eigin sögn. Í skýrslu rannsóknarnefndarinnar kom fram að Björgólfur skuldaði 170 milljarða.

Sparisjóðirnir kosta ríkissjóð yfir 20 milljarða

Endurfjármögnun sparisjóðakerfisins kostar íslenska ríkið yfir tuttugu milljarða króna. Stofnfé Byrs og Sparisjóðsins í Keflavík verður fært niður um 90-100%.

Greining MP Banka spáir 8,4% verðbólgu

Enn virðist verðlag vera hækkandi þótt dregið hafi úr mánaðartaktinum. Greining MP Banka gerir því ráð fyrir um 0,4% hækkun verðlags nú í apríl og ef það gengur eftir verður ársverðbólga 8,4% en hún mældist 8,5% í síðasta mánuði.

AGS: Afnám gjaldeyrishafta ekki á dagskrá í bráð

Í fréttatilkynningu sem Alþjóðagjaldeyrissjóðurinn (AGS) sendi út í kjölfar endurskoðunarinnar segir að í ljósi þess hversu óljóst sé hvenær lán frá Norðurlöndunum og Póllandi berist verði frekari afnám hafta á útflæði fjármagns að bíða enn um sinn.

Fiskeldisstöðin Rifós annar ekki eftirspurn

Hjá fiskeldisstöðinni Rifósi í Kelduhverfi er alin bæði bleikja og lax og þar á bæ eru menn stórhuga. Stefnt er að því að stækka stöðina umtalsvert þannig að ársframleiðslan verði um 1000 tonn en í dag annar Rifós ekki eftirspurn eftir vörum fyrirtækisins.

Greining: Spá um að verðbólgan lækki í 8,3%

Greining Íslandsbanka spáir því að vísitala neysluverðs (VNV) muni hækka um 0,3% í apríl. Ef sú verður raunin mun verðbólga lækka úr 8,5% í 8,3% og telur greiningin raunar líklegt að þar með sé hafið hjöðnunarskeið í verðbólguþróun sem standa muni næsta kastið.

Askan kostar Icelandair 100 milljónir á dag

Undanfarna daga hafa starfsmenn Icelandair Group unnið að því að lágmarka röskun fyrir viðskiptavini samstæðunnar vegna eldsumbrota í Eyjafjallajökli. Áætlanir gera ráð fyrir að tap samstæðunnar vegna takmarkaðrar flugumferðar til Evrópu nemi samtals um 100 milljónum króna á dag.

Auður Capital tekur yfir eignastýringu VBS

Slitastjórn VBS hefur, í samráði við Fjármálaeftirlitið (FME), samið við verðbréfafyrirtækið Auði Capital hf. um að taka yfir rekstur eignastýringardeildar VBS, þar sem VBS er nú í slitameðferð.

Átti að vera tímabundið lán

Landsbankinn lánaði Nordic Partners 65,5 milljarða króna frá byrjun árs 2007 fram til loka september 2008. Þetta er 508 prósenta aukning á tæplega tveggja ára tímabili. Nordic Partners skuldaði bankanum 78,5 milljarða í bankahruninu.

Stjórnvöld samþykkja „eðlileg“ vaxtakjör á Icesaveskuldinni

Efnahagsmál Íslensk stjórnvöld heita því í nýrri viljayfirlýsingu til Alþjóðagjaldeyrissjóðsins (AGS) að Bretum og Hollendingum verði að fullu endurgreiddur kostnaður vegna Icesave-reikninganna, auk „eðlilegra" vaxta.

Þurfa líklega að greiða tugi milljóna í skatt

Fyrrverandi stjórnarmaður og framkvæmdastjóri Glitnis munu að öllum líkindum þurfa að greiða tugi milljóna króna í skatt vegna ólögmætra arðgreiðslna sem þeir fengu í sinn hlut. Glitnir veitti lán fyrir arðgreiðslunum sem námu 300 milljónum króna.

Skilanefndir Landsbankans og Glitnis segjast ekki draga lappirnar

Það fylgir því mikil ábyrgð að vísa málum einstaklinga til sérstaks saksóknara, segir formaður skilanefndar Glitnis. Því þurfi að vanda til verka. Skilanefndir Landsbankans og Glitnis segjast ekki draga lappirnar í því að senda meint lögbrot bankanna í frekari rannsókn, en Kaupþingsmál hafa verið meira áberandi eftir hrun.

Margvíslegar lausnir til staðar

Rakel Sveinsdóttir, framkvæmdastjóri Creditinfo, segir að um tvö þúsund fyrirtæki fari nú í þrot á ári og rúmlega tvö þúsund ný fyrirtæki verði til. Fleiri fyrirtæki séu því stofnuð en fari í þrot og það sé mynstur sem muni líklega verða til staðar á meðan hjól atvinnulífsins eru í hægagangi. Þetta kemur fram á vef Samtaka atvinnulífsins. Þar munu á næstu dögum birtast sjónvarpsinnslög undir yfirskriftinni Rödd atvinnulífsins.

Stapi afskrifar 4 milljarða kröfu á Straum

Lífeyrissjóðurinn Stapi hefur ákveðið að afskrifa 4 milljarða kr. kröfu sína á Straum. Eins og kunnugt er af fréttum gleymdu lögmenn sjóðsins að lýsa kröfunni í þrotabú Straums áður en kröfulýsingarfresturinn rann út.

Toyota innkallar fleiri bíla

Toyota, stærsti bílaframleiðandi Japans, hefur ákveðið að innkalla rúmlega 600 þúsund sendiferðabíla í Bandaríkjunum af gerðinni Sienna vegna galla í hjólabúnaði. Í síðustu viku ákvað fyrirtækið að taka lúxusjeppa af gerðinni Lexus GX460 tímabundið úr sölu um allan heim.