Keane: Liverpool getur unnið deildina

Roy Keane, knattspyrnustjóri Sunderland, segir að Liverpool eigi góða möguleika á að hampa enska meistaratitlinum í ár. Liverpool hefur aldrei orðið meistari síðan enska úrvalsdeildin var sett á laggirnar en Keane segir að nú gæti orðið breyting á.

„Möguleikar Liverpool á að vinna deildina eru góðir, við sáum það vel í dag," sagði Keane en Sunderland beið lægri hlut fyrir Liverpool í dag 0-2 á heimavelli sínum. „Ég er ánægður með frammistöðu míns liðs, við lögðum okkur alla fram en Liverpool var bara of stór biti."

Rafael Benítez, stjóri Liverpool, segir sigur liðsins í dag gríðarlega mikilvægan. „Liðið sýndi mikinn karakter. Við fengum fjölda færa og náðum að gera út um leikinn í lokin. Við erum með sterkari leikmannahóp en í fyrra og sjálfstraustið er mikið," sagði Benítez.