Byrjun West Ham undir væntingum

Alan Curbishley, knattspyrnustjóri West Ham, er ekki sáttur við byrjun liðsins í ensku úrvalsdeildinni. Liðið hefur fjögur stig eftir þrjá leiki en í dag gerði það 1-1 jafntefli á heimavelli gegn Wigan.

Lampard gerði gæfumuninn

Harry Redknapp, knattspyrnustjóri Portsmouth, segir að Frank Lampard hafi gert gæfumuninn fyrir Chelsea í leik liðana í dag. Eftir leiki dagsins situr Chelsea í efsta sæti ensku úrvalsdeildarinnar en það var Lampard sem skoraði eina markið í umræddum leik.

Jafntefli á Goodison Park

Everton og Blackburn gerðu 1-1 jafntefli í lokaleik dagsins í ensku úrvalsdeildinni. Jöfnunarmark James McFadden á 78. mínútu kom í veg fyrir sigur Blackburn en Roque Santa Cruz hafði komið þeim yfir í leiknum.

Grindavík endurheimti toppsætið

Lokaleikur 17. umferðar 1. deildar karla fór fram í dag. Grindvíkingar endurheimtu toppsætið með því að vinna Þór Akureyri örugglega 3-0 á heimavelli sínum. Orri Freyr Hjaltalín, Andri Steinn Birgisson og Eysteinn Hauksson skoruðu mörkin.

Sammy Lee: Mikill gleðidagur

Sæti Sammy Lee, knattspyrnustjóra Bolton, kólnaði til muna í dag þegar liðið vann stórsigur á Reading 3-0. Þetta eru fyrstu stig Bolton á tímabilinu en Sammy Lee var að vonum hæstánægður með sigurinn.

Ísland tapaði í Finnlandi

Íslenska karlalandsliðið í körfubolta tapaði í dag fyrir Finnum í B-deild Evrópukeppni landsliða 85-66 en leikurinn fór fram í Finnlandi. Íslenska liðið átti ágæta spretti í leiknum en það dugði þó ekki til gegn sterku liði Finna.

Wenger: Vissi að við myndum skora

Cesc Fabregas varð fyrstur til að ná að skora á móti Manchester City. Hann skoraði eina markið þegar Arsenal vann 1-0 heimasigur gegn City í dag en Lundúnaliðið er nú komið með sjö stig í deildinni. Fyrir leikinn hafði City unnið alla þrjá leiki sína.

Sir Alex: Við vinnum á morgun

Sir Alex Ferguson, knattspyrnustjóri Manchester United, er viss um að sínir menn nái að leggja Tottenham á morgun. „Gæðin í okkar leik munu verða til þess að við fáum öll stigin á sunnudag," sagði Ferguson en leikurinn verður á Old Trafford.

Grótta og Víðir í góðum málum

Úrslitakeppnin í 3. deild karla fór af stað í dag en fimm lið komast upp í 2. deildina í ár vegna fjölgunar í landsdeildum Íslandsmótsins. Átta lið keppa í úrslitakeppnninni og komast sigurliðin úr átta liða úrslitunum beint upp en tapliðin leika aukalega um hitt lausa sætið í 2. deild.

Þriðji sigur Bayern í röð

Bayern München fer vel af stað í þýsku Bundesligunni en liðið hefur unnið fyrstu þrjá leiki sína. Liðið lagði Hannover að velli 3-0 í dag en mörkin skoruðu Luca Toni, Mark van Bommel og Hamit Altintop.

Úrslitin úr enska boltanum

Það var skorað í öllum þeim leikjum sem lokið er í ensku úrvalsdeildinni. Sammy Lee, knattspyrnustjóri Bolton, getur farið að anda aðeins léttar því liðið vann sín fyrstu stig í deildinni þegar það sigraði Íslendingaliðið Reading 3-0.

Keane: Liverpool getur unnið deildina

Roy Keane, knattspyrnustjóri Sunderland, segir að Liverpool eigi góða möguleika á að hampa enska meistaratitlinum í ár. Liverpool hefur aldrei orðið meistari síðan enska úrvalsdeildin var sett á laggirnar en Keane segir að nú gæti orðið breyting á.

Neyðist Tottenham til að selja Defoe?

Martin Jol, knattspyrnustjóri Tottenham, segir að félagið gæti neyðst til að selja sóknarmanninn Jermain Defoe ef hann skrifar ekki undir nýjan samning við félagið. Núverandi samningur Defoe rennur út sumarið 2008.

Spáð í spilin: Everton - Blackburn

Leikur Everton og Blackburn er lokaleikur dagsins í enska boltanum en hann hefst klukkan 16:15 og verður í beinni útsendingu á Sýn 2. Everton hefur byrjað tímabilið ágætlega og er í fjórða sæti með sex stig eftir þrjá leiki.

Hálfleikstölur í enska boltanum

Nú er kominn hálfleikur í þeim leikjum í ensku úrvalsdeildinni sem hófust klukkan 14. Chelsea er yfir gegn Portsmouth eftir mark frá Frank Lampard en markalaust er í leik Arsenal og Manchester City.

Endurkoma Juventus í kvöld

Keppni í efstu deildinni á Ítalíu hefst í kvöld með tveimur leikjum. Margir bíða spenntir eftir því að sjá hvernig Juventus mun vegna gegn Livorno. Juventus er komið aftur í Serie-A eftir ársdvöl í næstefstu deild.

Albert Luque á leið til Ajax

Newcastle hefur staðfest að félagið hafi náð samkomulagi við Ajax um sölu á spænska sóknarmanninum Albert Luque. Árið 2005 gekk Luque til liðs við Newcastle frá Deportivo La Coruna.

Liverpool lagði Sunderland

Liverpool er komið með sjö stig eftir þrjá leiki í ensku úrvalsdeildinni en liðið vann Sunderland í dag. Leikurinn á Stadium of Light fór 2-0 fyrir gestunum. Momo Sissoko skoraði í fyrri hálfleik og Andriy Voronin gerði síðan út um leikinn í þeim síðari.

Anelka vill toppbaráttu

Nicolas Anelka, sóknarmaður Bolton, er að hugsa sér til hreyfings. Lið hans hefur byrjað deildina mjög illa og tapað öllum þremur leikjum sínum til þessa. Í sumar var Anelka, sem er 28 ára, orðaður við fjölda liða.

Massa fremstur á morgun

Það var líf og fjör í Tyrklandi fyrr í dag þegar tímatökur fóru fram fyrir Formúlu-1 kappaksturinn í Istanbúl. Það verður Ferrari ökumaðurinn Felipe Massa sem verður á ráspól á morgun eftir spennandi tímatökur. Lewis Hamilton varð rétt á eftir Massa.

Spáð í spilin: West Ham - Wigan

West Ham tekur á móti Wigan sem hefur komið á óvart með góðri frammistöðu það sem af er móti. Íslendingaliðið West Ham er í 15. sæti með þrjú stig úr tveimur leikjum en liðið sigraði Birmingham um síðustu helgi.

Spáð í spilin: Derby - Birmingham

Derby tekur á móti Birmingham í nýliðaslag. Þessi lið komust bæði úr fyrstu deildinni síðastliðið vor og ætti slagurinn að verða jafn. Liðin verma 18. og 19. sæti deildarinnar með eitt stig hvort eftir þrjá leiki.

Spáð í spilin: Chelsea - Portsmouth

Chelsea tekur á móti Portsmouth á Stamford Bridge. Chelsea er í öðru sæti deildarinar með sjö stig eftir þrjá leiki. Liðið hefur ekki ennþá tapað leik en hefur lent undir í öllum þremur leikjum sínum.

Spáð í spilin: Bolton - Reading

Það verður Íslendingaslagur þegar Bolton tekur á móti Reading klukkan 14. Sammy Lee hefur farið hræðilega af stað með Bolton liðið eftir að hafa fengið tólf nýja leikmenn til liðsins, en liðið hefur tapað fyrstu þremur leikjum sínum í deildinni og situr á botninum.

Liverpool yfir í hálfleik

Liverpool hefur verðskuldaða forystu gegn Sunderland í hálfleik en staðan er 1-0. Leikurinn fer fram á heimavelli Sunderland. Momo Sissoko skoraði eina mark fyrri hálfleiksins eftir fallega sókn Liverpool en þetta er fyrsta mark hans fyrir félagið.

Adriano til City?

Sven Göran Eriksson, knattspyrnustjóri Manchester City, hringdi í Roberto Mancini til að spyrjast fyrir um brasilíska sóknarmanninn Adriano. Mancini er núverandi stjóri Ítalíumeistara Inter en hann var á sínum tíma aðstoðarmaður Eriksson hjá Lazio.

Spáð í spilin: Aston Villa - Fulham

Aston Villa tekur á móti Fulham í dag. Villa hefur aðeins nælt sér í eitt stig af sex mögulegum það sem af er tímabils, en liðið tapaði fyrir Liverpool á Villa Park í fyrstu umferðinni og gerði svo marklaust jafntefli við Newcastle á útivelli. Fulham hefur heldur ekki staðið sig vel en liðið er með þrjú stig af níu mögulegum.

Spáð í spilin: Arsenal - Man. City

Það verður ansi athyglisverður leikur á Emirates vellinum klukkan tvö þegar Arsenal tekur á móti toppliði Manchester City. Arsenal var ekki spáð mjög góðu gengi fyrir tímabilið eftir að hafa selt Thierry Henry til Barcelona í sumar.

Mikið ritað um framtíð Eiðs Smára

Fjölmiðlar í Evrópu halda áfram að velta fyrir sér framtíð landsliðsfyrirliðans Eiðs Smára Guðjohnsen. Nú er sagt að tyrkneska félagið Galatasaray sé á höttunum á eftir honum en Eiður er aftarlega í forgangsröðinni hjá spænska liðinu Barcelona.

Benítez: Keane gæti komist í fremstu röð

Rafael Benítez, knattspyrnustjóri Liverpool, trúir því að Roy Keane, kollegi sinn hjá Sunderland, gæti orðið frábær stjóri. Sunderland og Liverpool eru að fara að mætast í hádegisleiknum í ensku úrvalsdeildinni en flautað verður til leiks klukkan 11:45.

Dýrmæt reynsla fyrir Walcott

Sven Göran Eriksson segir að enska knattspyrnusambandið ætti að vera honum þakklátt fyrir að taka Theo Walcott með á heimsmeistaramótið á síðasta ári. Sá sænski var víða gagnrýndur fyrir að velja Walcott í enska landsliðshópinn frekar en Jermain Defoe hjá Tottenham.

Sóknarmaður QPR lést í bílslysi

Búið er að fresta leik Burnley og Queens Park Rangers í ensku 1. deildinni sem fram átti að fara í dag. Ungur og efnilegur sóknarmaður QPR, Ray Jones, lét lífið í bílslysi rétt eftir miðnætti í gærkvöld.

Spáð í spilin: Sunderland - Liverpool

Sunderland og Liverpool eigast við í hádegisleiknum í ensku úrvalsdeildinni sem hefst 11:45. Þetta er fyrsti leikur 4. umferðar. Roy Keane og lærisveinar hans í Sunderland eru um miðja deild eftir ágæta byrjun með fjögur stig eftir þrjá leiki. Liverpool er einnig með fjögur stig um miðja deild en liðið hefur aðeins leikið tvo leiki.

Pressa á Viduka að skora

Sam Allardyce, knattspyrnustjóri Newcastle, hefur sett pressu á Mark Viduka að skora sitt fyrsta mark fyrir félagið í nágrannaslagnum gegn Middlesbrough á morgun. Þessi 31. árs ástralski leikmaður er að fara að leika gegn sínum fyrrum félögum en hann lék með Middlesbrough.

United mun ekki kaupa Berbatov

Manchester United hefur neitað þeim fregnum að félagið hafi haft samband við Tottenham vegna hugsanlegra kaupa á sóknarmanninum Dimitar Berbatov. Umboðsmaður leikmannsins sagði í gær að United hefði haft samband við Tottenham og lýst því yfir að félagið vildi fá Berbatov.

Keane vorkennir dómurunum

Enskir dómarar, sem hafa legið undir þungri gagnrýni undanfarið fyrir frammistöðu sína, hafa nú fengið stuðning úr óvæntri átt. Roy Keane, knattspyrnustjóri Sunderland, sem fór engum silkihönskum um dómara á leikmannaferli sínum, hefur látið hafa það eftir sér að hann vorkenni dómurunum.

United vill fá Berbatov

Umboðsmaður Dimitar Berbatov, Emil Danchev, segir að Manchester United hafi spurst fyrir um leikmanninn. Martin Jol, knattspyrnustjóri Tottenham viðurkennir að fyrirspurn hafi borist um leikmanninn. Bæði Jol og Berbatov hafa þó þvertekið fyrir það að leikmaðurinn sé á förum frá liðinu. Jol gekk svo langt að segja að hann myndi frekar deyja en að selja Berbatov.

Hamilton og Alonso sættast

Ökuþórarnir og liðsfélagarnir Lewis Hamilton og Fernando Alonso eru nú loksins orðnir sáttir við hvorn annan. Mikill rígur á milli þeirra hefur einkennt þetta tímabil í formúlunni en kapparnir hafa nú ákveðið að gleyma ágreiningi sínum og einbeita sér að restinni af tímabilinu.

Steve Bruce biður Halsey afsökunar

Steve Bruce, knattspyrnustjóri Birmingham, hefur beðið dómarann Mark Halsey afsökunar á að hafa gagnrýnt hann fyrir að hafa dæmt vítaspyrnu þegar Colin Doyle felldi Craig Bellamy í leik Birmingham og West Ham um síðustu helgi. Mark Noble skoraði úr vítinu og trygði West Ham sigur, 1-0. Eftir að hafa skoðað atvikið betur viðurkennir Bruce að hann hafi haft rangt fyrir sér.

Birgir komst ekki í gegnum niðurskurðinn

Kylfingurinn Birgir Leifur Hafþórsson mátti í dag sætta sig við að komast ekki í gegnum nðurskurðinn á KLM mótinu í Hollandi. Birgir byrjaði annan hringinn í dag af miklum krafti og var á fjórum höggum undir pari að loknum fimm fyrstu holunum.

City ætlar að gera Richards að launahæsta leikmanni liðsins

Manchester City ætlar að bjóða varnarmanninum unga, Micah Richards, nýjan samning í næstu viku sem gerir hann að hæstlaunaðasta leikmanni félagsins. City grípur til þessa ráðs til að halda Manchester United og Chelsea frá leikmanninum. Samningurinn er sagður vera til fjögurra ára og mun tryggja Richards 50 þúsund punda á viku, eða 6,5 milljónir íslenskra króna.

Andy Cole skrifar undir hjá Sunderland

Gamla kempan Andy Cole hefur skrifað undir eins árs samning við Sunderland og spilar því undir stjórn fyrrverandi liðsfélaga sínum úr Manchester United, Roy Keane. Sunderland fær leikmanninn frítt því að Cole var leystur undan samningi hjá Portsmouth fyrr í sumar. Ekki nóg með það að Roy Keane sé fyrir hjá félaginu þá er Dwight Yorke einnig hjá félaginu, en þeir tveir mynduðu baneitrað sóknarteymi hjá United á seinni hluta síðustu aldar.

Platini vill að bikarmeistarar komist í Meistaradeildina

Forseti Evrópska knattspyrnusambandsins, Michel Platini, ætlar að leggja fram tillögu þess efnis að í stað þess að fjögur efstu lið stærstu deilda Evrópu komist í Meistardeildina muni þrjú efstu liðin fara áfram auk sigurvegarana í FA bikarnum. Platini ætlar að leggja fram tillöguna í næstu viku áður en dregið verður í riðlakeppni Meistaradeildarinar.

Lee kennir Allardyce um slæmt gengi Bolton

Sammy Lee, knattspyrnustjóri Bolton, segir að hann eigi enga sök á lélegu gengi liðsins það sem af er leiktíðar. Hann heldur því fram að vandamálin séu sök Sam Allardyce, fyrrverandi knattspyrnustjóra liðsins. Allardyce sagði upp þegar aðeins tveir leikir voru eftir af síðasta tímabili og þá tók Lee við stjórnartaumunum, en hann var aðstoðarþjálfari hjá félaginu.

Þýski handboltinn byrjar um helgina

Þýska úrvalsdeildin í handbolta hefst um helgina, en ellefu íslenskir leikmenn spila í þeirri deild. Handboltaspekingar spá því að Kiel og Hamburg, sem farið hefur mikinn á leikmannamarkaðnum, muni berjast um þýska meistaratitilinn. Íslendingaliðið Flensburg, þar sem þeir félagar Alexander Petterson og Einar Hólmgeirsson munu leika stórt hlutverk með, er einnig nefnt til sögunnar.