Samþykkja lög um ættleiðingu samkynheigðra í Belgíu

Neðri deild belgíska þingsins hefur samþykkt lög sem veita samkynhneigðum leyfi til að ættleiða börn. Ef lögin verða samþykkt í öldungadeild þingsins verður Belgía þriðja Evrópusambandslandið sem leyfir slíkt, en Svíar og Spánverjar hafa þegar gert það, en þess má geta að fyrir Alþingi liggur fyrir frumvarp sama efnis.

Skreytingarnar kostuðu sex milljónir

Það eru fleiri komnir í jólaskap en kaupmenn, það sannast í Hilden í norðanverðu Þýskalandi þar sem Uwe Bajorat hefur unnið að því síðan í ágúst að setja upp skreytingar fyrir jólin.

Fær ekki að syngja á jólatónleikum

Brasilíska söngkonan Daniela Mercury fær ekki að syngja á jólatónleikum Vatíkansins eins og til stóð.

Tók fimm í gíslingu

Tæplega þrítugur karlmaður tók fimm manns í gíslingu í sjónvarpsbyggingu í borginni Jekaterínburg í Úralfjöllum í Rússlandi í morgun. Maðurinn var vopnaður hríðskotariffli og hélt fólkinu í gíslingu í tvær klukkustundir áður en hann sleppti gíslunum og gaf sig á vald lögreglu.

Krefjast afsagnar Göran Persson

Mikið uppnám hefur orðið í sænskum stjórnmálum eftir að sérstök rannsóknarnefnd, sem fór yfir viðbrögð stjórnvalda vegna flóðbylgjunnar sem reið yfir Suðaustur-Asíu á annan dag jóla í fyrra, kynnti skýrslu sína í gær. Skýrslan fer hörðum orðum um viðbrögð ríkisstjórnarinnar og afsagnar forsætis- og utanríkisráðherra er nú krafist.

Hjálparstarfið í hættu

Sameinuðu Þjóðirnar þurfa að skera verulega niður hjálparstarf á hamfarasvæðunum í Pakistan ef ekki berst meira fjármagn strax á næstu dögum.

Blair gefur eftir

Bretar eru tilbúnir að gefa eftir hluta af endurgreiðslum sínum til að sátt náist um nýtt fjárlagafrumvarp innan Evrópusambandsins.

Særði tvo yfirmenn í sjálfsmorðstilraun

Bandarískur sjóliði og tveir yfirmenn hans særðust þegar hermaðurinn reyndi, að því er virtist, að fremja sjálfsmorð á herstöð í Texas í gær. Þegar yfirmennirnir komu að manninum, mundandi byssu, reyndu þeir að stöðva hann og upphófust þá átök um skotvopnið.

Sá þúsundasti tekinn af lífi

Þúsundasti bandaríski fanginn var tekinn af lífi í morgun, eftir að dauðarefsing var tekin upp á nýjan leik í Bandaríkjunum fyrir þrjátíu árum.

Önnur vélin lenti í Keflavík í lok mars 2002

Önnur fangaflugvélin frá CIA sem staðfest er að hafi lent í Frakklandi, millilenti fyrst í Keflavík. Þetta kemur fram í dagblaðinu Le Figaro í dag.

6 ára gamall drengur beið bana eftir árás þriggja hunda

6 ára gamall drengur beið bana í Oberglatt í Sviss í gær þegar þrír varðhundar réðust á hann. Drengurinn var á leið á dagheimili og átti aðeins eftir nokkur hundruð metra þegar hundarnir komu skyndilega hlaupandi og réðust á hann á meðan sjónarvottar stóðu hjálpvana hjá og gátu ekkert gert.

Aflífaður fyrir smygl

Ástralskur eiturlyfjasmyglari var tekinn af lífi í Singapúr í nótt, þrátt fyrir ítrekaða beiðni ástralskra stjórnvalda um að manninum yrði sýnd miskunn. Stjórnvöld í Ástralíu eru æf vegna málsins og það gæti átt eftir að draga dilk á eftir sér.

Seldi vinum sínum aðgang að dóttur sinni

Sjö menn sem sitja nú í gæsluvarðhaldi eða hafa verið dæmdir í Danmörku grunaðir um að hafa misnotað stúlku þegar hún var 10 ára gömul. Faðir stúlkunnar leyfði mönnunum að misnota hana gegn greiðslu. Mennirnir eru á fimmtugs aldri og allt upp í 73 ára gamlir.

Skæruliðar aðsópsmiklir

Uppreisnarmenn í borginni Ramadi í vesturhluta Íraks skutu eldflaugum að stjórnarbyggingum og bandarískum varðstöðvum í gær. Engan sakaði þó í árásunum sem helst virðast hafa verið framdar í áróðursskyni. Skömmu eftir uppþotin héldu grímuklæddir skæruliðarnir hver sína leið.

Þrýsta á um svör við fangaflugsásökunum

Vaxandi óánægju gætir nú víða í Evrópu yfir því að hægt virðist ganga að komast að því hvað sé hæft í ásökunum um fangaflug og leynifangelsi CIA. Í nafni ESB hefur breska stjórnin farið fram á skýringar frá bandarískum stjórnvöldum.

Lögreglusveitir lokuðu kjörstöðum

Til óeirða kom á nokkrum kjörstöðum í Egyptalandi eftir að lögregla ákvað að loka þeim. Á þessum stöðum var búist við að stjórnarandstæðingum mundi vegna vel. Lokaumferð egypsku þingkosninganna fór fram í gær og er óhætt að segja að víða hafi verið heitt í kolunum. Lögregla lét loka nokkrum kjörstöðum þar sem félagar í Bræðralagi múslima höfðu verið aðsópsmiklir.

Gluggaþvottamenn sluppu naumlega

Það er ekki hættulaust að vera gluggaþvottamaður eins og tveir þeirra komust að í Denver í Bandaríkjunum gær.

Fara í fyrsta lagi í febrúar á næsta ári

Fjölmennt herlið á vegum Atlantshafsbandalagsins í Pakistan getur í fyrsta lagi farið þaðan í lok febrúar á næsta ári. NATO sendi um eitt þúsund hjúkrunarliða, verkfræðinga og þyrluflugmenn til hamfarasvæðanna í Pakistan, eftir að jarðskjálft reið þar yfir hinn áttunda október.

Átök einkenndu þingkosningar í Egyptalandi

Átök hafa einkennt þriðju og síðustu umferð þingkosninganna í Egyptalandi sem fram fóru í dag. Að minnsta kosti einn maður hefur látið lífið í átökunum.

Aftur hryðjuverk í Bangladesh

Einn lést og tuttugu og fimm manns eru sárir eftir öfluga sprengingu við dómhús í Bangladesh í morgun.

Skilaboð Sameinuðu á alþjóðlega alnæmisdeginum

Þjóðir heims mega ekki sofa á verðinum í baráttunni við alnæmi, þó að fjölmiðlar hafi fjallað meira um aðra sjúkdóma undanfarin misseri. Þetta eru skilaboð Sameinuðu þjóðanna á alþjóðlega alnæmisdeginum sem er í dag.

Þriðji hver starfsmaður myndi þiggja mútur

Einn af hverjum þremur opinberum starfsmönnum í Víetnam myndi þiggja mútur ef honum byðist það. Þetta kemur fram í nýlegri könnun sem gerð var þar í landi. Spilltustu starfsmennirnir samkvæmt könnuninni eru þeir sem sjá um úthlutanir á landssvæðum og húsnæði en fast á hæla þeirra koma lögreglumenn, tollverðir og starfsmenn skattsins.

Hafa hertekið Ramadí

Fjögur hundruð vopnaðir írakskir uppreisnarmenn hafa hertekið hluta af borginni Ramadi í Írak. Þá skutu uppreisnarmennirnir úr sprengjuvörpum á herstöð Bandaríkjamanna og einnig á opinbera byggingu í borginni.

Læknar í Frakklandi hafa framkvæmt fyrstu andlitságræðslu sögunnar

Læknar í Frakklandi hafa framkvæmt fyrstu andlitságræðslu sögunnar. Læknarnir segja aðgerðina hafa heppnast vel og að hið nýja andlit virki eðlilegt.

78 meintir meðlimir eiturlyfjahrings handteknir

Sjötíu og átta manns, sem grunaðir eru um aðild að kólumbískum eiturlyfjahring, voru handteknir í Kólumbíu og Bandaríkjunum í gær. Hópurinn er grunaður um að hafa staðið að smygli á eiturlyfjum til Bandaríkjanna, meðal annars með því að fela efnin inni í húsgögnum og málverkum.

Meirihluti Bandaríkjamanna efast um sigur í Írak

Meirihluti Bandaríkjamanna efast um að George Bush Bandaríkjaforseti búi yfir áætlun sem muni leiða til "sigurs Bandaríkjamanna", eins og það er orðað, í Íraksstríðinu. Þetta kemur fram í niðurstöðum könnunar sem Gallup gerði fyrir CNN sjónvarpsstöðina og dagblaðið USA Today en könnunin var birt í gærkvöldi.

Bandaríski herinn borgar írökskum dagblöðum fyrir að birta jákvæðar blaðagreinar um herinn

Bandaríski herinn borgar írökskum dagblöðum á laun fyrir að birta jákvæðar blaðagreinar um aðgerðir Bandaríkjahers í Írak. Dagblaðið Los Angeles Times hefur komist yfir gögn sem staðfesta þetta.

Sífellt fleiri frá bráðalyf gegn HIV veirunni í Danmörku

Um hundrað einstaklingar fengu bráðalyf gegn HIV veirunni í Danmörku á síðasta ári. Það er tvöfalt fleiri en fyrir fimm árum.

Árið 2005 eitt mesta hamfaraár sögunnar

Það sem af er ári hafa Sameinuðu þjóðirnar tíu sinnum kallað eftir neyðar­aðstoð en svo oft hafa samtökin aldrei áður þurft að bregðast við. Í gær var farið fram á 265 milljarða króna í aðstoð til bágstaddra um allan heim.

Mæðgur myrtar í Noregi

Kona á sextugsaldri og dóttir hennar á þrítugsaldri voru myrtar á heimili sínu í Borge í nágrenni Fredriksstad í Noregi í fyrrinótt. Sá sem myrti þær hringdi sjálfur til lögreglu og tilkynnti um morðið en hann er fyrrverandi kærasti móðurinnar.

Leynifangelsi verða könnuð

Þótt Bandaríkjastjórn hafi ekki enn viðurkennt að hún starfræki leynileg fangelsi erlendis þar sem grunaðir hryðjuverkamenn eru geymdir segist hún hafa meðtekið þau hörðu viðbrögð sem málið hefur vakið.

Ríkisstjóri náðar Lovitt

Innan við sólarhring áður en til stóð að Robin Lovitt yrði þúsundasti fanginn sem tekinn yrði af lífi í Bandaríkjunum frá því að dauðarefsingar voru teknar þar upp á ný fyrir 28 árum, ákvað ríkisstjóri Virginíu að þyrma lífi hans í gær. Refsingu Lovitts var breytt í ævilangt fangelsi án möguleika á náðun fyrir að stinga mann til bana með skærum í leikjasalarráni árið 1998.

Peres til liðs við Sharon

Shimon Peres, eitt elsta brýnið í ísraelskum stjórnmálum, sagði í gær skilið við Verkamannaflokkinn sem var hans póli­tíska heimili í nærri sex áratugi. Hann hyggst leggja Ariel Sharon, núverandi forsætisráðherra sem stofnað hefur eigin flokk, lið í kosningabaráttunni fyrir næstu þingkosningar.

Heldur umbótum Schröders áfram

Angela Merkel, kanslari Þýskalands, boðaði í stefnuræðu sinni í þýska Sambandsþinginu í gær að halda þeim kerfisumbótum áfram sem lagt hefði verið af stað með í tíð fyrri ríkisstjórnar, með það að markmiði að blása nýjum þrótti í efnahags- og þjóðlíf Þýskalands.

Myndband birt af gíslunum

Sjónvarpsstöðin al-Jazeera hefur birt myndir af fjórum friðarsinnum sem eru í haldi samtaka sem kalla sig Sverð réttlátu herdeildanna. Þá er þýskur fornleifafræðingur og íraskur bílstjóri hennar í gíslingu mannræningja.