Hamilton og Alonso sættast

Ökuþórarnir og liðsfélagarnir Lewis Hamilton og Fernando Alonso eru nú loksins orðnir sáttir við hvorn annan. Mikill rígur á milli þeirra hefur einkennt þetta tímabil í formúlunni en kapparnir hafa nú ákveðið að gleyma ágreiningi sínum og einbeita sér að restinni af tímabilinu.

„Við erum báðir miklir keppnismenn. Við getum ekki verið bestu vinir," sagði Hamilton. „Ég baðst afsökunar, hann baðst afsökunar og við samþykktum að gleyma þessu og einbeita okkur að íþróttinni."