Dagur býður öllum í vöfflur

Dagur B. Eggertsson, formaður borgarráðs og oddviti Samfylkingarinnar í Reykjavík, býður í vöfflur heim til sín á menningarnótt.

Skoppa og Skrítla komu í heimsókn

Skoppa og Skrítla, sem eru fastir gestir á Stöð 2, komu í Skaftahlíðina, þar sem Stöð 2 er send út, til að kynna sér breytingarnar sem verða á sjónvarpsstöðinni í vetur. Ein helsta breytingin er sú að ný barnastöð mun fara í loftið, auk tveggja annarra stöðva.

Hlýjasti dagur sumarsins í borginni

Hitinn í borginni náði 20 stigum í dag í fyrsta sinn í sumar. Dagurinn er enn ekki allur og því gæti hitinn skriðið enn hærra.

Útveguðu mjólkurpela og drykki - farþegar halda áfram síðdegis

Um tuttugu fjöldahjálparstjórar og sjálfboðaliðar Rauða krossins á Suðurnesjum og höfuðborgarsvæðinu hafa síðustu klukkustundirnar hlúð að 238 farþegum og 17 manna áhöfn flugvélar frá Aeroflot í flugskýli á öryggissvæði á Keflavíkurflugvelli samkvæmt tilkynningu frá Rauða krossinum.

Bauð gestum 250 þúsund fyrir að ganga í skrokk á öryggisverði

Karlmaður var handtekinn í Kringlunni um klukkan eitt í dag. Öryggisvörður hafði afskipti af manninum, sem er um þrítugt, vegna gruns um þjófnað. Maðurinn brást hin versti við og er meðal annars grunaður um að hafa slegið öryggisvörðinn í bringuna samkvæmt upplýsingum frá lögreglunni á höfuðborgarsvæðinu.

Gestir fá að smakka sinnepsís og BBQ-ís

Hinn svokallaði Ísdagur Kjöríss fer fram á laugardaginn í Hveragerði. Ísdagurinn er árviss viðburður en þá gefst gestum kostur á að hesthúsa eins mikinn ís og þeir geta. Í fyrra hurfu um tvö og hálft tonn af ís ofan í 20 þúsund gesti.

Tveir handteknir vegna sprengjuhótunarinnar

Sprengjuleit er lokið í flugvélinni sem lenti óvænt á Keflavíkurflugvelli í morgun. Engin sprengja fannst í vélinni. Vél mun koma og sækja farþegana seinna í dag og er áætlað að þeir fari í loftið um hálfsjö. Farþegarnir hafa verið í Leifsstöð, en þeir hafa verið í góðu yfirlæti í flugskýli.

Fatimusjóðurinn lagði fram fimm milljónir í styrk til Sýrlendinga

Fatimusjóðurinn hefur lagt fram fimm milljónir króna til aðstoðar fórnarlömbum átakanna í Sýrlandi. Rauði krossinn á Íslandi veitti styrknum viðtöku í dag og munu Alþjóða Rauði krossinn og Rauði hálfmáninn í Sýrlandi nýta féð til að aðstoða óbreytta borgara sem orðið hafa illa úti vegna átakanna þar í landi.

Segja sænsku leiðina góða - lögreglan sökuð um lélega eftirfylgni

Femínistafélag Íslands hefur sent frá sér yfirlýsingu vegna fjölmiðlaumræðu um sænsku leiðina svokölluðu og hefur verið til umfjöllunar á fréttastofu Stöðvar 2 síðastliðna daga. Í yfirlýsingunni, sem birtist á vefnum Smugan.is, kemur fram að lögin séu ekki slæm, heldur heillaskref, vandamálið sé hinsvegar lögreglan sem framfylgir ekki lögunum.

Vill fleiri sannleiksnefndir um dulræn fyrirbæri

"Þetta er mjög gott fordæmi og þyrfti að gerast oftar eftir því sem svona mál koma upp,“ segir Magnús Skarphéðinsson, skólastjóri og sérfræðingur í dulrænum fyrirbærum en hann situr í fyrstu sannleiksnefnd sem hefur verið sett saman um dulrænt fyrirbæri hér á landi, að því best er vitað.

Hreyfihömluð kona fær ekki að keppa um tíma í Reykjavíkurmaraþoni

Arna Sigríður Albertsdóttir, ísfirsk kona sem lenti í skíðaslysi árið 2006 og hefur verið bundin við hjólastól síðan, fær ekki að keppa um tíma á Reykjavíkurmaraþoninu sem fram fer um helgina. Hún hefur æft markvisst fyrir hlaupið og ætlaði sér heilt maraþon. Þegar á hólmin er komið fær hún ekki að keppa um tíma og er stillt upp aftast í rásröð með þeim fyrirmælum að hún megi ekki taka fram úr neinum.

Farþegar þotunnar verða hér fram á morgun

Farþegar þotunnar sem lenti hér óvænt í morgun vegna sprengjuhótunar munu þurfa að vera hér yfir nótt. Vélin var á leið frá New York til Rússlands.

Sendu 770 þúsund pakka af vítamínbættu hnetusmjöri til Sómalíu

Íslendingum tókst að minnka verulega skaðann af hrikalegri hungursneyð í Sómalíu á síðasta ári með því að styðja myndarlega við bakið á Rauða Krossinum.

Stefnir í breytingar á Landeyjahöfn

Breytingar eru fyrirhugaðar á Landeyjahöfn. Til stendur að gera um 20 metra langan viðlegukant innst í norðurenda hafnarinnar. Kanturinn er hugsaður fyrir dýpkunarskip. Þá er einnig gert ráð fyrir steyptum rampi norðan við ferjubryggju hafnarinnar. Hann er hugsaður svo hægt sé að aka smærri bátum beint út í höfnina.

Annþór og Börkur ekki viðstaddir fyrirtökuna

Þeir Annþór Kristján Karlsson og Börkur Birgisson verða ekki viðstaddir fyrirtöku sem fer fram núna klukkan ellefu í Heraðsdómi Reykjaness í líkamsárásarmáli sem höfðað hefur veirð gegn þeim. Þeir eru ákærðir fyrir ítrekuð líkamsárásarbrot á menn víðsvegar á höfuðborgarsvæðinu, þar sem þeir réðust með bareflum á fólk. Alls eru tíu manns ákærðir fyrir aðild að árásunum.

Íslandsdvöl Russells Crowe senn á enda

Russell Crowe er ánægður með Íslandsdvöl sína enn sem komið er, en hún er senn á enda eins og hann segir sjálfur frá á Twitter síðu sinni "Vangaveltur mínar um Ísland; þetta er mjög sérstakur staður, dulrænn, krefjandi, meðvitaður, heiðarlegur og ánægjulegur #Ísland rokkar," segir hann á Twitter.

Vill lokka listamenn til Ísafjarðar

Forsvarsmaður Listakaupstaðar á Ísafirði segir að um þessar mundir sé laus aðstaða í Listakaupstað sem er vinnustofa á Ísafirði þar sem listamenn geta fengið aðstöðu og rými til að skapa list. Hún hvetur fólk til að sækja um og segir að fljótlega verði farið að auglýsa eftir listamönnum.

Þýskir ferðamenn í vandræðum

Fimm þýskir ferðamenn komust í hann krappann seint í gærkvöldi þegar tveir stórir fjallatrukkar þeirra festust í sandbleytu út í miðri þverárkvísl, sem rennur úr Hofsjökli, og kölluðu eftir hjálp.

Of mikið kadmíum í áburði Bauhaus

Við reglubundið eftirlit Matvælastofnunar með áburði kom í ljós að áburðartegundin Plænekalk + gödning, sem Bauhaus Ísland ehf. flytur inn, reyndist innihalda þrefalt meira kadmíum (Cd) en leyfilegt er hérlendis.

Leitað í farþegaflugvél í Rússlandi vegna sprengjuhótunar

Leitað var í flugvél í Rússlandi í morgun vegna sprengjuhótunarinnar sem barst Areoflot flugvélinni, sem lenti á Keflavíkurflugvelli í morgun, vegna hótunar um að fimm ferðatöskur innihéldu sprengiefni og að þær myndu sprynga við lendingu í Moskvu.

Viðbragðsaðilar af höfuðborgarsvæðinu afturkallaðir

Viðbragðsaðilar sem kallaðir voru út frá höfuðborgarsvæðinu vegna vélarinnar sem lenti á Keflavíkurflugvelli hafa verið afturkallaðir. Þetta kemur fram í tilkynningu sem fjölmiðlum barst frá almannavarnadeild Ríkislögreglustjóra.

Stefnir í eitt albesta berjaárið

„Þetta berjaár er eitt af þessum allra bestu sýnist mér,“ segir Sveinn Rúnar Hauksson, læknir og áhugamaður um ber.

Vilja opna safn um Gísla í vor

Unnið er að því að opna safn um einbúann Gísla Gíslason á bænum þar sem hann bjó, það er að segja á Uppsölum í Arnarfirði.

Meirihlutinn í Grindavík sprunginn

Meirihluti bæjarstjórnar í Grindavíkur sprakk í gærkvöldi þegar Framsóknarmenn og Sjálfstæðismenn slitu samstarfinu.

Endalok Ragnars seld til Ítalíu

Ítalskur safnari hefur keypt verkið Endalokin eftir Ragnar Kjartansson myndlistarmann. Verkið samanstendur af 144 málverkum sem Ragnar málaði í samnefndum gjörningi á Feneyjatvíæringnum 2009.

Tekinn á bifhjóli - margbraut lögin

Ökumaður bifhjóls reyndist marg brotlegur við ýmsar lagagreinar og reglugerðir þegar hann var stöðvaður á höfuðborgarsvæðinu um miðnætti.

Vélin lent án vandkvæða eftir að hafa fengið sprengjuhótun

Airbus farþegaþota frá rússneska flugfélaginu Aeroflot með 253 um borð, lenti heilu og höldnu á Keflavíkurflugvelli um klukkan hálf sjö í morgun, eftir að tilkynnt var um sprengju í vélinni og flugstjórinn óskaði eftir tafarlausu lendingarleyfi á Keflavíkurflugvelli.

Gátskildir á miðjum þjóðvegi

Tveir gátskildir standa á miðjum vegi við innganginn í Þjóðgarðinn á Þingvöllum, þrátt fyrir að fulltrúi Vegagerðarinnar hafi lýst því yfir í síðasta mánuði að aðskotahlutir mættu ekki vera á óupplýstum vegi.

Lendir á Keflavíkurflugvelli eftir sprengjuhótun

Rússnesk farþegaþota hefur verið stefnt til lendingar á Keflavíkurflugvelli vegna sprengjuhótunar. Rúmlega 250 manns eru um borð í vélinni.

Húsnæðisskortur en samt mörg tóm hús

Eftir margra ára þrengingar er nú uppgangur á sunnanverðum Vestfjörðum. Það vantar húsnæði fyrir fjölskyldur á Bíldudal en á sama tíma standa sumarhús auð langtímum saman. Íbúar segja heldur ekki hlaupið að því að byggja.

Brjóstkassi úr ull sigurvegari

Brjóstkassinn á bænum Sléttu í Eyjafirði bar sigur úr býtum í samkeppni um best prýdda póstkassann í Eyjafjarðarsveit. Það var Margrét Benediktsdóttir sem prjónaði brjóstin úr ull og skreytti póstkassann.

Óáhugaverður völlur í bænum

Innbæjarsamtökin á Akureyri merktu leikvöllinn við Hafnarstræti sem „óáhugaverðan stað“ til að skopast að bæjaryfirvöldum. Samtökin notuðu skilti, sem venjulega auðkennir áhugaverða staði, og teiknuðu á það rauðan kross. Akureyri vikublað greinir frá málinu á vef sínum.

Lögreglan leitar að öðrum bíl

Leitin að hinni sextán ára gömlu Sigrid Giskegjerde Schjetne hefur enn engan árangur borið, en í gær voru tíu dagar síðan hún hvarf. Leitin að stúlkunni heldur þó áfram.

Vinstri Græn bera að hluta ábyrgð á töfum aðildarviðræðna

Ekki verður gert hlé á viðræðum við Evrópusambandið þrátt fyrir ákall um slíkt frá ráðherrum Vinstri grænna. Vinstri græn bera að hluta ábyrgð á töfum á aðildarviðræðunum, enda neitaði Jón Bjarnason, þáverandi sjávarútvegs- og landbúnaðarráðherra, að veita umboð til að semja um annað en tollvernd í landbúnaði.

Sérhæft lögregluteymi ekki verið stofnað

Enn hefur ekki verið stofnað sérhæft lögregluteymi gegn mansali eins og þriggja ára gömul aðgerðaáætlun gerir ráð fyrir. Formaður sérfræði- og samhæfingarteymis um mansal vonast til að hægt verði að koma því á fót næsta vetur.

Íslenskur spilari vann 46 milljónir - keypti miðann í Smáralind

Tveir skiptu með sér þreföldum fysta vinningi og hlýtur hvor um sig rétt tæplega 187,4 milljónir króna í vinning. Annar miðinn var keyptur í Svíþjóð en hinn i Noregi. Hinn al-íslenski bónusvinningur gekk út og nemur upphæð hans rúmlega 46,1 milljón króna. Miðinn sem innihélt þennan glæsilega vinning var keyptur í Lukkusmáranum í Smáralindinni í Kópavogi. 11 miðar voru með fjórar réttar tölur - í réttri röð í Jóker. Átta þeirra eru í áskrift, einn var keyptur í N1 á Selfossi, einn í Olís í Álfheimum í Reykjavík og einn í Select við Suðurfell í Reykjavík.

Fingralangur karlmaður fór víða í dag

Karlmaður var staðinn að þjófnaði í íþróttahúsi Fram í hádeginu í dag. Kona sem óskaði eftir þessari aðstoð hafði staðið hann að þjófnaðinum og elt hann. Hann var handtekinn og í ljós kom að hann hafði gerst fingralangur að minnsta kosti þrisvar sinnum þennan dag, í Hagkaupum, í íþróttahúsi Fram og líkamsræktarstöð í Bolholti.

Hæfnisnefnd verður Steingrími til aðstoðar

Hæfnisnefnd verður ráðherra til ráðgjafar þegar valið verður í embætti hins nýja atvinnuvega- og nýsköpunarráðuneyti. Valið verður milli embættismanna ráðuneytanna þriggja sem munu sameinast.

Færeyingarnir komnir

Færeyska flugfélagið Atlantic Airways lenti nú um fjögurleytið glænýrri Airbus 319 vél sinni á Reykjavíkurflugvelli með rúmlega 100 fótboltaáhangendur til þess að horfa á vináttuleikinn milli Íslands og Færeyja í Laugardalnum í kvöld.

Segir Íslendinga ekki sóa miklum mat

Almenningur á Íslandi hendir allt að 3500 tonnum af mat á ári miðað við tölur sem sérfræðingar MATÍS tóku saman. Miðað við lauslega útreikninga Kristins Hugasonar, deildarstjóra matvælaskrifstofu ráðuneytisins, eru það 50 kg á ári á hverja fjölskyldu sem eru um 140 grömm á dag.

Fyrrverandi bæjarstjóri Hafnarfjarðar verður verkefnastjóri ÞSÍ

Guðmundur Rúnar Árnason forseti bæjarstjórnar Hafnarfjarðar og fyrrverandi bæjarstjóri hefur verið ráðinn verkefnastjóri hjá Þróunarsamvinnustofnun Íslands samkvæmt tilkynningu frá stofnunni.

Ný aðferð í lestrarkennslu gæti bætt lesskilning barna

Ný aðferð í lestrarkennslu grunnskólabarna hefur smátt og smátt verið að ryðja sér til rúms á landinu. Aðferðin nefnist Byrjendalæsi og felur í sér annars konar nálgun en áður tíðkaðist í lestrarkennslu. Sífellt fleiri skólar leggja aðferðina til grundvallar og nú í ár bætast fjórir skólar í hópinn á höfuðborgarsvæðinu.

Jón eða séra Jón skiptir ekki máli heldur lög um samkeppni

Séra Axel Árnason Njarðvík, héraðsprestur í Suðurprófastsdæmi, hefur farið fram á minnst 20 milljóna króna bætur frá Skeiða- og Gnúpverjahreppi.

Oddur kominn með bátinn í tog

Björgunarskipið Oddur V. Gíslason er nú kominn með bát, sem varð aflvana við Eldey fyrr í dag, í tog og stefnir til hafnar í Grindavík. Á meðan björgunarskipið var á leið á staðinn rak bátinn fjær landi og þarf því að draga hann um 19 sjómílna leið. Ferðin sækist hægt enda er báturinn með veiðarfærin í eftirdragi og er ráðgert að skipin verði komin til hafnar eftir miðnætti.

Menntunarleysi ýtir undir sóun á mat

Ólína Þorvarðardóttir, varaformaður umhverfisnefndar Alþingis, segir að matarmenningu Íslendinga hafi farið aftur. Það endurspeglist meðal annars í sóun á mat. Hún telur að vinna megi gegn þeirri þróun með því að auka vægi hússtjórnar og heimilishalds í skólum.