Fleiri fréttir

Alvarlegt slys í Reykjanesbæ

Kona um þrítugt liggur alvarlega slösuð á gjörgæsludeild Landsspítalans eftir að hafa orðið fyrir bíl á Reykjanesbraut, skammt frá Stekk í Reykjanesbæ í gærkvöldi. Hún var flutt með sjúkrabíl á slysadeildina, þar sem hún gekkst strax undir aðgerð og er nú haldið sofandi í öndunarvél.

Ný bylting er rétt að hefjast

Skýrsla Póst- og fjarskiptastofnunar um íslenska fjarskiptamarkaðinn á fyrri helmingi ársins sýnir með skýrum hætti hvernig landslagið er að breytast. Framkvæmdastjóri Nova segir að ný bylting sé að hefjast með innreið 4G.

Telur jarðstrengi raunhæfan kost

Niðurstöður kanadísks ráðgjafafyrirtækis benda til að jarðstrengir og loftlínur séu hvorttveggja raunhæfur kostur við uppbyggingu flutningskerfis raforku. Kostnaðurinn sé ekki lengur fyrirstaða. Landsnet rengir forsendur útreikningana í öllum meginatriðum.

Áhöfnin á Geir keypti árituðu treyjuna

Landsliðstreyja, árituð af leikmönnum íslenska karlalandsliðsins í knattspyrnu var slegin á 405 þúsund krónur á uppboði norður á Þórshöfn í gærkvöldi.

Fólskuleg árás í austurborginni

Maður var handtekinn í austurborginni um hálf þrjú leitið í nótt, grunaður um fólskulega líkamsárás. Þolandinn í mállinu var fluttur á slysadeild, en árásarmaðurinn verður yfirheyrður í dag. Í skeyti lögreglunnar er ekki greint nánar frá málsatvikum nema hvað árásin er sögð alvarleg.

Alþjóðleg rannsókn á SWIFT

Persónuverndarstofnanir í Hollandi og Belgíu eru að vinna úttekt á alþjóðlega greiðslumiðlunarkerfinu SWIFT, í ljósi ábendinga um að erlendar leyniþjónustur, hugsanlega bandaríska þjóðaröryggisstofnunin, kunni að hafa öðlast ólögmætan aðgang að kerfinu.

Segir biðlaun sviðsstjóra fullkomlega óeðlileg

Bæjarfulltrúi í Kópavogi segir tólf mánaða biðlaun sviðstjóra óeðlileg. Bæjarstjóri verði kærður fyrir að svara ekki fyrirspurnum um árangur af starfi sviðsstjórans. Þetta er snjóbolti sem bæjarfulltrúinn setti sjálfur af stað, ítrekar bæjarstjórinn.

Myglusveppur í ráðuneyti velferðarmála

Flytja hefur fólk úr velferðarráðuneytinu til starfa annars staðar meðan hreinsaður er burt myglusveppur á þriðju hæð ráðuneytisins. Í haust kom upp myglusveppur í annað sinn. Framkvæmdir nú ná til 16 skrifstofa og fundaaðstöðu.

Borgin hætt við 300 milljóna hækkun

Formaður borgarráðs segir að með því að hætta við hækkanir á gjaldskrám taki borgin frumkvæði í sameiginlegu átaki gegn verðbólgu. Hækkanir hefðu siglt í gegn óséðar ef sjálfstæðismenn hefðu ekki haldið vöku sinni, segir oddviti þeirra.

Barnahús í nýtt húsnæði

Barnahús mun færa starfsemi sína í Gilsárstekk 8 í Reykjavík eftir að ríkið keypti húsið. Barnahús er rekið af Barnaverndarstofu.

Vilhjálmur þáði kaffiboð Melkorku

Vilhjálmur Árnason, þingmaður Sjálfstæðisflokksins, þáði í dag boð Melkorku Ólafsdóttur, flautuleikara Sinfóníuhljómsveitarinnar um að setjast niður yfir kaffibolla og ræða málefni Sinfóníuhljómsveitarinnar.

Læknadeila á Vestfjörðum: Ungum lækni sagt upp

Heilbrigðisstofnun Vestfjarða hefur afþakkað vinnuframlag Tómasar Halldórs Pajdak við stofnunina. Hann var einn þeirra sem taldi Þorstein Jóhannesson óhæfan til að sinna starfi sínu.

Króatískar bullur eru blankar

Ivica Gregoric er að króatísku bergi brotinn og hann telur nánast engar líkur á því að hingað til lands slæðist valdalistar og bullur sem stundum fylgja króatíska liðinu.

Reykjavíkurborg hættir við gjaldskrárhækkanir

Hætt verður við hækkanir á gjaldskrám vegna leikskóla, skólamáltíða, frístundaheimila, bókasafnsskírteina, sundlaugakorta og vegna þjónustu sem velferðarsvið Reykjavíkurborgar veitir.

Fjórir hermenn fórust á æfingu

Fjórir bandarískir landgönguliðar létust í gær í sprengingu á herstöð í suðurhluta Kalíforníuríkis. Mennirnir voru að hreinsa upp sprengjur sem ekki höfðu sprungið á æfingavelli á stöðinni þegar ein þeirra sprakk með þeim afleiðingum að þeir létust. Þetta er í annað sinn á skömmum tíma sem slíkut atburður á sér stað en í mars á þessu ári fórust fjórir landgönguliðar í Nevada með svipuðum hætti.

Goðafoss í viðgerð í Færeyjum

Unnið er að viðgerð á flutningaskipinu Goðafossi, þar sem það er statt í Þórshöfn í Færeyjum eftir eldinn, sem þar kviknaði um borð fyrir helgi. Ekki hefur verið staðfest hvað olli íkveikjunni og ekki liggur fyrir hversu mikið tjónið er.

Stormi spáð í flestum landshlutum

Veðurstofan spáir stormi víða um land í dag og rigningu fyrir norðan og austan. Það fer hinsvegar að snjóa suðvestanlands eftir hádegi, en verður vart nema slydda á höfuðborgarsvæðinu þar til úrkoman breytist í rigningu.

Segir dýra skó ódýrari en ódýrir skór

Jónína Sigurbjörnsdóttir skósmiður segir vel getað borgað sig að láta gera við slitna skó. Það eigi sérstaklega við um vandaða og dýra skó. Íslenskir skósmiðir séu góðir og ódýrir. Minnsta viðgerð kostar eitt þúsund krónur.

Vegagerðarmenn í hættu á Kjalarnesi

Vegna ógætilegs aksturs um vinnusvæði á Kjalarnesi við Móa hafa hraðamyndavélar á svæðinu verið virkjaðar til að mynda þá sem aka yfir leyfilegum hámarkshraða. Hann er 50 kílómetrar á klukkustund þar til framkvæmdum lýkur.

Jólaljósin á leiðinni upp í borginni

Starfsmenn Reykjavíkurborgar og Orkuveitunnar eru byrjaðir að setja upp hefðbundna jólalýsingu að því er segir í tilkynningu frá borginni. Kveikt verður á lýsingu seinni hluta nóvember.

Dýrasti demantur heims seldist á uppboði

Bleikur demantur, sem kallaður hefur verið Bleika stjarnan, seldist á uppboði Sotheby's í dag á 51,7 milljón punda eða sem svarar til um 10, 2 milljörðum íslenskra króna.

Vill að stúlkurnar taki út refsingu á Íslandi

"Stúlkurnar gerðu rangt og þær eiga að taka út sína refsingu.“ Þetta segir móðir stúlku sem var í dag ásamt vinkonu sinni dæmd í sjö ára fangelsi fyrir fíkniefnasmygl í Tékklandi.

Latibær á tunglinu

Upptökum á fjórðu þáttaröðinni af Latabæ lauk á dögunum. Öll leikmynd og búningar eru búin til frá grunni og það getur verið áskorun að koma öllum söguhetjum Latabæjar til Egyptalands til forna eða jafnvel alla leið til tunglsins.

Ekki of snemmt að spila jólalögin

Þó mörgum finnist eflaust enn langt til jóla hafa þónokkrir tekið forskot á jólasæluna með einum eða öðrum hætti. Meðal þeirra eru starfsmenn Létt-Bylgjunnar, sem spilar nú jólalög allan sólarhinginn allt til jóla.

Sjá næstu 50 fréttir

Mest lesið