Ferguson: Sjónvarpið er Guð

Sir Alex Ferguson, stjóri Man. Utd, er á því að sjónvarpsstöðvarnar séu farnar að ráða of miklu í enska boltanum. Ferguson hefur áhyggjur af þeirri þróun.

Van der Vaart: Það er ekki hægt að stöðva Bale

Hollendingurinn Rafael van der Vaart hefur mikið álít á félaga sínum Gareth Bale. Van der Vaart segir að það sé nánast ómögulegt að stöðva leikmanninn og eina leiðin sé að sparka hann ítrekað niður.

Milner: Ekkert vesen á Balotelli

James Milner segir að liðsfélagi sinn hjá Man. City, Mario Balotelli, hafi verið til sóma í vetur þó svo Ítalinn ungi hafi mátt þola ansi mikla bekkjarsetu það sem af er tímabili.

Van Persie vill ekki ræða um nýjan samning strax

Hollendingurinn Robin Van Persie segir að það liggi ekkert á að skrifa undir nýjan samning hjá Arsenal. Hann segist vera ánægður með núverandi samning og er að einbeita sér að fótbolta. Eins og kunnugt er missti Arsenal tvo af sínum bestu leikmönnum i sumar er þeir Cesc Fabregas og Samir Nasri yfirgáfu félagið.

Owen: Myndi aldrei segja nei við enska landsliðið

Enski knattspyrnumaðurinn, Michael Owen, telur að hann eigi ekki afturgengt í enska landsliðið og hann ætlar sér frekar að berjast fyrir sæti sínu í hópnum hjá Manchester United.

Real Madrid hefur áhuga á Gary Cahill

Spænska stórveldið Real Madrid hefur bæst í kapphlaupið um varnarmanninn Gary Cahill frá Bolton, en talið er að leikmaðurinn eigi eftir að yfirgefa enska félagið í janúar næstkomandi.

Heiðar kom inn á og lagði upp jöfnunarmark QPR

Heiðar Helguson spilaði sinn fyrsta leik eftir meiðsli þegar hann kom inn á sem varamaður í 1-1 jafntefli Queens Park Rangers á móti Aston Villa á Loftus Road í ensku úrvalsdeildinni í dag. Heiðar átti mikinn þátt í jöfnunarmark QPR sem var sjálfsmark eftir fyrirgjöf íslenska framherjans.

Cardiff og Leicester skildu jöfn - Aron Einar lék allan leikinn

Aron Einar Gunnarsson, leikmaður Cardiff, er allur að koma til eftir meiðsli og kominn á fullt í ensku Championshipdeildinni.

Ancelotti klár í slaginn á nýjan leik

Carlo Ancelotti, fyrrum knattspyrnustjóri Chelsea, segist klár í slaginn á nýjan leik bjóðist gott tækifæri. Hann segist aldrei hafa sagst ætla að taka sér eins árs frí frá störfum sem knattspyrnustjóri.

Dregið í enska deildabikarnum - United mætir Aldershot

Dregið var í fjórðu umferð enska deildabikarins í knattspyrnu í dag. D-deildarfélagið Aldershot datt í lukkupottinn en liðið fékk heimaleik gegn Englandsmeisturum Manchester United.

Wilshere frá í langan tíma - þarf að fara í uppskurð

Jack Wilshere leikmaður Arsenal þarf að fara í uppskurð á hægri ökkla að sögn forráðamanna Arsenal. Talið var að meiðsli Wilshere myndu aðeins halda honum frá keppni í nokkrar vikur. Fréttirnar eru enn eitt áhyggjuefnið fyrir Arsene Wenger, knattspyrnustjóra félagsins.

Torres skoraði og sá rautt - Arsenal, Chelsea og Liverpool unnu öll

Chelsea, Arsenal og Liverpool unnu öll heimasigra í ensku úrvalsdeildinni í knattspyrnu í dag. Framherjarnir Robin van Persie, Fernando Torres og Luis Suarez voru allir á skotskónum. Þá skoraði Demba Ba þrennu fyrir Newcastle.

Stoke stöðvaði sigurgöngu Manchester United

Manchester United gerði 1-1 jafntefli gegn Stoke í síðdegisleiknum í ensku úrvalsdeildinni. Stigið dugar liðinu til að komast í toppsætið með betri markatölu en grannarnir í City. Liðið var án Wayne Rooney auk þess sem Chicharito meiddist snemma leiks og var skipt af velli.

Man City á toppinn eftir sigur á Everton

Manchester City skaust á topp ensku úrvalsdeildarinnar með 2-0 sigri á Everton í hádegisleiknum í ensku úrvalsdeildinni. City var mun sterkari aðilinn í leiknum og tókst að knýja fram sigur með mörkum frá Mario Balotelli og James Milner í síðari hálfleik.

Fótboltatöframaður fíflar Defoe og Zamora

Töframaðurinn Dynamó hefur leikið sér að því að fara á æfingarvelli liða í ensku deildinni og gert allskonar töfrabrögð fyrir leikmenn liðanna.

Man. City að byggja rándýrt æfingasvæði

Hvað geta olíufurstar gert við peningana sína núna þegar félagaskiptaglugginn er lokaður? Jú, eytt 100 milljónum punda í nýtt æfingasvæði.

Dalglish hefur líka klúðrað eins og Torres

Hver getur gleymt klúðri Fernando Torres gegn Manchester United? Þetta er svo sem ekki í fyrsta sinn sem leikmaður brennir af opnu marki gegn meisturunum. Í apríl 1980 gerði nefnilega sjálfur King Kenny, Kenny Dalglish, slíkt hið sama á Old Trafford.

Hargreaves leið eins og tilraunadýri hjá læknum Man. Utd

Owen Hargreaves virðist ekki eiga of góðar minningar hjá Man. Utd því hann segir að honum hafi liðið eins og tilraunadýri hjá læknum félagsins.

Eggert greiddi umboðsmanni Lucas Neill 165 milljónir króna

Knattspyrnuheimurinn nötrar í dag eftir að Peter Harrison, fyrrum umboðsmaður Eiðs Smára Guðjohnsen og fleiri leikmanna, gaf það út að hann ætli sér að opinbera allan skítinn sem á sér stað í knattspyrnuheiminum. Hann er þegar byrjaður að kjafta frá.

Sörensen hefur aldrei tapað vítakeppni

Danski markvörðurinn Thomas Sörensen heldur því fram að hann hafi aldrei tapað í vítaspyrnukeppni á ferlinum. Lið hans, Stoke, vann einmitt 7-6 sigur á Tottenham í vítaspyrnukeppni í enska deildabikarnum í gær.

Ferguson vongóður um að Rio geti spilaði um helgina

Alex Ferguson, stjóri Manchester United, vonast til að varnarmaðurinn Rio Ferdinand geti spilað með liðinu gegn Stoke í ensku úrvalsdeildinni á laugardaginn.

Tevez skildi ekki sektina frá lögreglunni

Carlos Tevez, framherji Man. City, hefur verið sektaður um rúmar 20 þúsund krónur fyrir brot á umferðarreglum. Tevez keyrði of hratt í nóvember síðastliðnum en var fyrst sektaður núna.

Gerrard vill fá mínútur gegn Úlfunum

Stuðningsmenn Liverpool glöddust mikið í gær þegar fyrirliði liðsins, Steven Gerrard, spilaði sinn fyrsta leik fyrir félagið í hálft ár. Gerrard kom þá af bekknum í sigri á Brighton.

Cech fékk smá heilahristing en er í lagi

Andre Villas-Boas, stjóri Chelsea, segir að það sé í góðu lagi með markvörðinn Petr Cech en hann var fluttur á sjúkrahús í leikhléi leiks Chelsea og Fulham i gær með höfuðmeiðsli.

Þriggja ára martröð Hargreaves á enda

Owen Hargreaves minnti óvænt á sig hjá Man. City í gær er hann skoraði í fyrsta leik sínum fyrir félagið. Markið kom gegn Birmingham í deildarbikarnum og var nokkuð snoturt.

Eto'o: Stuðningsmenn Anzhi eru eins og stuðningsmenn Liverpool

Samuel Eto'o líkar lífið vel í Rússlandi og hefur byrjað vel með Anzhi-liðinu. mep því að skora tvö mörk í fyrstu þremur leikjum sínum. Anzhi keypti hann frá ítalska félaginu Inter í síðasta mánuði og gerði risasamning við Kamerúnmanninn snjalla.

Berbatov bregður sér stundum í vörn á æfingum

Michael Owen, leikmaður Manchester United, segir að Dimitar Berbatov sé fínn varnarmaður og að hann bregði sér stundum í það hlutverk á æfingum.

Barton: Gervinho-atvikið kom í veg fyrir að ég færi til Arsenal

Joey Barton segist hafa verið í viðræðum við Arsenal í sumar og að hann hafi verið mjög nálægt því að semja við félagið eða þar til að allt sauð upp úr þegar hann og félagar hans í Newcastle mættu Arsenal í fyrstu umferð ensku úrvalsdeildarinnar.

Chelsea vann Fulham í vítakeppni þrátt fyrir að Lampard hafi klikkað

Chelsea komst áfram í kvöld í enska deildarbikarnum eftir 4-3 sigur á Fulham eftir vítakeppni í leik liðanna á Stamford Bridge í 3. umferð keppninnar. Cardiff City vann Leicester City líka í vítakeppni og Phil Neville tryggði Everton sigur á West Bromwich Albion í framlengingu.

Bellamy og Hargreaves á skotskónum í enska deildarbikarnum

Liverpool og Manchester City komust áfram í enska deildarbikarnum í kvöld. Liverpool vann 2-1 sigur á Brighton & Hove Albion en Manchester City sló út deildarbikarmeistara Birmingham. Leikur Chelsea og Fulham endaði með markalaust jafntefli og framlenging stendur nú yfir.

Owen: Ég er bara 31 árs

Michael Owen minnti hressilega á sig í gær þegar hann skoraði tvö mörk gegn Leeds í deildarbikarnum og lék afar vel. Owen segist eiga mörg góð ár eftir.

Kolo snýr aftur í kvöld

Kolo Toure, varnarmaður Man. City, snýr væntanlega aftur á völlinn í kvöld eftir sex mánaða leikbann sem hann fékk fyrir að nota ólögleg efni.

Wenger klár í 14 ár í viðbót hjá Arsenal

Arsenal slapp með skrekkinn gegn Shrewsbury í deildarbikarnum í gær. Arsenal lenti undir í leiknum en hafði sigur að lokum. Arsene Wenger, stjóri Arsenal, viðurkenndi að hafa orðið skelkaður er Shrewsbury komst yfir en var himinlifandi í leikslok.

Villas-Boas: Er ekki að reyna að hafa áhrif á dómarana

Eins og kunnugt er þá ákvað Andre Villas-Boas, stjóri Chelsea, að senda inn formlega kvörtun til enska knattspyrnusambandsins út af dómgæslunni í leik Man. Utd og Chelsea á dögunum. Villas-Boas segist samt ekki vera að reyna að hafa áhrif á dómgæslu í leikjum Chelsea.

Marco Parolo: Leikstíll minn er fullkominn fyrir ensku úrvalsdeildina

Marco Parolo, miðjumaður Cesena á Ítalíu, er sannfærður um það sjálfur að hann myndi passa vel inn í ensku úrvalsdeildina þar sem að hæfileikar hans henti ekki bara fyrir ítalska fótboltann.

Stoke sló Tottenham út eftir vítakeppni á Britannia

Stoke og Newcastle fögnuðu dramatískum sigri í kvöld þegar það þurfti að framlengja tvo leiki í 3. umferð enska deildarbikarsins. Leikur Stoke og Tottenham fór alla leið í áttundu umferð í vítakeppni.

Owen með tvö mörk fyrir Man. United - Bolton sló út Aston Villa

Varalið Manchester United átti ekki í miklum vandræðum með Leeds á Elland Road í kvöld í 3. umferð enska deildarbikarsins. United vann 3-0 þar sem öll mörkin komu í fyrri hálfleik. Michael Owen skoraði tvö mörk í kvöld í sínum fyrsta leik í byrjunarliði. Arsenal og Bolton komust einnig áfram í enska deildarbikarnum í kvöld.

David Silva: Del Bosque vill ekki nota mig í spænska landsliðinu

David Silva hefur spilað frábærlega fyrir lið Manchester City í fyrstu leikjum tímabilsins í ensku úrvalsdeildinni en einn besti leikmaður ensku úrvalsdeildarinnar er ekki nógu góður fyrir spænska landsliðið.

Villas-Boas lagði inn kvörtun vegna dómgæslunnar á Old Trafford

Andre Villas-Boas, stjóri Chelsea, var það ósáttur með dómgæsluna í leik Manchester United og Chelsea á Old Trafford að hann er búinn að leggja formlega kvörtun inn á borð Mike Riley, formanns dómaranefndar ensku úrvalsdeildarinnar.

Agger rifbeinsbrotnaði á móti Tottenham

Daniel Agger, miðvörður Liverpool, rifbeinsbrotnaði í tapinu á móti Tottenham um síðustu helgi og verður frá í allt að einn mánuð. Kenny Dalglish, stjóri Liverpool, er þó ekki tilbúinn að gefa það út hvernig danski landsliðsmaðurinn snúi til baka en verði í það minnsta ekki með liðinu í næstu leikjum.

Hernandez fljótur að jafna sig eftir tæklinguna frá Cole

Javier Hernandez framherji enska meistaraliðsins Manchester United virðist hafa hrist af sér meiðslin sem hann varð fyrir í 3-1 sigri liðsins s.l. sunnudag gegn Chelsea. „Litla baunin“ eins og landsliðsmaðurinn frá Mexíkó er kallaður fékk mikið högg á vinstri fótinn þegar Ashley Cole reyndi að verjast skoti frá honum en Cole var stálheppinn slasa ekki Hernandez alvarlega í því tilviki.

Wenger fær stuðning frá stjórnarformanni Arsenal

Ivan Gazidis stjórnarformaður Arsenal segir að það komi ekki til greina að láta Arsene Wenger knattspyrnustjóra liðsins fara frá liðinu þrátt fyrir afleitt gengi þess í upphafi tímabilsins. Arsenal hefur aðeins unnið einn leik af fyrstu fimm og er liðið í 17. sæti – einu sæti fyrir ofan fallsæti.

Sunnudagsmessan: Stórtíðindi í Elokobi-horninu

Hinn 25 ára gamli George Nganyuo Elokobi er í miklu uppáhaldi hjá umsjónarmönnum Sunnudagsmessunnar á Stöð 2 sport 2. Í síðasta þætti var farið yfir helstu atvikin hjá varnarmanninum frá Kamerún sem lék í stöðu vinstri bakvarðar í 3-0 tapleik á heimavelli gegn nýliðum QPR frá London.

Starfsmenn Man Utd fá bónusgreiðslur frá eigendum liðsins

Bandaríska Glazer fjölskyldan sem á enska úrvalsdeildarliðið Manchester United er án efa aðeins ofar á vinsældarlistanum hjá 500 starfsmönnum félagsins í dag en í gær. Í bréfi sem starfsmenn fengu í gær frá eigendum félagsins var sagt frá því að allir starfsmenn fái bónusgreiðslu á árslaunin sem nemur um 8% af árslaunum hvers og eins. Um 920 milljónum ísl. kr. eða sem nemur um 5 milljónum punda.

Gerrard er klár í slaginn á ný eftir sex mánaða bið

Allar líkur eru á því að enski landsliðsmaðurinn Steven Gerrard verði í leikmannahóp Liverpool á morgun gegn Brighton í deildabikarkeppninni. Gerrard, sem er 31 árs gamall, hefur ekki spilað með Liverpool í hálft ár vegna meiðsla en hann fór í aðgerð á nára s.l. vor. Talið var að Gerrard yrði klár í slaginn strax í upphafi keppnistímabilsins en það gekk ekki eftir.