Fleiri fréttir

Forseti Jemen hyggst segja af sér

Forseti Jemen, Ali Abdullah Saleh, hefur tilkynnt að hann muni láta af völdum á næstu dögum. Afsögn sína tilkynnti hann á ríkissjónvarpsstöð Jemen fyrr í dag. Tawakul Karman, baráttukona sem hlaut friðarverðlaun Nóbels fyrr í vikunni, tekur þessum yfirlýsingum með miklum fyrirvörum. "Satt að segja trúum við honum ekki," sagði hún í viðtali við fréttamiðilinn Al Jazeera og hét því að láta ekki af friðsamlegum mótmælum þar til forsetinn gefur völdin eftir.

Sprengingar í dönsku vöruhúsi

Danskir reykkafarar kljást nú við eldsvoða eftir að miklar sprengingar urðu í vöruhúsi í þorpi í Danmörku. Orsök sprenginganna er enn á huldu, en talsmaður lögreglu telur að vöruhúsið hafi verið fullt af flugeldum.

Rick Perry glatar helmingi fylgis síns

Eftir að hafa skotist upp á stjörnuhimininn í baráttunni um útnefningu Repúblikanaflokksins til forsetaembættis Bandaríkjanna virðist Rick Perry, ríkisstjóri Texas, nú vera að upplifa stjörnuhrap. Hann hefur glatað um helmingi fylgis síns síðasta mánuðinn samkvæmt nýrri könnun Washington Post og ABC News. Mitt Romney, fyrrverandi ríkisstjóri Massachusetts, hefur hins vegar aftur bætt við fylgi sitt og hefur tekið forystu í kapphlaupinu. Hástökkvarinn í könnuninni er aftur á móti hinn þeldökki kaupsýslumaður Herman Cain, sem nú mælist með næstmest fylgi frambjóðenda flokksins. Könnunin bendir í öllu falli til þess að Barack Obama, sitjandi forseti, eigi verulega á brattann að sækja í forsetakosningunum á næsta ári, en 55 prósent kjósenda segjast telja að Repúblikanar nái hvíta húsinu, en 37 prósent telja að Obama haldi því.

Mótmæli á Ítalíu

Námsmenn á Ítalíu mótmæltu í gær niðurskurði ítalskra stjórnvalda á menntakerfinu. Skólar landsins voru lokaðir og hundruðir þúsunda námsmanna flykktust út á götur landsins með kyndla og skilti og hrópuðu gífuryrði um stjórnmálamenn landsins.

Árekstur í Kína

35 manns týndu lífinu í rútuslysi á hraðbraut í Kína í gær. 18 manns til viðbótar meiddust.

Enn mótmælt í Bandaríkjunum

Mótmælin gegn fjármálakerfinu í Bandaríkjunum héldu áfram í gær. Mótmælendur flykktust fram á götur í fjölmörgum borgum þar í landi. Jafnframt því að mótmæla umsvifum fjármálakerfisins var innrásinni í Afghanistan mótmælt. Hún hefur nú staðið í 10 ár.

Andlát Jobs vekur sterk viðbrögð

„Hugsanlega sýnir ekkert betur árangur Steves en sú staðreynd að stór hluti fólks í heiminum frétti af andláti hans með tækjabúnaði sem hann fann upp,“ skrifaði Barack Obama Bandaríkjaforseti á Twitter-síðu sína eftir að hann frétti af fráfalli Steves Jobs, meðstofnanda Apple-fyrirtækisins.

Með minnihluta í skoðanakönnun

Stjórnarflokkarnir í Danmörku myndu ekki ná meirihluta á þingi ef kosið væri nú, samkvæmt nýrri skoðanakönnun sem gerð var fyrir Politiken.

Samstarfið ekki gegn Pakistan

„Þessu viðskiptabandalagi er ekki ætlað að beinast gegn neinu landi,“ sagði Hamid Karzai, forseti Afganistans, í heimsókn sinni á Indlandi á miðvikudag.

Erfðamengi Færeyinga kortlagt

Færeyjar munu á komandi mánuðum bjóða íbúum sínum að láta kortleggja erfðamengi sitt. Með þessu er vonast til að bæta heilbrigðisþjónustu eyjanna. Færeyingar hafa lengi þurft að kljást við sjaldgæfan erfðaskipta sjúkdóm sem hefur skaðleg áhrif á efnaskipti líkamans. Fræðilegt heiti sjúkdómsins er Carnitine Transporter Deficiency (CTD). Talið er að þriðjungur Færeyinga beri genið sem veldur sjúkdómnum.

Ræða Jobs vekur hrifningu

Síðan fréttir bárust af fráfalli Steve Jobs síðasta miðvikudag hefur gríðarlegur fjöldi horft á ræðu sem fyrrum forstjórinn hélt í Stanford háskólanum.

Amanda Knox sakar Ítalskan fangavörð um áreitni

Amanda Knox sagði í dag að hún hefði þurft að þola kynferðislega áreitni á meðan dvöl hennar í ítölsku fangesli stóð. Hún segir að háttsettur stjórnandi fangelsisins hafi áreitt hana.

Ósonlag á Venus

Vísindamenn telja að ósonlag sé að finna á Venus. Áður var talið að Jörðin og Mars væru einu plánetur sólkerfisins sem hefðu ósónlag.

Vilja forðast frekari lekamál

Yfirvöld Bandaríkjanna kynntu í dag aðgerðaráætlun sem á að koma í veg fyrir viðvarandi leka í opinberum stofnunum. Er þetta gert til að forðast annað Wikileaks mál þar sem hernaðargögn og diplómatísk skeyti voru gerð opinber.

Fjöldi líka fundust í Mexíkó

Þrjátíu og tvö lík fundust í gær í Mexíkósku borginni Veracruz þar sem eiturlyfjaklíkur hafa barist á banaspjót.

Föst á milli rúms og veggjar í fjóra daga

Áttræð kona í Kalíforníu var hætt komin á dögunum þegar hún datt úr rúmi sínu og skorðaðist á milli rúms og veggjar. Hún gat sig hvergi hreyft og varð auk þess fyrir áverkum á höfði við fallið. Konan býr ein og liðu heilir fjórir dagar frá því hún festist og uns henni var bjargað af starfsmanni félagsþjónustunnar í bænum sem kom að gá að henni. Hún er nú á batavegi á sjúkrahúsi.

Hélt að Júpíter væri neyðarblys

Allt tiltækt björgunarlið var sent af stað í breska strandbænum Tynemouth í vikunni þegar áhyggjufullur íbúi sagðist hafa séð neyðarblys log á himninum undan strönd bæjarins.

Sirleaf deilir friðarverðlaunum Nóbels með tveimur öðrum konum

Ellen Johnson Sirleaf forseti Líberíu er handhafi friðarverðlauna Nóbels í ár en verðlaununum deilir hún með tveimur öðrum konum sem barist hafa fyrir friði. Þær eru Leymah Gbowee sem leiddi baráttuna fyrir friði í Líberíu þegar borgarastyrjöldin í landinu stóð sem hæst og Tawakul Karman, stjórnmálamaður frá Jemen sem lengi hefur barist fyrir auknum mannréttindum þar í landi.

Hver fær friðarverðlaunin?

Tilkynnt verður í dag klukkan níu í Osló hver hlýtur Friðarverðlaun Nóbels þetta árið. Eins og venjulega reyna menn að giska á hver hljóti hnossið og eru margir á því að kona verði fyrir valinu í þetta skiptið. Þorbjörn Jagland formaður nefndarinnar sagði við norska ríkissjónvarpið í gær að hann telji að vinningshafanum í ár verði vel tekið um allan heim.

Wikipedia mótmælir frumvarpi Berlusconi

Frjálsa alfræðiritið Wikipedia hefur lokað ítölsku síðunni sinni. Var þetta gert í mótmælaskyni gegn áætluðum lögum sem myndu neyða útgáfur til að birta breytingar á greinum innan 48 klukkutíma frá birtingu.

Fornleifauppgröftur Pútíns sviðsettur

Fyrir stuttu var greint frá því að Vladimir Pútín hafi uppgötvað skipsflak á botni Svartahafs. Í skipinu fannst mikið af menjum. Tökuvélar voru á staðnum og mynduðu forsetann kafa eftir gripunum. Í myndbandinu sást til Pútíns draga ævaforn ker og krukkur af hafsbotni.

Filippseyingur umbreytist í Súperman

Flestum langar á einhverjum tímapunkti að vera Súperman. Sumir, hins vegar, ganga skrefinu lengra. Herbert Chavez, 35 ára gamall Filippseyingur, tók það skref.

Dráp bin Laden dregur dilk á eftir sér

Niðurstaða nefndar sem skipuð var af yfirvöldum í Pakistan mælir með því að Dr Shakeel Afridi verði saksóttur fyrir landráð. Læknirinn er sakaður um að hafa aðstoðað leyniþjónustu Bandaríkjanna við að hafa hendur í hári Osama bin-Laden.

Obama og Pelosi fagna mótmælum

Nancy Pelosi, fyrrverandi forseti fulltrúardeildar Bandaríkjaþings, fagnaði í dag krafti og áræðni mótmælenda í Bandaríkjunum. Hún sagði mótmælin vera sjálfsprottin, einbeitt og að þau muni bera árangur.

Enn barist í Sirte

Hermenn byltingarhersins í Lýbíu hafa sótt að borginni Sirte síðustu daga. Leyniskyttur Muammars Gaddafi hafa hins vegar haldið þeim í skefjum. Gaddafi varaði leiðtoga þróunarríkja við því að styðja byltingarstjórnina í Lýbíu - þeir myndu að öllum líkindum uppskera sömu örlög og hann á endanum.

Forsetafrú í sprellikarlahoppi

Michelle Obama, forsetafrú Bandaríkjanna, ætlar að setja heimsmet í samhæfðu sprellikarlahoppi á morgun. Forsetafrúin mun hitta hóp barna á morgun og munu þau hefja hoppið. Hún mun síðan leiða hóp ríflega 20.000 einstklinga hvaðanæva úr heiminum.

Mikið mannfall í Sýrlandi

Talið er að 2.900 manns hafi nú fallið í Sýrlandi síðan mótmæli hófust þar í mars. Þetta segir mannréttindastofa Sameinuðu Þjóðanna. Mótmælendur krefast lýðræðisumbóta og að Bashar al-Assad, forseti Sýrlands, fari frá völdum.

Obama gagnrýnir fulltrúadeildina

Barack Obama, forseti Bandaríkjanna, sagði í dag að hann muni beita öllum brögðum til að fá atvinnufrumvarp sitt samþykkt í fulltrúadeild Bandaríkjaþings.

Tomas Tranströmer fær Nóbelsverðlaunin í bókmenntum

Sænska skáldið Tomas Tranströmer fær Nóbelsverðlaunin í bókmenntum þetta árið en Nóbelsakademían tilkynnti það í Stokkhólmi í dag. Tranströmer er á meðal þekkustu skálda Norðurlanda en hann er fæddur árið 1931. Fyrsta ljóðasafn hans kom út árið 1954 og hefur hann hlotið margvíslegar viðurkenningar á ferlinum. Árið 1990 hlaut hann Bókmenntaverðlaun Norðurlandaráðs fyrir ljóðabókina "För levande och döda“ og kom hún út á íslensku í bókinni "Tré og himinn“ í þýðingu Njarðar P. Njarðvík.

Vildu sýna mun á kynþáttum

Stjórnendur Charité-háskólasjúkrahússins í Berlín hafa skilað fulltrúum ættbálka frá Namibíu hauskúpum 20 Namibíubúa sem fluttar voru til Þýskalands á árunum 1904 til 1908, þegar landið var þýsk nýlenda.

Sýndi fram á hið ómögulega

Ísraelski vísindamaðurinn David Schechtman fær Nóbelsverðlaunin í efnafræði fyrir að hafa bylt hugmyndum efnafræðinga um föst efni.

Fær Dylan Nóbelinn í dag?

Í dag klukkan tvö mun Nóbelsakademían í Stokkhólmi tilkynna um hver verði þess heiðurs aðnjótandi að hljóta verðlaunin í bókmenntum þetta árið. Ávallt hvílir mikil leynd yfir ákvörðun akademíunnar en veðbankar keppast við að giska hver sá heppni verði.

Kínverjar hóta Bandaríkjunum viðskiptastríði

Kínversk stjórnvöld hafa brugðist ókvæða við lagafrumvarpi sem öldungadeild Bandaríkjaþings hefur samþykkt með yfirgnæfandi meirihluta atkvæða að taka á dagskrá. Frumvarpið felur í sér heimild til stjórnvalda til að refsa ríkjum sem vísvitandi halda gengi gjaldmiðils síns niðri.

Mótmælin á Wall Street breiðast út

Þúsundir Bandaríkjamanna komu saman í gær á Wall Street og víðar til þess að mótmæla bankakerfinu og þeim tilslökunum sem stórfyrirtæki hafa fengið hjá ríkisstjórn Bandaríkjanna og hækkandi atvinnuleysi.

Palin eyðir óvissunni - ætlar ekki í framboð

Sarah Palin, fyrrverandi ríkisstjóri í Alaska hefur greint frá því að hún ætli ekki að bjóða sig fram sem forsetaefni Repúblikanaflokksins en baráttan um hver fái það verkefni harðnar nú með hverjum deginum.

Minnast spámannsins í rúllukragabolnum

Barack Obama Bandaríkjaforseti segir að með fráfalli Steve Jobs stofnanda Apple hafi heimurinn misst mikinn hugsjónamann. Í minningarorðum sem birt hafa verið á heimasíðu Hvíta hússins segir Obama að Jobs hafi verið á meðal merkustu frumkvöðla bandarískrar sögu. "Nægilega hugaður til þess að hugsa á annan veg, Nægilega djarfur til að halda að hann gæti breytt heiminum og nægilega hæfileikaríkur til þess að takast það,“ segir forsetinn um forstjórann.

Bylting í geimvísindum

Flóknasta stjörnustöð á jörðu niðri, ALMA, var tekin formlega í notkun á dögunum. Mörg þúsund vísindamenn frá öllum heimshornum hafa keppst um að vera meðal þeirra fyrstu sem fá tækifæri til að kanna dimmustu, köldustu, fjarlægustu og best földu svæði alheims með sjónaukanum.

Stendur við niðurskurðinn

David Cameron, forsætisráðherra Bretlands, segir að skuldavandi evruríkjanna ógni nú efnahagslífi heimsins ekki síður en lánsfjárkreppan árið 2008.

Steve Jobs látinn

Steve Jobs, stofnandi og fyrrum forstjóri Apple, lést í dag en þetta kom fram á heimasíðu Apple fyrir stundu. Hann var 56 ára að aldri en hann hefur barist við krabbamein í brisi í nokkurn tíma.

Google vandamál Rick Santorum

Rick Santorum, einn af hugsanlegum forsetaframbjóðendum í Bandaríkjunum, á við heldur óheppilegt vandamál að stríða.

Palin ætlar ekki í framboð til forseta

Sarah Palin sagði í dag að hún ætlaði ekki að bjóða sig fram til forseta á næsta ári. Palin, sem var varaforsetaefni John McCain árið 2008, var ekki talin líklega til að fara í framboð. Þó voru margir sem vonuðust eftir því. Núverandi frambjóðendur Repúblikana eru ekki taldnir heilla kjósendur.

Sjá næstu 50 fréttir

Mest lesið