Hluthafafundur Atorku samþykkti yfirtöku kröfuhafa

Hluthafafundur Atorku Group hf. sem haldinn var á Grand Hótel, Reykjavík í dag samþykkti tillögu stjórnar félagsins um að hlutafé í félaginu, að nafnvirði 3.373.650.000 kr., yrði fært niður að fullu, samhliða því að hlutafé í félaginu yrði hækkað að nýju um sömu nafnverðsfjárhæð, með því að kröfuhafar félagsins skráðu sig fyrir því hlutafé.

Í tilkynningu til kauphallarinnar segir að þetta hafi allt verið gert á grundvelli nauðasamnings Atorku Group hf. við kröfuhafa, samþykktum á fundi kröfuhafa 10. desember 2009 og staðfestum af Héraðsdómi Reykjaness 7. janúar 2010.

Mismunur sem var á þeirri nafnverðsfjárhæð og fjárhæð lýstra, viðurkenndra og óumdeildra krafna undir nauðasamningsumleitunum yrði færður á yfirverðsreikning hlutafjár, það er að frádreginni fjárhæð skuldabréfs.