Hargreaves leið eins og tilraunadýri hjá læknum Man. Utd

Owen Hargreaves virðist ekki eiga of góðar minningar hjá Man. Utd því hann segir að honum hafi liðið eins og tilraunadýri hjá læknum félagsins.

Hargreaves var í fjögur ár hjá United en spilaði aðeins í sex mínútur út af þrálátum hnémeiðslum. Að lokum var hann látinn róa í sumar og hann gerði þá óvænt samning við nágrannaliðið, Man. City. Þar gerði hann sér lítið fyrir og skoraði í fyrsta leik á dögunum.

"Ég fékk nokkrar sprautur hjá Man. Utd og var ekki samur á eftir. Mér leið eins og ég hefði breyst í gler. Það hafði augljóslega sitt að segja," sagði Hargreaves.

"Mér leið síðan oft eins og tilraunadýri í þessum meðferðum. Það hafði sín áhrif."