Viðskipti innlent

Fiskeldisstöðin Rifós annar ekki eftirspurn

Í vinnslu Rifóss er unninn fiskur alla virka daga ársins og er fyrirtækið mikilvægur vinnustaður í Kelduhverfi með 12 fasta starfsmenn.
Í vinnslu Rifóss er unninn fiskur alla virka daga ársins og er fyrirtækið mikilvægur vinnustaður í Kelduhverfi með 12 fasta starfsmenn.
Hjá fiskeldisstöðinni Rifósi í Kelduhverfi er alin bæði bleikja og lax og þar á bæ eru menn stórhuga. Stefnt er að því að stækka stöðina umtalsvert þannig að ársframleiðslan verði um 1000 tonn en í dag annar Rifós ekki eftirspurn eftir vörum fyrirtækisins.

Fjallað er um málið á heimasíðu Samtaka atvinnulífsins (SA). Þar segir að í vinnslu Rifóss er unninn fiskur alla virka daga ársins og er fyrirtækið mikilvægur vinnustaður í Kelduhverfi með 12 fasta starfsmenn en ársverk eru um 15. Afurðirnar fara mest til útflutnings, einkum til Bandaríkjanna.

Rödd atvinnulífsins í dag, mánudaginn 19. apríl, á Hlífar Karlsson, framkvæmdastjóri Rifóss en hægt er að fylgjast með viðtali við hann á netinu á heimasíðu SA.

Auk þess að fjalla um rekstur Rifóss, ræðir Hlífar um ástandið í atvinnumálunum, áhugaleysi á atvinnuuppbyggingu á landsbyggðinni og framtíðina. Hann segir þörf á að því að ná auknu jafnvægi og stöðugleika í efnahagslífið en leiðin geti ekki legið nema upp á við úr þessu. Þetta muni allt koma á endanum.





Mest lesið


Fleiri fréttir

Sjá meira


×

Mest lesið