Glitnir horfði fram hjá feðgatengslum

Þrátt fyrir skyldleika Werners Rasmussonar við Karl og Steingrím Wernerssyni skilgreindi lánanefnd Glitnis þá ekki sem slíka. Þegar félag bræðranna rauf skilmála við erlenda kröfuhafa veitti Glitnir tuttugu milljarða fyrirgreiðslu.

Landsvirkjun er að breytast - forstjóri vill sæstreng til Evrópu

Hörður Arnarson, forstjóri Landsvirkjunar, upplýsti í fyrsta sinn um raforkuverð til stóriðju á sögulegum ársfundi Landsvirkjunar í dag. Stóriðjufyrirtækin borga aðeins rúmlega fjórðung af þeirri upphæð sem íslensk heimili greiða fyrir raforku. Landsvirkjun er að breytast og vægi framkvæmda mun minnka. Forstjórinn segir sérstaklega áhugavert að leggja sæstreng til Evrópu.

Vill aukna sátt um Landsvirkjun - glærukynning

Hörður Arnarson forstjóri Landsvirkjunnar segist vonast til þess að með nýju hlutverki og breytingum í áherslum fyrirtækisins væri hægt að skapa aukna sátt um starfsemi fyrirtækisins. Með þessari frétt er hluti af glærukynningu forstjórans á ársfundi Landsvirkjunar sem haldinn var í dag.

Lánafyrirgreiðslur frá Norðulöndum og Póllandi fylgja samþykkt AGS

Annarri endurskoðun efnahagsáætlunar Íslands og Alþjóðagjaldeyrissjóðsins er lokið og lánafyrirgreiðsla að fjárhæð 160 milljónir Bandaríkjadala hefur verið samþykkt.

HB Grandi: Óvissa um fiskflutninga

,,Við eigum ein sjö tonn af ferskum flökum á Keflavíkurflugvelli sem bíða þess að komast í flug en staðan er vægast sagt mjög óljós. Við erum í stöðugu sambandi við viðskiptavini okkar í Evrópu," segir Sólveig Arna Jóhannesdóttir, sölustjóri ferskfiskafurða hjá HB Granda.

Bakkavör hækkaði um tíu prósent á síðasta degi

Gengi hlutabréfa Bakkavarar hækkaði um tíu prósent í Kauphöllinni í dag. Þetta var síðasti dagurinn sem félagið var skráð á markað en Iceland Air tekur sæti Bakkavarar í Úrvalsvísitölunni eftir helgi.

Líflegt á skuldabréfamrkaði

Skuldabréfavísitalan GAMMA: GBI lækkaði um 0,1% í dag í 18,3 milljarða kr. viðskiptum. GAMMAi: Verðtryggt lækkaði um 0,2% í 4,2 milljarða kr. viðskiptum og GAMMAxi: Óverðtryggt lækkaði lítillega í 14,1 milljarða kr. viðskiptum.

AGS á dagskrá í dag

Endurskoðun Alþjóðagjaldeyrissjóðsins á efnahagsáætlun ríkisstjórnar Íslands verður tekin fyrir í dag, samkvæmt tilkynningu sem birtist rétt í þessu á vef AGS. Tilkynningarinnar hefur verið beðið með eftirvæntingu enda hefur endurskoðunin tafist mikið.

Stóriðja borgar fjórðung af því orkuverði sem heimili borga

Stóriðja borgar rúmlega fjórðung af því orkuverði sem heimili landsins borga. Stóriðjan borgar 3,3 kr. á kwst en heimilin borga 11,3 kr. á kwst miðað við gengi dollarans núna. Þetta kom fram í máli Harðar Arnarssonar forstjóra Landsvirkjunnar á aðalfundi félagsins sem nú stendur yfir.

Frumtak fjárfestir í Meniga fyfir 90 milljónir

Frumtak hefur fest kaup á hlut í Meniga ehf. Umfang viðskiptanna nemur 90 milljónum kr. að því er segir í tilkynningu um málið.

Sigurvegari Gulleggsins í viðræðum við stóra framleiðendur

Fulltrúar fyrirtækisins ReMake Electric, sem sigraði í nýsköpunarkeppninni Gullegginu 2010, standa í viðræðum við stærstu framleiðendur heims á sviði raföryggis um framleiðslu á nýrri tegund af rafmagnsöryggi sem fyrirtækið hefur þróað.

Yfirlýsing frá Alterna um eignarhald félagsins

Vegna umræðu í fjölmiðlum um tengsl Alterna og annarra símafélaga vill Alterna koma eftirfarandi skilaboðum á framfæri:

Icelandair tapar milljónum á eldgosinu

Icelandair tapar milljónum á dag vegna eldgossins í Eyjafjallajökli. Ástandið er alvarlegt fyrir félagið en það standur af sér áhrif öskufallsins í einhverja mánuði, segir forstjóri Icelandair Group.

Fjöldi kaupsaminga fasteigna undir meðaltali

Fjöldi þinglýstra kaupsamninga á höfuðborgarsvæðinu 9. apríl til og með 15. apríl 2010 var 44. Þessi fjöldi er nokkuð undir meðaltali s.l. 12 vikna sem er 48 samingar á viku.

Icelandair inn og Bakkavör út úr úrvalsvísitölunni

Breytingar verða á OMX16 úrvalsvísitölunni eftir helgina þannig að Icelandair Group kemur inn í vísitöluna en Bakkavör fer úr úr henni. Breytingin tekur gildi 19. apríl 2010.

Ríkissjóður þarf að leggja milljarða í ÍLS

Eiginfjárhlutfall Íbúðalánasjóðs (ÍLS) er talsvert lægra en samræmist langtímamarkmiðum hans og telja má líklegt að Ríkissjóður muni þurfa að leggja honum til eigið fé á næstunni, enda má enn búast við ágjöf á útlánasafn sjóðsins.

Faxaflóahafnir samþykkja viðræður um hótelbyggingu

Stjórn Faxaflóahafna hefur samþykkt að ganga til viðræðna við Hafnarhótel ehf. um byggingu á 120 herbergja hóteli við Ægisgarð. Samkvæmt hugmyndum forráðamanna Hafnarhótel er m.a. gert ráð fyrir fullkominni sundlaug í hótelinu sem yrði opin almenningi.

Áfram fjölgar í hópi langtímaatvinnulausra

Í lok mars voru alls 16.482 einstaklingar atvinnulausir og hafði um 52% þeirra verið án atvinnu í 6 mánuði eða lengur sem er nokkuð hærra hlutfall en verið hefur síðustu mánuði. Líkt og við mátti búast þá heldur áfram að fjölga í hópi þeirra sem hafa verið atvinnulausir í meira en ár. Í lok mars voru þeir 4.601 samanborið við 4.365 í lok febrúar.

Tap breskra flugfélaga vegna öskunnar um 20 milljarðar

Lokun lofthelgi Bretlands vegna öskunnar úr Eyjafjallajökli veldur gífurlegu tapi hjá flugfélögum í norðurhluta Evrópu og víðar um heiminn. Áætlað er að tap breskra flugfélaga gæti numið yfir 100 milljónum punda, eða um 20 miljörðum kr., ef lokunin nær inn í helgina.

Vísitala íbúðaverðs í borginni hækkar áfram

Vísitala íbúðaverðs á höfuðborgarsvæðinu var 303,5 stig í mars og hækkar um 0,5% frá fyrra mánuði. Síðastliðna 3 mánuði hækkaði vísitalan um 0,5%, síðastliðna 6 mánuði hefur hún lækkað um 3,3% og lækkun síðastliðna 12 mánuði var 5,9%.

Bakkavararbræður með opinn tékka

Bræðurnir Ágúst og Lýður Guðmundssynir og félög tengd þeim virðast hafa haft ágætt aðgengi að lánsfé úr sjóðum Kaupþings, samkvæmt skýrslu rannsóknarnefndar Alþingis.

ÍLS átti 347 íbúðir í árslok, eiginfjárstaðan hættulega lítil

Tap af rekstri Íbúðalánasjóðs (ÍLS) nam 3.2 milljörðum kr. samkvæmt rekstrarreikningi. Eigið fé hans í árslok var rúmlega 10 milljarðar kr. Íbúðir í eigu sjóðsins voru 347 í árslok 2009.

Háir vextir og óvissa hamla fjárfestingum

Rúmlega sex af hverjum tíu (62%) forsvarsmanna aðildarfyrirtækja Samtaka atvinnulífsins (SA) telja að umtalsverð lækkun stýrivaxta og samsvarandi lækkun útlánsvaxta banka myndi hvetja fyrirtæki þeirra til fjárfestinga.

SA: Störfum gæti fækkað um 1.500 á almennum markaði

Helmingur aðildarfyrirtækja Samtaka atvinnulífsins (SA) hyggst ekki gera breytingar á starfsmannafjölda á þessu ári en fjórðungur hyggst fjölga starfsmönnum og sama hlutfall fækka þeim. Þetta er meðal niðurstaðna nýrrar könnunar SA meðal aðildarfyrirtækja. Niðurstaðan bendir til þess að störfum á almennum vinnumarkaði fækki um rúmlega 1.500 á árinu.

Áfengissalan jókst um 14,4% milli ára í mars

Sala áfengis jókst um 14,4% í mars miðað við sama mánuð í fyrra á föstu verðlagi og jókst um 35,8% á breytilegu verðlagi. Leiðrétt fyrir árstíðabundnum þáttum nam aukning í veltu áfengis í mars 0,6% frá sama mánuði í fyrra. Verð á áfengi var 18,7% hærra í mars síðastliðnum en í sama mánuð í fyrra.

Atvinnuleysið í mars meira en á sama tíma í fyrra

Skráð atvinnuleysi í mars var 9,3% eða að meðaltali 15.059 manns og breytist atvinnuleysi lítið frá febrúar, fjölgar um 33 manns að meðaltali. Á sama tíma í fyrra var atvinnuleysi 8,9% eða 14.546 að meðaltali.

Horfum fram á sársaukafulla skerðingu á lífeyrisréttindum

Fjármálaráðherra segir að landsmenn horfi fram á sársaukafulla skerðingu á lífeyrisréttindum, þar sem tap sjóðanna af efnahagshruninu hér á landi 2008 sé nú að koma fram af fullum þunga.

Spennandi hvort gjaldeyrishöftin verða afnumin

Spennandi verður hvort dragi til einhverra tíðinda varðandi afnám gjaldeyrishafta í kjölfar annarrar endurskoðunar efnahagsáætlunar AGS og stjórnvalda, en endurskoðunin er á dagskrá sjóðsins á morgun.

Skuldatryggingaálag rikissjóðs stöðugt í 380 punktum

Skuldatryggingaálag ríkissjóðs hefur lækkað nokkuð á undanförnum vikum og nú í morgun stóð álagið til 5 ára í 380 punktum (3,82%). Jafnframt hafa sveiflurnar verið mun minni síðustu daga en oft áður, auk þess sem gildi þess hefur haldist í kringum 380 punkta nokkra daga í röð en það hefur ekki gerst síðan í nóvember á síðasta ári.

OR og Mitsubishi í samstarf á heimsvísu

Fulltrúar Orkuveitu Reykjavíkur (OR) og Mitsubishi Heavy Industries (MHI) undirrituðu í dag í sendiráði Íslands í Tókýó viljayfirlýsingu um samstarf fyrirtækjanna tveggja við jarðhitanýtingu á heimsvísu og innleiðingu visthæfra orkugjafa í samgöngum hér á landi.

Virði Icelandair á bilinu 16 til 25 milljarðar í nýju verðmati

Þýskur banki verðmetur virði eigin fjár Icelandair Group á bilinu 16,4 til 25,6 milljarða króna. Þetta kemur fram í tilkynningu frá félaginu til Kauphallarinnar. Áréttað er að verðmatið tekur ekki til hlutabréfa Icelandair Group sem skráð eru í Kauphöll Íslands og fjárfestar ættu ekki að nýta verðmatið sem grundvöll fyrir fjárfestingarákvörðun.

Markaðurinn telur að yfir 100% af Icesave endurheimtist

Alþjóðamarkaðurinn með skuldabréf virðist telja að endurheimtur úr þrotabúi Landsbankans mun nema töluvert meir en sem nemur Icesave-skuldinni. Skuldabréf í Landsbankanum halda áfram að hækka og er gengi þeirra nú komið í 11, það er markaðurinn telur að 11% muni fást upp í kröfur á hendur þrotabúinu.

Nýskráningar bíla jukust um 114% milli ára í mars

Töluverð aukin var í nýskráningum fólksbíla í mars. Í nýliðnum mánuði voru nýskráðir 156 nýir fólksbílar á móti 73 stk. í sama mánuði árið 2009 sem gerir liðlega 114% aukningu milli ára.

Rekstur Árborgar skilaði 449 milljóna tapi í fyrra

Rekstur sveitarfélagsins Árborgar, A og B hluti, skilaði tapi upp á 449 milljónir kr. á síðasta ári. Er það nokkuð minna tap en áætlun fyrir árið gerði ráð fyrir.

Innlendar matvörur hafa hækkað um 35,6% frá ársbyrjun 2007

Innlendar matvörur, utan búvara og grænmetis, hafa hækkað um 35,6% frá ársbyrjun 2007 en innfluttar matvörur hafa hækkað um 62,8% á sama tíma. Samkvæmt mælingum Hagstofu Íslands hefur vísitala neysluverðs hækkað frá ársbyrjun 2007 til mars 2010 um 35,3%.

LV lækkar lífeyrisgreiðslur um 10% frá júlí

Stjórn Lífeyrissjóðs verzlunarmanna (LV) hefur ákveðið að leggja til við aðildarsamtök sjóðsins að lækka greiðslur til lífeyrisþega um 10% frá og með 1. júlí 2010 og að áunnin lífeyrisréttindi sjóðfélaga verði lækkuð um 10% frá 1. janúar 2010. Þessi ráðstöfun er bein afleiðing yfirstandandi fjármálakreppu sem því miður hefur komið niður á ávöxtun eigna sjóðsins.

Tap hagkerfisins sagt gífurlegt

Bankarnir tóku ekki að fullu tillit til gjaldeyrisáhættu vegna lána í erlendri mynt, að því er fram kemur í skýrslu rannsóknarnefndar Alþingis.

Auðkýfingur með rússnesk mafíutengsl fékk lán frá Kaupþingi

Kaupþing lánaði rússneskum auðkýfingi sem sakaður er um tengsl við skipulagða glæpastarfsemi um þrjátíu milljarða króna rétt fyrir bankahrunið.

Kaupþingsmenn vildu „taka út pening strax“

Ráðabrugg lykilstjórnenda Kaupþings banka um lántöku út á hækkandi hlutabréfaverð lýsir þeirri fyrirætlun stjórnendanna að auðgast með því að taka "út peninginn strax," svo vitnað sé orðrétt í tölvupóst sem birtur er í rannsóknarskýrslu Alþingis.

Hagnaður Íslandsbanka nam 24 milljörðum króna

Hagnaður Íslandsbanka á síðasta ári nam 23,9 milljörðum króna og er tekjuskattur ársins áætlaður 4,7 milljarðar króna. Eiginfjárhlutfall bankans nam 19,8%. Arðsemi eiginfjár var 30% en enginn arður verður greiddur til eigenda bankans, eftir því sem fram kemur í afkomutilkynningu frá bankanum.

Exista hagnaðist um 90 milljarða á gjaldeyrisviðskiptum

Rannsóknarnefnd Alþingis metur hagnað Exista af gjaldeyrisviðskiptunum við Kaupþing upp á tæpa 90 milljarða íslenskra króna á á árunum 2007 og 2008. Eins og kunnugt er var Exista stærsti eigandi Kaupþings á þessu tímabili en samkvæmt skýrslu rannsóknarnefndarinnar átti félagið í gífurlegum gjaldeyrisviðskiptum við Kaupþing fram að hruninu um haustið 2008.

Skilanefnd Kaupþings hefur skoðað öll málin í skýrslunni

Í kjölfar birtingar skýrslu Rannsóknarnefndar Alþingis hafa skilanefnd Kaupþings og starfsmenn hennar farið yfir og greint þær upplýsingar úr skýrslunni er snúa að Kaupþingi og metið hvort allt sem þykir athugavert við starfsemi Kaupþings í skýrslunni hafi verið skoðað af skilanefnd. Niðurstaðan er sú að öll mál sem tengjast Kaupþingi og tekin eru fyrir í skýrslu Rannsóknarnefndar Alþingis hafa verið í athugun hjá skilanefnd Kaupþings.

Hlutabréf Century Aluminum hækkuðu um 2,66 prósent

Gengi hlutabréfa Century Aluminum, móðurfélagi álversins á Grundartanga, hækkaði um 2,66 prósent í Kauphöllinni í dag. Á sama tíma hækkaði gengi bréfa eitt prósent og stoðtækjafyrirtækisins Össurar um 0,53 prósent.

CNN semur við Mílu um að sýna frá gosinu

Forsvarsmenn fréttastofu CNN höfðu samband við Mílu í dag, þar sem farið var á leit við fyrirtækið að fá aðgengi að vefmyndavélunum til að geta sýnt beint frá gosstöðvunum á Íslandi á fréttavef CNN. Það leyfi var veitt og er nú myndavélin sem staðsett er á Valahnúk aðgengileg á fréttavef CNN.

Lítilsháttar lækkun á GBI skuldabréfavísitölunni

Skuldabréfavísitalan GAMMA: GBI lækkaði um 0,1% í dag í 10 milljarða kr. viðskiptum. GAMMAi: Verðtryggt lækkaði um 0,1% í 0,8 milljarða kr. viðskiptum og GAMMAxi: Óverðtryggt hækkaði lítillega í 9,2 milljarða kr. viðskiptum.