Fljúgandi furðuský herja á Breta

Margir Bretar hafa talið sig sjá geimför frá öðrum hnöttum undanfarna daga og hefur því jafnvel heyrst fleygt að dularfullt loftfar hafi rekist með ljósagangi og hávaða á vindmyllu í Lincolnskíri.

Ísraelar ætla frá Gasa í dag

„Fólk er svo sannarlega ánægt að sjá okkur,“ sagði Ahmed, einn af lögreglumönnum Hamas-hreyfingarinnar, sem nú eru komnir aftur út á götur Gasaborgar eftir þriggja vikna stanslausar árásir Ísraelsmanna.

Búist við milljónum gesta á innsetningarathöfn Obama

Sannkölluð hátíðarstemning er í höfuðborg Bandaríkjanna, nú þegar Barack Obama tekur við forsetaembættinu af George W. Bush.

Samningurinn um gasdeilu undirritaður

Forsætisráðherrar Rússlands og Úkraínu, þau Vladimír Pútín og Júlía Tímosjenko, fylgdust í gær með undirritun samnings um lausn á gasdeilunni, sem hefur orðið til þess að íbúar víða í Evrópu hafa ekki fengið gas til húshitunar.

Svellkaldur Obama

Fjölmiðlar vestanhafs hafa tekið eftir því hversu yfirvegaður Barack Obama hefur verið í dag þrátt fyrir að einungis fáeinar klukkustundir séu þangað til að hann tekur við einu ábyrgðarmesta starfi heims.

Gasdeilunni lokið

Rússar og Úkrínumenn hafa gert með sér samkomulag til næstu 10 ára og því er gasdeilunni sem hófst 1. janúar lokið. Júlía Tymosjenko, forsætisráðherra Úkraínu, og Vladimir Pútin, forsætisráðherra Rússlands, skrifuðu undir samkomulagið í dag.

Stjörnur hylltu Obama

Stjörnurnar hylltu Barack Obama, verðandi Bandaríkjaforseta, á tónleikum í Washington í gærkvöldi. Obama tekur fyrstur blökkumanna við embættinu á morgun. Búist er við að tvær milljónir manna mæti og fylgist með.

Ban Ki-moon heimsækir Gaza

Ban Ki-moon framkvæmdastjóri Sameinuðu þjóðanna ætlar að heimsækja Gaza svæðið á morgun að því er fram kemur hjá fréttastofu Reuters. Þetta er haft eftir heimildum innan úr ísraelsku ríkisstjórninni og búist er við því að hann heimsæki einni suðurhluta Ísraels í sömu ferð.

Abbas hvetur Palestínumenn til að sýna samstöðu

Mahmoud Abbas, forseti Palestínumanna og leiðtogi Fatha-hreyfingarinnar á Vesturbakkanum, hvetur öll samtök Palstínumanna til að senda fulltrúa til viðræðna í Egyptalandi hið fyrsta. Á þeim fundi verði tekið á deilumálum hreyfinganna og reynt að koma á sáttum fyrir fullt og fast. Abbas segir að fundað verði eins lengi og þurfa þyki.

Bretum verr við samkynhneigða en fólk af öðrum kynþáttum

Hópur sálfræðinga frá Shire Professional-ráðgjafarstofunni, undir stjórn dr. Pete Jones, hefur reiknað það út að meira en þriðjungi Breta sé illa við samkynhneigða en það er stærri hópur en sá sem leggur fæð á fólk af ólíkum kynþáttum en þar er um að ræða einn fjórða.

Trjábolum stolið eftir skipsstrand í Noregi

Nokkru magni af trjábolum, sem fóru í sjóinn þegar norska flutningaskipið Mirabelle strandaði við Bømlo syðst í Noregi á föstudag, hefur verið stolið.

Vopnahlé á Gaza heldur

Vopnahléið á Gaza, sem Ísraelsmenn lýstu yfir á laugardagskvöld, heldur enn sem komið er. Palestínumenn fóru um svæðið í gær og notuðu berar hendur og jarðýtur til að grafa lík upp úr rústum víða um borgina.

Ummerki um metangas á yfirborði Mars

Ummerki um metangas hafa fundist á yfirborði Mars og getur það gefið til kynna einhvers konar líffræðilega virkni. Meira en 90 prósent af metangasi hér á jörðinni á rætur sínar að rekja til einhvers konar lífrænna vistkerfa og því þykir Michael Mumma og rannsóknarhópi hans hjá bandarísku geimferðastofnuninni NASA það sæta miklum tíðindum að finna merki um metangas á Mars.

Myndir af stríðsföngum á Facebook brot á Genfarsáttmála

Myndir, sem danskir hermenn tóku af stríðsföngum í Írak árið 2003 og einn Dananna birti á Facebook-síðu sinni, hafa vakið mikinn úlfaþyt innan danska hersins enda brjóta slíkar myndbirtingar í bága við Genfarsáttmálann.

Fjöldi Bandaríkjamanna kemst ekki á eftirlaun

Bandaríkjamenn sem nálgast eftirlaunaaldurinn hætta nú í æ ríkari mæli við að setjast í helgan stein en vinna þess í stað áfram vegna lífeyrissparnaðar sem hvarf í svarthol efnahagshrunsins.

Nýtt gjald fyrir óendurvinnanlegt sorp í Bretlandi

Nú styttist í að sveitarstjórnum í Bretlandi verði kleift að rukka þegna sína um allt að 9.500 krónur fyrir að henda óendurvinnanlegum úrgangi í heimilissorptunnur sínar. Upplýsingar um þetta munu berast yfirvöldum gegnum örflögur sem komið verður fyrir í tunnunum.

Reykingamaður lést þegar hann kveikti í súrefniskút

Velskur hjartasjúklingur á áttræðisaldri lést þegar hann kveikti í súrefniskút sem hann notaði til öndunaraðstoðar en maðurinn var þá að kveikja sér í vindli með kútinn sér við hlið.

Segir Íra eiga að hóta að draga sig út úr evrusvæðinu

Einn af fyrrverandi stjórnendum írska seðlabankans, David Mc Williams, segir að ef Evrópusambandið komi Írum ekki til hjálpar í efnahagskreppunni eigi Írar að hóta því að draga sig út úr evrusvæðinu.

Landhelgisgæsla sjóræningja

Sjóránum fjölgaði mjög á síðasta ári. Samtals var ráðist á 293 skip á árinu, en af þeim var 49 skipum rænt og nærri 900 skipverjum haldið í gíslingu víðs vegar um heim.

Obama kominn í forsetagír

Barack Obama, verðandi forseti Bandaríkjanna, og Joe Biden, verðandi varaforseti, komu ásamt fjölskyldum sínum til Washington-borgar með lest á laugardag til að undirbúa sig fyrir embættistöku Obama á þriðjudag.

Leiðtogi Hamas segir Palestínumenn óhrædda

Einn af leiðtogum Hamas samtakanna sagði í dag að þriggja vikna árásir Ísraelsmanna á Gaza ströndinni væru misheppnaðar og hefðu ekki orðið til þess að skelfa Palestínumenn.

Gaza ströndin í rúst

Ísraelar boðuðu einhliða vopnahlé á miðnætti. Hamas samtökin segja að þau muni hætta öllum hernaðaraðgerðum og gefa ísraelum vikufrest til þess að flytja hermenn sína frá ströndinni.

Ég flýg ekki yfir íbúðasvæði

Rannsóknarnefnd flugslysa í Bandaríkjunum segir að annar hreyfill vélarinnar sem nauðlenti á Hudson fljóti sé enn á sínum stað, en í fyrstu var talið að þeir hefðu báðir brotnað af í lendingunni.

Obama þræddi slóð Lincolns

Barack Obama hóf daginn í Fíladelfíu þar sem hann fór um borð í járnbrautarlest sem flutti hann og fjölskyldu hans 219 kílómetra leiðina til Washington.

Hamas ætla að hætta hernaðaraðgerðum

Hamas samtökin tilkynntu í dag að þau myndu hætta öllum hernaðaraðgerðum og gefa Ísraelum vikufrest til þess að flytja hermenn sína frá Gaza ströndinni.

Obama styður Geithner þrátt fyrir undanskot hans frá skatti

Barack Obama, verðandi Bandaríkjaforseti, stendur þétt að baki Timothy Geithner, sem hann hefur valið í embætti fjármálaráðherra, þrátt fyrir að honum hafi orðið á mikil mistök þegar að hann sveikst undan því að greiða skatta. Þetta segir verðandi starfsmannastjóri í Hvíta húsinu.

Ísraelar lýstu yfir vopnahléi

Ísraelar lýstu í nótt yfir einhliða vopnahléi á Gaza ströndinni. Ekki eru þó byssurnar þagnaðar. Vopnahléð tók gildi á miðnætti. Skömmu síðar skutu Hamas liðar eldflaugahrinu á Ísrael. Því var svarað með loftárás sem Ísraelar segja að hafi hitt bæði skotpalla og skotmennina. Þótt Ísraelar hafi lýst yfir vopnahléi eru hermenn þeirra enn á ströndinni og verða þar áfram enn um sinn.

Eiga nóg í fjórar til fimm bombur

Bandarískur sérfræðingur Selig Harrison hefur verið í Norður-Kóreu síðan á þriðjudag og rætt við háttsetta embættismenn þar í landi.

Armstrong hjólar á ný

Hjólreiðakeppinn Lance Armstrong hefur keppni á nýjan leik á morgun í vikulangri hjólreiðakeppni í Ástralíu. Á fundi með fréttamönnum í dag kvaðst hann hafa litla möguleika á sigri eftir að hafa setið á rassinum í þrjú og hálft ár og drukkið bjór, eins og hann orðaði það.

Talibanar banna skólagöngu kvenna

Talibanar hafa bannað skólagöngu kvenna í dalnum Swat í norðvesturhluta landsins. Þar ráða þeir lögum og lofum. Bannið við skólagöngu kemur niður á fjörutíu þúsund stúlkun og ungum konum. Talibanar halda því fram að menntun kvenna sé ó-islömsk.

Vill að sonur sinn taki við

Kim Jong-il, leiðtogi Norður-Kóreu, hefur ákveðið að yngsti sonur sinn taki við af sér, að því er fréttastofa í Suður-Kóreu heldur fram. Hins vegar bárust einnig fréttir af því að elsti sonur hans sé tilbúinn að taka við af föður sínum.

Vopnahlé hugsanlega undirritað á sunnudaginn

Yfirvöld í Ísrael eru farin að hafa orð á því að sókn þeirra á Gaza ströndinni ljúki brátt með vopnahléi. Sagt er að Ehud Olmert forsætisráðherra Ísraels, Mahmoud Abbas forseti Palestínumanna og Hosni Mubarak forseti Egyptalands geti þegar á sunnudag undirritað samkomulag sem yrði grunnur að eins árs vopnahléi á milli Ísraela og Hamas samtakanna. Yfir 1100 Palestínumenn hafa farist í innrás Ísraela á Gaza ströndina.

Lík 1800 Þjóðverja finnast í fjöldagröf

Fjöldagröf fannst þegar verið var að grafa fyrir hóteli í bænum Malbork í Norður-Póllandi. Í síðari heimsstyrjöldinni hét bærinn Marienburg og tilheyrði Þýskalandi. Í gröfinni eru lík um átjánhundruð Þjóðverja sem týndust í framsókn rússneska hersins í lok stríðsins. Talið er að rússnesku hermennirnir hafi drepið fólkið. Milljónir óbreyttra borgara týndust í stríðinu og ekki er enn vitað um örlög þeirra.

Tíu bjargað af flutningaskipi við Noreg

Tíu skipverjum var í dag bjargað af flutningaskipi frá Möltu sem strandaði í Harðangursfirði í Noregi. Mikill leki kom að skipinu og þótti vissast að áhöfnin yfirgæfi það. Farþegaskip sem var skammt undan Harðangursfirði heyrði neyðarkall frá maltneska skipinu og kom fljótt á vettvang. Tvö norsk strandgæsluskip og þyrla voru einnig send á vettvang. Maltneska skipið var með timburfarm og ekki talið að það sökkvi í bili. Norska strandgæslan mun reyna að gera við það til bráðabirgða og koma því til hafnar.

Flugstjórinn var síðastur frá borði

Flugstjórinn sem nauðlenti farþegaþotu sinni á Hudson fljótinu í New York fór síðastur frá borði eftir að hafa fullvissað sig um að enginn farþegi væri eftir.

Bush segist hafa fylgt samvisku sinni

George Bush fráfarandi Bandaríkjaforseti sagði í kveðjuræðu sinni til bandarísku þjóðarinnar að hann hafi alltaf fylgt sinni bestu samvisku í embættisverkum sínum.

Lögreglumenn selja nærföt og snyrta grafir

Dæmi eru um að breskir lögreglumenn selji nærfatnað, snyrti grafir og dáleiði fólk til að ná sér í nokkur pund aukalega.

Segist hafa verið valinn af Hitler til ævisagnaritunar

Breskur sagnfræðingur, sem eyddi rúmu ári í fangelsi fyrir að neita því að helför gyðinga hafi átt sér stað, heldur því fram að Adolf Hitler hafi valið hann til að rita ævisögu sína.

Nýstárlegt „flughótel“ í Svíþjóð

Sænskur frumkvöðull að nafni Oscar Dios hefur opnað hótel sem ætlað er að losa þá, sem finnst óbærilegt að sofa í flugvélum, við óþægindin.

Drápu sjötugan mann fyrir tvær rauðvínsflöskur

Þrír ungir menn sitja nú í gæsluvarðhaldi í hafnarbænum Kragenæs í Danmörku grunaðir um að hafa orðið rúmlega sjötugum manni að bana til þess að komast yfir tvær rauðvínsflöskur. Þetta gerðist á heimili mannsins á þriðjudaginn.

Myndband af lögreglumorði á Netinu

Myndband sem sýnir lögreglumann skjóta handtekinn mann til bana í Oakland í Kaliforníu á nýársdag fer nú sem eldur í sinu um vefinn og hefur meðal annars birst á myndskeiðavefnum YouTube.

Pakistanar handtaka 124 aðila vegna Mumbai-árása

Yfirvöld í Pakistan hafa handtekið 124 aðila sem grunaðir eru um að tengjast árásunum á indversku borgina Mumbai í nóvember þar sem tæplega 200 manns biðu bana og fjölmargir særðust.

Innanríkisráðherra Hamas felldur ásamt syni

Said Siyam, innanríkisráðherra Hamas á Gaza-svæðinu var felldur í dag í loftárás Ísraela. Hann er einn æðsti forystumaður samtakanna sem fallið hefur frá því að árásirnar hófust fyrir rúmlega 20 dögum. Siaym var yfirmaður nokkur þúsund Palestínumanna í öryggissveit Hamas-liða á svæðinu.

Flugvél hrapaði við New York - 135 um borð

Flugvél frá flugfélaginu US Airways hrapaði í Hudson-ánna í New York fylki fyrir stundu. Á vef BBC kemur fram að björgunarbátar séu komnir að vélinni og reyna björgunarmenn að koma farþegunum til bjargar.

Árás á flóttamannahjálp SÞ: Vorum að verja okkur

Forsætisráðherra Ísraels segir höfuðstöðvar Sameinuðu þjóðanna í Gaza verið notaðar til árása á ísraelska hermenn. Þeir hafi einfaldlega verið að svara fyrir sig þegar þeir hafi gert árás á þær í dag. Sameinuðu þjóðirnar vísa þessu á bug og hefur flóttamannahjálp samtakanna hætt störfum á Gaza um stundarsakir.