Aðeins dregur úr svartsýni neytenda

Svartsýni íslenskra neytenda minnkaði lítillega á milli desember í fyrra og janúar í ár. Væntingavísitala Gallup sem birt var í morgun hækkaði um 3,1 stig á milli þessara tveggja mánaða og stendur nú í 37,1 stigum en fleiri svarendur eru neikvæðir en jákvæðir á stöðu og horfur í efnahagslífinu þegar vísitalan mælist undir 100 stigum.

Gjaldeyrishöftin losna jafnvel ekki fyrr en krónan hverfur

„Þarf því að horfast í augu við þann möguleika að krónan losni ekki úr viðjum haftanna í fyrirsjáanlegri framtíð og jafnvel að þau heyri ekki sögunni til fyrr en krónan hefur verið gefin upp á bátinn sem gjaldmiðill Íslendinga."

SA tekur undir með Samkeppniseftirlitinu

Samtök atvinnulífsins (SA) taka undir þá skoðun Samkeppniseftirlitsins að einungis eigi að koma til aðstoðar fyrirtækjum sem eigi sér eðlilegar rekstrarlegar forsendur og forðast beri að endurreisa eða halda gangandi óhagkvæmum fyrirtækjum.

AGS ræðir áfram við Norðurlönd um fjármögnun fyrir Ísland

Alþjóðagjaldeyrissjóður (AGS) heldur áfram viðræðum við ráðamenn á Norðurlöndunum um fjármögnun á áætlun sinni og íslenskra stjórnvalda. Hinsvegar hefur næstu endurskoðun á áætluninni verið frestað um óákveðinn tíma.

Lækkun verðbólgu langt umfram spár

Lækkun ársverðbólgunnar niður í 6,6% eru ánægjuleg tíðindi en þessi lækkun var langt umfram spár sérfræðinga og greiningardeilda. Þeir höfðu raunar reiknað með því að verðbólgan myndi hækka úr 7,5% í síðasta mánuði og upp í um 8% núna.

Ársverðbólgan lækkar niður í 6,6%

Síðastliðna tólf mánuði hefur vísitala neysluverðs, það er ársverðbólgan, hækkað um 6,6% en vísitala neysluverðs án húsnæðis um 10,9%. Í desember mældist ársverðbólgan 7,5%. Undanfarna þrjá mánuði hefur vísitala neysluverðs hækkað um 0,9% sem jafngildir 3,7% verðbólgu á ári (6,7% fyrir vísitöluna án húsnæðis).

Milljarðalán til tónlistarhúss afskrifuð

Austurhöfn-TR, sem er í um helmingseigu ríkis og Reykjavíkurborgar, keypti átta milljarða króna kröfu gamla Landsbankans á Portus vegna tónlistar- og ráðstefnuhússins Hörpu í Reykjavík í fyrra með nýjum lánum og veði í þremur byggingareitum á sömu lóð og tónlistarhúsið stendur. Ekkert hefur verið gefið upp um kaupverð og er hún sveipuð bankaleynd, að sögn Stefáns Hermannssonar, framkvæmdastjóra Austurhafnar.

Ekkert álver framleiðir jafnmörg tonn í hverju keri

Útflutningsverðmæti Alcoa Fjarðaáls í Reyðarfirði jókst lítil­lega milli áranna 2008 og 2009 í íslenskum krónum.

Vill skilyrði um arðsemi og gegnsæi

Niðurstaða áfrýjunarnefndar um samkeppnismál vegna samruna Teymis og Vestia setur skýr fordæmi um hvernig samkeppnisyfirvöld eiga að taka á eignarhaldi bankanna á fyrirtækjum á samkeppnismarkaði, segir Sævar Freyr Þráinsson, forstjóri Símans.

Varnarmálastofnun stefnir á að skila afgangi

Varnarmálastofnun áætlar að skila um 120 milljón krónum í rekstrarafgang af fjárheimildum ársins 2009, en sú niðurstaða hefur fengist með verulegu aðhaldi í rekstri stofnunarinnar, að því er segir í tilkynningu frá stofnuninni.

Úrvalsvísitalan hækkaði lítillega

Úrvalsvísitalan (OMX16) stóð í 825,71 stigi í lok dagsins og hækkaði um 0,19 prósent.

Viðskipti á skuldabréfamarkaði námu 7,8 milljörðum króna

Heildarvelta skuldabréfa á markaði í dag nam 7,8 milljörðum króna. Þar af var velta með verðtryggð íbúðabréf 4,6 milljarðar krónur og með óverðtryggð ríkisbréf 3,2 milljarðar.

Laun fyrir stjórnarsetu dragast frá skilanefndarlaunum

Launin sem Árni Tómasson, formaður skilanefndar Glitnis, og nú stjórnarmaður Íslandsbanka, þiggur fyrir stjórnarsetu bankans, munu dragast frá launum hans hjá skilanefndinni. Þetta staðfesti hann í samtali við fréttastofu í dag.

Erlendir reynsluboltar í stjórn Íslandsbanka

Fjórir erlendir stjórnarmenn Íslandsbanka eru reynsluboltar á sviði fjármála. Tveir þeirra eru bandarískir ríkisborgarar, einn er breskur og einn er norskur. Send hefur verið út tilkynning um hina nýju stjórn bankans og þar er að finna eftirfarandi um hina erlendu stjórnarmenn.

Fréttaskýring: Leiðarlok fyrir Singer & Friedlander

Gangi áætlanir Ernst & Young skiptastjóra Singer & Friedlander eftir um sölu á verðmætum lánasöfnum bankans má gera ráð fyrir að sögu fyrsta íslenska bankans eftir hrunið 2008 sé endanlega lokið. Aðrar stórar eignir verða þá ekki eftir í þrotabúinu ef frá er talin krafa bankans í þrotabú Kaupþings upp á rúmlega 150 milljarða kr.

Friðrik Sophusson stjórnarformaður Íslandsbanka

Friðrik Sophusson hefur verið skipaður formaður stjórnar Íslandsbanka en það var tilkynnt fyrir stundu. Árni Tómasson, formaður skilanefndar Glitnis, verður einnig í stjórn bankans.

Áhugi á óverðtryggðum ríkisbréfum dvínar ekki

Áhugi íslenskra fjárfesta á löngum óverðtryggðum ríkisskuldabréfum hefur síst dvínað þrátt fyrir aukna óvissu um þróun skammtímavaxta og efnahagsmála næsta kastið.

Gamla stjórn Sjóvár íhugar skaðabótakröfur

Stjórn gömlu Sjóvár íhugar að krefja fyrrverandi stjórn og stjórnendur félagsins um skaðabætur vegna þess tjóns sem hlaust af störfum þeirra.

Samkeppniseftirlitið hefur auknar heimildir til íhlutunar

Samkeppniseftirlitið segir að nýlegur úrskurður áfrýjunarnefndar veiti eftirlitinu auknar heimildir til að fylgja eftir nýútgefnu umræðuskjali um banka og fjárhagslega endurskipulagningu fyrirtækja.

Greining reiknar með óbreyttum vöxtum Seðlabankans

Vaxtaákvörðun peningastefnunefndar SÍ verður kynnt á miðvikudaginn og reiknar greining Íslandsbanka með því að nefndin ákveði að halda vöxtum bankans óbreyttum að þessu sinni.

Höfuðstólslækkun á eignaleigusamningum fyrirtækja

Frá og með 27. janúar geta fyrirtæki og einstaklingar í rekstri sem eru í viðskiptum við Íslandsbanka Fjármögnun fengið lækkun á höfuðstól eignaleigusamninga í erlendri mynt. Lækkunin getur numið allt að 25% og er breytileg eftir samsetningu mynta í hverjum samningi.

Landsbankinn: Úrskurðurinn eyðir óvissu

„Úrskurðurinn í ofangreindu máli hefur að öllu óbreyttu í för með sér að eytt verður óvissu um samkeppnisréttarlegt rekstrarumhverfi þeirra atvinnufyrirtækja sem bankinn fer með yfirráð yfir."

Aflaverðmætið komið í 95 milljarða á síðasta ári

Aflaverðmæti íslenskra skipa nam rúmum 95 milljörðum króna á fyrstu tíu mánuðum ársins 2009, samanborið við tæpa 80 milljarða yfir sama tímabil 2008. Aflaverðmæti hefur því aukist um 15 milljarða eða 19,2% á milli ára. Aflaverðmæti í októbermánuði nam 9,7 milljörðum króna miðað við 9,4 milljarða í október 2008.

Sparisjóðabankinn og SPRON Verðbréf úr kauphöllinni

Sparisjóðabankinn og SPRON Verðbréf hafa sagt upp aðild sinni að hlutabréfa- og skuldabréfamörkuðum kauphallarinnar.

Endurgerð kvikmyndar eftir Mýrinni komin í biðstöðu

Endurgerð kvikmyndar eftir Mýrinni í Bandaríkjunum er komin í biðstöðu og óljóst hvort af henni verði. Þetta er sökum fjárhagsvandræða kvikmyndaframleiðendans Overture sem er eitt af dótturfélögum Liberty Media.

Landic Property heitir Reitir

Skipt hefur verið um nafn á fasteignafélaginu Landic Property Ísland. Það heitir nú Reitir fasteignafélag.

Hægt að lækka höfuðstólinn

Fyrirtæki og einstaklingar í rekstri, sem eru í viðskiptum við Íslandsbanka Fjármögnun, geta fengið lækkun á höfuðstól eignaleigusamninga í erlendri mynt hjá bankanum, frá og með 27. janúar. Lækkunin getur numið allt að 25 prósentum.

Mikilvægt að bjarga Icelandic Group

Nýi Landsbankinn (NBI) hefur síðustu mánuði unnið að yfirtöku á öllu hlutafé Icelandic Group (áður Sölumiðstöð hraðfrystihúsanna) og færir það inn í eignarhaldsfélagð Vestia á næstu dögum. Það verður selt í opnu söluferli eftir óákveðinn tíma.

Úrskurðarnefnd telur hættu á að bankar raski samkeppni

Séu ekki settar skorður við langvarandi eignarhaldi lánardrottna á borð við banka á fyrirtækjum á samkeppnismarkaði skapast ýmis konar hætta á röskun á samkeppni. Þetta er mat úrskurðarnefndar um samkeppnismál.

Gæti átt yfir höfði sér allt að sex ára fangelsi

Þór Sigfússon, fyrrverandi forstjóri Sjóvár, er grunaður um að hafa valdið félaginu tjóni með vanrækslu í starfi. V

Tchenguiz bræður þöglir um kröfuna í Kaupþing

Bræðurnir Vincent og Robert Tchenguiz munu líklegast sækja rétt sinn gegn slitastjórn Kaupþings fyrir rétti ef krafa þeirra í þrotabú Kaupþings verður ekki samþykkt. Þetta er fullyrt í breska blaðinu Sunday Telegraph.

Rukkaður um 4500 krónur vegna 24 krónu skuldar

Ríkissjóður rukkar atvinnulausan mann um fjögurþúsund og fimmhunduð krónur fyrir að draga að greiða tuttugu og fjögurra króna skuld í fimmtán daga.

Framleiðsluverðmæti Fjarðaáls 100 milljarðar á ári

Framleiðsluverðmæti Fjarðaáls austur á fjörðum nemur nú hátt í 100 milljörðum kr. á ári. Í fyrra framleiddi álverið rétt tæp 350.000 tonn af áli. Miðað við núverandi álverð á málmmarkaðinum í London er verðmæti þeirrar framleiðslu vel yfir 100 milljörðum.

Tchenguiz bræður vilja fjögur hundruð milljarða frá Kaupþingi

Bræðurnir Robert og Vincent Tchenguiz, sem voru meðal stærstu viðskiptavina Kaupþings, gera yfir fjögur hundruð milljarða króna skaðabótakröfur í þrotabú bankans. Kröfurnar koma frá tveimur vogunarsjóðum á Guernsey og Tortóla. Tchenguiz bræður fengu á sínum tíma hátt í þrjú hundruð milljarða að láni hjá bankanum.

FME: Landskilum leyft að fara með virkan eignarhlut í NBI

Fjármálaeftirlitið (FME) hefur veitt Landskilum ehf. leyfi til að fara með virkan eignarhlut í NBI hf. fyrir hönd Landsbanka Íslands hf. Leyfið er veitt í kjölfar samnings Landsbanka Íslands hf. og íslenska fjármálaráðuneytisins, hinn 15. desember síðastliðinn, m.a. þess efnis að Landsbanki Íslands hf. gæti eignast 18,7% hlut í NBI hf. að uppfylltum ákveðnum skilyrðum.

Tchenquiz bræður með 440 milljarða kröfu í Kaupþing

Á kröfulista Kaupþings kemur fram að sjóðurinn Investec Trust Limited á Guernsey gerir 127 milljarða króna skaðabótakröfu í þrotabúið og sjóður að nafni Euro Investments Overseas á Tortóla gerir skaðabótakröfu upp á 317 milljarða króna. Heimildir fréttastofu herma að sjóðirnir séu í eigu bræðranna Robert og Vincent Tchenguiz. Samtals nema kröfur þeirra yfir 440 milljörðum króna.

Hluthafafundur Atorku samþykkti yfirtöku kröfuhafa

Hluthafafundur Atorku Group hf. sem haldinn var á Grand Hótel, Reykjavík í dag samþykkti tillögu stjórnar félagsins um að hlutafé í félaginu, að nafnvirði 3.373.650.000 kr., yrði fært niður að fullu, samhliða því að hlutafé í félaginu yrði hækkað að nýju um sömu nafnverðsfjárhæð, með því að kröfuhafar félagsins skráðu sig fyrir því hlutafé.

Gengi hlutabréfa Century Aluminum féll um 9,3 prósent

Gengi hlutabréfa í Century Aluminum, móðurfélagi Norðuráls, féll um 9,33 prósent í Kauphöllinni í dag. Á sama tíma féll gengi bréfa hins færeyska Eik banka um 6,82 prósent.

Landsbankinn tapaði 6,9 milljörðum

Afkoma Landsbankans eftir skatta var neikvæð um 6,9 milljarða króna frá því bankinn var tekinn yfir af ríkinu eftir hrun haustið 2008 til áramóta sama ár. Þetta skýrist fyrst og fremst af tapi af markaðsskuldabréfum sem bankinn keypti af peningamarkaðssjóðum Landsvaka í október 2008 en það nam 38,2 milljörðum króna, að fram kemur í tilkynningu frá bankanum.

Slitastjórn selur lausafjármuni úr þrotabúi SPRON

Slitastjórn SPRON selur lausafjármuni úr þrotabúi sparisjóðsins í geymsluhúsnæði að Kistumel 14 á Kjalarnesi á laugardag og sunnudag næstkomandi milli kl. 11:00 og 17:00.

Nýr framkvæmdarstjóri ráðinn til Yggdrasil

Nýr framkvæmdarstjóri, Björn Kristján Arnarson, hefur verið ráðinn hjá Yggdrasil. Yggdrasill er heildverslun sem selur lífrænt ræktaðar matvörur, hreinlætisvörur og snyrtivörur. Stjórn fyrirtækisins helst óbreytt en í henni sitja Björn Jóhannesson og Hrefna Ösp Sigfinnsdóttir.

Kaupmáttarskerðingin á sér fá fordæmi hérlendis

Sú kaupmáttarskerðing sem íslenskir launþegar hafa orðið fyrir undanfarin misseri á sér fá fordæmi hér á landi og þarf að fara aftur til byrjun tíunda áratugar síðustu aldar til þess að finna álíka þróun.

Sjóðir Byrs með mesta ávöxtun í ríkisbréfum

Skuldabréfasjóður Byrs skilaði 17% nafnávöxtun á síðasta ári. Skuldabréfasjóðurinn fjárfestir eingöngu í ríkistryggðum skuldabréfum.

Kvos hf. selur Infopress Group

Kvos hf. hefur selt Infopress Group (IPG) sem rekið hefur prentsmiðjur í Ungverjalandi og Rúmeníu.

Lífeyrissjóðir gera kröfur upp á tugi milljarða í Kaupþing

Lífeyrissjóðir landsins gera kröfur upp á tugi milljarða kr. í þrotabú Kaupþings. Stærsta krafan er frá Lífeyrissjóði Verzlunarmanna og hljóðar hún upp á um 14 milljarða kr.