Fleiri fréttir

Fyrsta jafnteflið á HM á Spáni

Afríkuþjóðirnar Alsír og Egyptaland gerðu 24-24 jafntefli í fyrsta leik dagsins í D-riðli á HM í handbolta á Spáni en þetta er fyrsta jafnteflið á mótinu og það kemur ekki fyrr en í 34. leiknum.

Túnisbúar áfram á sigurbraut á HM á Spáni

Túnisbúar fengu tvo slæma skelli á móti Íslandi í Laugardalshöllinni milli jóla og nýárs en þeir eru aftur á móti spútnikliðið á HM í handbolta á Spáni. Túnisliðið fylgdi eftir sigri á Þjóðverjum með því að vinna Svartfellinga í dag.

HM 2013 | Rússar áttu ekki í vandræðum með Katar

Rússar áttu ekki í teljandi vandræðum með að lands sigri gegn Katar í fyrsta leik dagsins í B-riðli heimsmeistaramótsins í Sevilla. Mikil harka einkenndi leikinn samt sem áður og leikmaður Rússa fékk rautt spjald snemma í fyrri hálfleik. Staðan var 16-13 fyrir Rússa í hálfleik en leikurinn endaði með sjö marka sigri Rússa, 29-22.

Aron Kristjánsson: Helmingslíkur á sigri gegn Makedóníu

Aron Kristjánsson þjálfari íslenska landsliðsins í handbolta fór vel yfir áhersluatriðin gegn Makedóníu á síðustu æfingu liðsins í gær í Sevilla. Varnarleikurinn verður í aðalhlutverki hjá Íslendingum og skilaboðin eru einföld frá þjálfaranum – það á að berja á leikmönnum Makedóníu.

Umfjöllun, viðtöl og myndir: Ísland - Makedónía 19-23

Stórkostlegur varnarleikur lagði grunninn að 23-19 sigri Íslands í kvöld gegn Makedóníu í B-riðli heimsmeistaramótsins í handknattleik. Íslenski varnarmúrinn stóðst nánast allar atlögur Makedóníumanna sem áttu engin svör – og sérhæfðu varnarmennirnir Sverre Jakobsson og Vignir Svavarsson fögnuðu gríðarlega í hvert sinn sem þeir höfðu betur gegn ráðlausum Makedóníumönnum.

Guðjón Valur: Makedóníumenn hafa verið smá basli í sínum leikjum

"Makedóníumenn hafa verið smá basli í sínum leikjum en maður veit ekki hvort þeir hafa ekki verið nógu einbeittir. Þetta er lið sem við þekkjum vel og höfum leikið oft gegn þeim síðustu ár,“ segir landsliðsfyrirliðinn Guðjón Valur Sigurðsson en íslenska handboltalandsliðið mætir Makedóníu í þriðja leiknum í B-riðli heimsmeistaramótsins síðdegis í Sevilla á Spáni.

Ernir í hópinn í stað Ólafs Guðmundssonar

Aron Kristjánsson, landsliðsþjálfari í handknattleik, gerði eina breytingu á landsliðshópi sínum í morgun er hann tók Erni Hrafn Arnarson inn í hópinn í stað Ólafs Guðmundssonar.

Stórleikur gegn Makedóníu í dag

Það er stórleikur hjá strákunum okkar í dag er þeir mæta Makedóníu í lykilleik fyrir bæði lið sem mega ekki við því að tapa.

Aron: Lofa því að spila betur í næstu leikjum

Aron Pálmarsson ætlar sér stóra hluti með íslenska landsliðinu í næstu leikjum heimsmeistaramótsins í Sevilla. Aron, sem leikur með Kiel í Þýskalandi, er allt annað en sáttur við sitt framlag til liðsins í fyrstu tveimur leikjunum og lofar því að gera betur.

Átti aldrei að rata í fjölmiðla

Róbert Gunnarsson er margfaldur Evrópu-, heims- og Ólympíumeistari í upphitunarfótbolta. Lagði fram gríðarlega öfluga leikáætlun í Sevilla í gær. Línumaðurinn er á batavegi en óvissa er um framhaldið.

Shundovski telur Íslendinga sigurstranglegri

"Ég get ekki verið annað en ánægður með liðið eftir tvo sigurleiki, en Ísland er sigurstranglegra gegn okkur," sagði Zvonko Shundovski, þjálfari Makedóníuliðsins sem Ísland mætir í dag á HM.

Ísland og Júgóslavíuþjóðirnar

Íslenska handboltalandsliðið mætir Makedóníu á HM í handbolta í kvöld og af því tilefni hefur Fréttablaðið skoðað nánar gengi íslenska landsliðsins á móti ríkjum gömlu Júgóslavíu í keppnisleikjum erlendis.

Ungverjar unnu 30 marka sigur

Ungverjaland er með fullt hús eftir tvær umferðir í D-riðli á HM í handbolta á Spáni alveg eins og Spánn og Króatía en Ungverjar unnu 30 marka stórsigur á Áströlum, 43-13, í lokaleik dagsins.

Pólverjar fengu bara fjórtán mörk á sig

Pólverjar áttu ekki í miklum vandræðum með Sádí-Arabíu á HM í handbolta í kvöld en pólska liðið vann leikinn 28-14 og hefur þar með fullt hús í C-riðli eftir tvær fyrstu umferðirnar.

Framkvæmdastjóri Füchse Berlin: Þjóverjar eiga að ráða Alfreð eða Dag

Alfreð Gíslason, þjálfari Kiel, og Dagur Sigurðsson, þjálfari Füchse Berlin, eru nú sterklega orðaðir við þýska landsliðið í handbolta en Bob Hanning, framkvæmdastjóri Füchse Berlin, sem bíður sig fram til varaformanns þýska handboltasambandsins, sagði í sportþætti á ZDF um helgina að þeir væru bestu kostir Þjóðverja i stöðunni enda álitnir tveir af bestu handknattleiksþjálfurum heims.

Þægilegt hjá Spánverjum á móti Egyptum

Spánverjar unnu öruggan og þægilegan sigur á Egyptum, 29-24, í öðrum leik sínum á HM í handbolta á Spáni og hafa því fullt hús eftir fyrstu tvær umferðirnar. Spánn og Króatía eru bæði með fjögur stig og Ungverjar bætast væntanlega í hópinn á eftir enda eiga þeir leik á móti Ástralíu seinna í kvöld.

Serbar ekki í miklum vandræðum með Hvít-Rússa

Serbar sýndu styrk sinn með sannfærandi sex marka sigri á Hvíta-Rússlandi, 34-28, í öðrum leik sínum í C-riðli á HM í handbolta á Spáni. Serbneska liðið vann níu marka sigur á Suður-Kóreu í fyrsta leik sínum á mótinu.

Slóvenía og Króatía áfram með fullt hús eftir örugga sigra

Slóvenía og Króatía unnu bæði leiki sína á HM í handbolta í dag og hafa þar með fullt hús eftir fyrstu tvær umferðirnar í sínum riðlum. Slóvenar unnu sjö marka sigur á Suður-Kóreubúum en Króatar unnu ellefu marka sigur á Alsír.

Létt yfir strákunum í Sevilla - myndir

Strákarnir í íslenska handboltalandsliðinu spila ekki á HM í handbolta í dag en notuðu hinsvegar daginn vel til þess að undirbúa sig fyrir mikilvægan leik á móti Makedóníu á morgun.

HM 2013 | Anton og Hlynur í beinni

Dómaraparið Anton Hlynur Pálsson og Hlynur Leifsson mun dæma leik Serba og Hvít-Rússa á HM í dag. Leikurinn er í beinni útsendingu á Sport 3.

Fotex Veszprem skoðar Anton Rúnarsson

Anton Rúnarsson, leikmaður SönderjyskE í Danmörku, gæti verið á förum frá félaginu en hann fer til skoðunar hjá ungverska liðinu Fotex Veszprem síðar í mánuðinum.

Vignir: Ljósunum að kenna að ég klikka

Vignir Svavarsson lék vel í 38-22 sigri Íslands gegn Síle, en varnartröllið skoraði alls 4 mörk úr alls 6 tilraunum – öll nema eitt úr hraðaupphlaupum. Vignir átti reyndar sendingu sem varð næstum því að marki en boltinn hafnaði í stönginni. "Þetta var sending – ekki skot, bara svo það sé á hreinu,“ sagði Vignir.

Arnór Þór: Átti ekki von á því að byrja

Arnór Þór Gunnarsson nýtti tækifærið vel í öruggum 38-22 sigri Íslands gegn Síle á HM í handbolta í gær. Strákarnir hristu af sér slenið eftir slæmt tap fyrir Rússlandi á laugardaginn en leikmenn fá frí í dag.

HM 2013 | Danir höfðu betur gegn Rússum

Danir unnu í kvöld góðan sigur á Rússum, 31-27, í B-riðli HM í handbolta í kvöld. Danmörk er því með fullt hús stiga eftir fyrstu tvo leikina í Sevilla.

Ólafur: Heiður að fá að spila fyrir landsliðið

"Það er heiður að fá að spila fyrir íslenska landsliðið og með leikmönnum á borð við Guðjón Val Sigurðsson. Við sem erum yngri þurfum að standa okkur í því hlutverki sem okkur er falið hverju sinni og mér fannst margt jákvætt í gangi í þessum leik,“ sagði Ólafur Gústafsson sem skoraði alls 4 mörk úr alls 7 skotum í 38-22 sigri Íslands gegn Síle í dag.

Aron: Fagna hverju skoti sem ég næ að verja

"Ég fagnaði hverju skoti sem ég náði að verja og þannig á það að vera. Ég fann að spennustigið var betra í þessum leik en gegn Rússum. Í þeim leik leið mér eins og skólastrák sem gæti ekki varið skot, þetta var mun betra í dag gegn Síle,“ sagði Aron Rafn Eðvarsson markvörður íslenska landsliðsins eftir 38-22 sigur liðsins á HM í dag. Aron lék í rúmlega 35 mínútur og varði hann alls 13 skot og þar af tvö vítaköst.

HM 2013 | Túnis vann Þýskaland

Túnisar sýndu að frammistaðan gegn Frökkum á HM í handbolta í gær var engin tilviljun með frábærum sigri á Þýskalandi í A-riðli, 25-23.

Stefán Rafn: Mér leið rosalega vel

Stefán Rafn Sigurmannsson er ánægður með að hafa fengið að spila með Íslandi á stórmóti í handbolta. Hann skoraði fimm mörk í sextán marka sigri Íslands á Síle.

Argentína tapaði fyrir Brasilíu

Argentínumenn náði ekki að fylgja eftir góðum sigri á Svartfjallalandi á HM í handbolta í gær því að þeir töpuðu fyrir Brasilíu, 24-20, í dag.

Aron: Gott að komast á blað

Aron Kristjánsson, þjálfari íslenska landsliðsins, var vitanlega ánægður með sigur sinna manna á Síle í dag.

HM 2013 | Róbert ekki með gegn Síle

Það hefur nú verið staðfest að línumaðurinn Róbert Gunnarsson muni ekki spila með Íslandi gegn Síle á HM í handbolta í dag.

HM 2013 | Aron: Gerum þær kröfur að vinna þetta lið

"Við þurfum að koma okkur upp á hestinn að nýju og sýna okkar rétta andlit gegn Síle. Þeir léku vel gegn Makedóníu. Við erum búnir að kortleggja Síle og sáum nokkra leiki með þeim fyrir þetta mót, æfingaleik gegn Spáni m.a,“ sagði Aron Kristjánsson þjálfari íslenska landsliðsins í handbolta í gær þegar hann var spurður um næstu mótherja Íslands á HM – lið Síle sem Ísland mætir kl. ,14:45 í dag í Sevilla á Spáni.

HM 2013 | Óvíst hvort Róbert verði með gegn Síle

Róbert Gunnarsson, línumaður íslenska landsliðsins í handbolta, meiddist í baki í leiknum gegn Rússum í gær í Sevilla. Óvíst er með þátttöku Róberts í leiknum gegn Síle í dag, sem hefst kl. 14.45. Aron Kristjánsson þjálfari íslenska landsliðsins sagði í gær að sjúkrateymi íslenska landsliðsins myndi taka ákvörðun um framhaldið og það kæmi í ljós rétt fyrir leik í dag hvort Róbert yrði með.

HM 2013 | Ætlum okkur sigur – annað væri skandall

Það var frekar þungt yfir fyrirliða íslenska landsliðsins handbolta í gær þegar hann var inntur eftir því hvernig liðið myndi takast á við næsta leik gegn Síle. Ísland mætir Síle kl. 14:45 í dag en Sílemenn komu flestum á óvart í gær þegar liðið stóð vel í sterku liði Makedóníu sem landaði frekar naumum sigri, 30-28. Guðjón Valur Sigurðsson var allt annað en ánægður með sitt framlag í 30-25 tapleiknum gegn Rússum. Og það tók hann um það bil tíu sekúndur að svara því sem hann var spurður um Síle-leikinn.

Sjá næstu 50 fréttir

Mest lesið