Ráðuneytisstjóri stýrir makrílviðræðum

Sjávarútvegsráðherra hefur falið Sigurgeir Þorgeirssyni ráðuneytisstjóra í sjávarútvegs- og landbúnaðarráðuneytinu að leiða viðræðunefnd Íslands um skiptingu makrílstofnsins. Að viðræðunum koma auk Íslands hin strandríkin Færeyjar, Noregur, Evrópusambandið og Rússland sem veiðir sinn makríl á úthafinu. Viðræðunefndina munu einnig skipa fulltrúar frá utanríkisráðuneytinu, sjávarútvegs- og landbúnaðarráðuneytinu og frá útvegsmönnum, auk þess sem sérfræðingar frá Hafrannsóknarstofnuninni verða til ráðgjafar. Tómas Heiðar fór áður fyrir samninganefnd Íslands, en hann var kallaður til annarra starfa fyrir utanríkisráðuneytið.

Vertinn á Kaffivagninum: Aldrei séð jafn mikið af skipum hérna

"Ég hef aldrei séð svona mikið af skipum hérna,“ segir Stefán Kristjánsson eigandi Kaffivagnsins en það var rólegt að gera hjá honum þrátt fyrir að svo mörg skip væru komin til hafnar.

Vill eftirlit eftir afplánun

Ögmundur Jónasson segir í aðsendri grein til DV að eftirlit með dæmdum mönnum geti verið nauðsynlegt eftir afplánun. Hann stefnir á að leggja fram frumvarp um málið á haustþingi.

Björn Valur sakaði þingmann um að vera drukkinn í þingsal

Björn Valur Gíslason, þingflokksformaður VG, sakaði samþingmann sinn um að vera undir áhrifum áfengis í þingsal þegar þingfundur stóð yfir rétt eftir klukkan eitt í nótt. Verið var að ræða frumvarp um veiðigjöld. "Sýnist mér einn þeirra þingmanna sem hér fer mikinn í þingsal í kvöld vera undir áhrifum áfengis og myndi vilja að forseti þingsins kannaði það frekar,“ sagði Björn Valur. Jón Gunnarsson þingmaður Sjálfstæðisflokksins fullyrti þá að Björn Valur hefði átt vð sig.

Neyðaraðstoð Íslendinga í Gambíu

Rauði krossinn á Íslandi hefur nú í júní dreifingu á matvælum og útsæði til þeirra 50.000 manna sem verst þjást af matarskorti í Gambíu, einu fátækasta ríki heims. Neyðarástandi hefur verið lýst yfir í landinu í kjölfar meiriháttar uppskerubrests. Uppskerubrestur og matvælaskortur í líkingu við ástandið nú hefur ekki verið í Gambíu í um 15 ár. Síðasta hrísgrjónauppskera, aðalfæða landsmanna, hrundi um nær 80% og aðaltekjulindin, jarðhneturækt, um nær 70%.

Þriðjungur of feitur í Fellaskóla

Mikill munur er á fjölda barna í ofþyngd eftir hverfum á höfuðborgarsvæðinu, samkvæmt könnun sem gerð var fyrir nokkrum árum á sextán þúsund börnum á grunnskólaaldri. Þetta kom fram í þætti Ingu Lindar Karlsdóttur, Stóru þjóðinni, á Stöð 2 í gærkvöldi.

Fundu sprautur í nágrenni leikskóla

Notaðar sprautunálar fundust við göngustíg í Hafnarfirði í gær. Í næsta nágrenni við fundarstaðinn eru leikskólinn Arnarberg, Iðnskólinn í Hafnarfirði og íþróttamiðstöðin Björk.

Sagnfræðirannsóknir í brennidepli

Íslenska söguþingið verður sett í kvöld og mun standa fram á sunnudag í húsakynnum Háskóla Íslands.

Fjárveitingar duga ekki fyrir viðhaldi

Bjarni Stefánsson hjá Vegagerðinni segir fjárveitingar í endurnýjun vegakerfisins ekki nægilegar til að sinna brýnum verkefnum. Vegagerðin eyðir rúmlega 600 milljónum í endurnýjun vega. Reykjavíkurborg eyðir 300 milljónum í götur.

Kvótafrumvarp gæti eyðilagt fiskmarkaðina

Samtök fiskframleiðenda og útflytjenda, sem sækja hráefni sitt að verulegu leiti á fiskmarkaði, óttast að ef frumvarp ríkisstjórnarinnar um stjórn fiskveiða verði að lögum, muni fiskmarkaðir leggist af.

Tveir ölvaðir stungu af frá ógreiddum reikningi á veitingahúsi

Tveir ölvaðir karlmenn fóru mikinn í miðborginni í gærkvöldi og byrjuðu á að stinga af frá ógreiddum reikningi á veitingahúsi.

Falun Gong í Kongens Have

Forseti Kína, Hu Jintao, mun heimsækja Danmörku í næstu viku. Meðlimir Falun Gong eru nú þegar byrjaðir að skipuleggja mótmæli í Kaupmannahöfn, nánar tiltekið í Kongens Have. Frá þessu er greint á vef danska dagblaðsins Politiken.

Örtröð í Reykjavíkurhöfn, mörg skip bíða eftir viðleguplássi

Örtröð er nú í gömlu Vesturhöfninni í Reykjavík og bíða mörg skip þess úti á sundum að komast inn.

Umræða um veiðigjald hefur staðið í fjóra daga

16 voru enn á mælendaskrá þegar umræðu veiðigjald var frestað á Alþingi um klukkan hálf tvö í nótt. Umræðan hefur nú staðið í fjóra daga.

Eldur í litlum handfærabát norður af Húsavík í nótt

Eldur kviknaði í vélarhúsi lítils handfærabáts norður af Húsavík um miðnætti.

Fyrsta skemmtiferðaskip sumarsins komið til Akureyrar

Fyrsta skemmtiferðaskip sumarsins kom til Akureyrar á sjöunda tímanum í morgun. Það heitir Arion og er fyrst margra slíkra skipa sem væntanleg eru til Akureyrar í sumar.

Rjúpu hefur fækkar um fjórðung milli ára

Rjúpu fækkar um nær allt land að því er fram kemur í talningu Náttúrufræðistofnunar Íslands í vor.

Fundu fíkniefni, landa, stera, rafbyssu og lifandi snáka

Lögreglan á höfuðborgarsvæðinu handtók karlmann á heimili hans í austurborginni í gærkvöldi vegna gruns um að hann stundaði fíkniefnasölu.

Ferðamönnum fjölgar áfram

Ríflega 45 þúsund ferðamenn fóru frá Íslandi um Leifsstöð í maímánuði, um átta þúsundum fleiri en í maí 2011 sem þó var metmánuður. Samkvæmt tölum Ferðamálastofu hefur ferðamönnum um Leifsstöð fjölgað um 20,7 prósent frá áramótum miðað við sama tíma í fyrra.

Segja fleiri dæmi um leyndarhjúp

Fulltrúar Sjálfstæðisflokks í minnihluta borgarstjórnar vilja að stjórn Orkuveitu Reykjavíkur (OR) geri opinberar fjárhæðir allra fjárfestinga, fjárframlaga og lána fyrirtækisins til Gagnaveitu Reykjavíkur ehf. og Línu.nets hf. Bókun þar að lútandi var lögð fram á síðasta fundi borgarstjórnar.

Cothran á batavegi

Keith Cothran, sem lék með Stjörnunni í körfuknattleik í vetur, er á batavegi eftir að hafa verið skotinn í höfuðið í síðustu viku. Hann er nú farinn að standa upp úr rúmi sínu og gengur um á spítalanum sem hann dvelur á. Læknar eru vongóðir um að hann nái sér að fullu.

Á annan veg endurgerð í Bandaríkjunum - Hollywood-stjarna í aðalhlutverki

"Það er búið að skjóta myndina en við getum ekki tjáð okkur um þetta fyrr en við fáum grænt ljós frá þeim í Bandaríkjunum," segir Davíð Óskar Ólafsson, einn af framleiðendum íslensku gamanmyndarinnar Á annan veg.

Þrýst á sjómenn að taka þátt í mótmælaaðgerðum

Útvegsmenn beita sjómönnum fyrir sig í kvótadeilunni og þrýst er á suma þeirra að taka þátt í mótmælaaðgerðum. Þetta segir formaður Sjómannasambands Íslands. Útgerðarmenn hafna þessu.

Að minnsta kosti einn hælisleitandi eldri en 18 ára

Niðurstöður úr aldursgreiningu á fimm hælisleitendum liggja nú fyrir. Lögmaður eins þeirra íhugar að kæra niðurstöðuna.

Vill gefa forsetaframbjóðendum frið

Í tæpa hálfa öld hefur Alþingi ávallt lokið störfum að minnsta kosti fjórum vikum fyrir forsetakosningar og stundum mun fyrr. Í dag eru hinsvegar tuttugu og fjórir dagar í forsetakjör og ekkert útlit fyrir að þingmenn komist að samkomulagi.

Hefur hótað lögmanninum áður

Tveir menn réðust inn á lögmannsskrifstofu við Lækjartorg í dag og veittust að eiganda hennar. Ofbeldismennirnir höfðu áður haft í hótunum við starfsfólkið.

Dani og Finnar skipta með sér 103 milljónum

Enginn Íslendingur var með 1. vinning í Víkingalottóinu í kvöld heldur skipta tveir Finnar og einn dani með sér um 103 milljónum króna. Einn Íslendingur var þó með fimm jókertölur í réttri röð og fær hann tvær milljónir í sinn hlut. Fimm voru með fjórar í réttri röð og fá þeir 100 þúsund krónur.

Guðbjartur deilir áhyggjum af svartri atvinnustarfsemi

Guðbjartur Hannesson, velferðarráðherra, deilir áhyggjum vinnumálastofnunar af svartri atvinnustarfsemi. Hann tekur undir athugasemdir Vinnumálastofnunar um að efla beri eftirlit og endurskoða löggjöf og segist munu fylgja þeim tillögum eftir.

Um einn ferkílómetri brann í Heiðmörk

Slökkvistörfum í Heiðmörk lauk fyrir stuttu. Slökkviliðsmenn eru enn á svæðinu við frágang og fylgjast um leið með því hvort eldurinn taki sig upp aftur.

Stal fötum fyrir hálfa milljón

Karlmaður um þrítugt var dæmdur í átta mánaða óskilorðsbundið fangelsi fyrir þjófnað og skjalafals í Héraðsdómi Reykjavíkur í dag. Hann var m.a. fundinn sekur um ítrekaðan þjófnað úr matvöruverslunum og að framvísa fölsuðum lyfseðli í lyfjaverslun. Í eitt skipti hafði hann svo tekið föt fyrir næstum hálfa milljón króna í fangið og hlaupið með út úr fatabúð. Það brot flokkaðist undir gripdeild sem þýðir að stela hlutum fyrir allra augum án þess að reyna að leyna afbrotinu.

Ráðist á starfsmann lögmannsstofu

Ráðist var inn á lögfræðistofu í Miðbæ Reykjavíkur um hálfþrjúleytið í dag. Tveir menn voru að verki og réðust þeir á starfsmann stofunnar. Þá höfðu þeir brotið og bramlað muni í stofunni. Á meðan á þessu stóð höfðu þeir í hótunum við starfsmanninn en voru farnir af staðnum þegar lögreglan kom. Ekki urðu meiðsl á fólki. Lögreglan veit hverjir voru að verki.

Vinnuvélarnar komnar í Kjálkafjörð

Langþráð vegarlagning á sunnanverðum Vestfjörðum hófst í gær þegar Suðurverk mætti með fyrstu vinnuvélarnar í Kjálkafjörð. Þegar verkinu lýkur eftir þrjú ár styttast holóttir malarkaflar milli Patreksfjarðar og Reykjavíkur úr 53 kílómetrum niður í 29 kílómetra. Þetta er langstærsta verk í vegagerð sem ráðist hefur verið í á Íslandi eftir hrun en vinnan mun standa næstu þrjú ár og kosta um þrjá milljarða króna. Vestfjarðavegur, milli Eiðis við Vattarfjörð og Þverár í Kjálkafirði, verður endurbyggður á 24 kílómetra kafla og styttur um 8 kílómetra með brúm og vegfyllingum yfir tvo firði, Kjálkafjörð og Mjóafjörð.

Fyrrverandi leiðtogi Vítisengla laus úr gæsluvarðhaldi

Einar "Boom“ Marteinsson var látinn laus úr gæsluvarðhaldi fyrir stundu. Hann hefur setið á Litla Hrauni síðan þrettánda janúar síðastliðinn, eða í tæpa fimm mánuði. Hann var ákærður fyrir að skipuleggja og eiga aðild að hrottalegri líkamsárás á konu um síðustu jól. Fimm aðrir voru ákærðir vegna málsins. Á meðan Einar sat í gæsluvarðhaldi hætti hann sem formaður Vítisengla. Samkvæmt skýrslu sem lögreglan vann um starfsemi Vítisengla var hann kosinn út í svokölluðu "Bad Standing“.

Sælir krakkar sóttu einkunnir sínar

Þau voru glöð krakkarnir í Hlíðaskóla þegar skólanum var slitið í dag. Framundan er sumarfrí með fjölmörgum ævintýrum, eins og vera ber. "Þau voru mjög spennt og þetta fór allt mjög vel fram,“ segir Kristrún Guðmundsdóttir skólastjóri. Hún segir að tveir árgangar hafi komið saman inni á sal skólans í einu og tekið á móti einkunnarspjöldum.

Mæðgin tekin fyrir framleiðslu fíkniefna

Kona á sextugsaldri hefur viðurkennt að hafa staðið að framleiðslu og sölu fíkniefna. Hún játaði sök við yfirheyrslu eftir að lögreglan hafði stöðvað kannabisræktun á heimili hennar í vesturbæ Reykjavíkur í síðustu viku en þar var einnig að finna talsvert af tilbúnu marijúana. Sonur konunnar var einnig yfirheyrður í þágu rannsóknarinnar en hann mun hafa komið að sölu fíkniefnanna. Konan, sem upplýsti að kannabisræktunin hefði staðið yfir í nokkurn tíma, var mjög ósátt með afskipti lögreglu og taldi að laganna verðir ættu frekar að einbeita sér að þeim sem væru stórtækir við framleiðslu og sölu fíkniefna. Sjálf væri hún ekki í þeim hópi.

Frábær þátttaka í ljósmyndaleik Vísis og Wow

Ljósmyndakeppni Vísis og WOW air fór af stað með látum um síðustu helgi. Á örfáum dögum hafa borist mörg hunduð myndir í keppnisflokkana þrjá og eins og sjá má á heimasíðu keppninnar hér á Vísi, visir.is/wow, eru margar þeirra líklegar til að ná langt.

Hraðbraut hættir starfsemi

Við blasir að starfsemi Menntaskólans Hraðbrautar verður hætt nú að skólaárinu loknu, í bili að minnsta kosti. Ólafur Johnson, skólastjóri Hraðbrautar, segir að reynt verði að aðstoða nemendur á fyrra námsári til að tryggja þeim skólavist annars staðar eins farsællega og kostur er. Sama eigi við um kennara og aðra starfsmenn Hrað­brautar sem margir hafi leitað á aðrar slóðir, með góðum árangri í flestum tilvikum.

Varna því að fólk kaupi of mikið sælgæti

Veggspjöld sem hjálpa neytendum við að kaupa ekki óhóflegt magn af sælgæti hafa verið sett upp í nokkrum Krónuverslunum. Fyrirtækið sýnir samfélagslega ábyrgð með verkefninu segir Steinar Aðalbjörnsson næringarfræðingur hjá Matís.

Stakk pilt ítrekað með brotinni glerflösku

Tveir tæplega tvítugir karlmenn voru handteknir á hátíðinni "Sjóaranum síkáta" í Grindavík um síðustu helgi, grunaðir um stórfelldar líkamsárásir í tveimur aðskildum málum. Annar þeirra var staðinn að því að berja mann á sextugsaldri með flösku. Í hinu tilvikinu stakk hinn meinti árásarmaður átján ára pilt nokkrum sinnum í handlegginn með brotinni glerflösku. Gerendurnir voru báðir fluttir á lögreglustöð þar sem skýrsla var tekin af þeim og var þeim sleppt að því loknu.

Rúmenar klárir í að halda EM | Ákvörðun tekin innan tveggja vikna

Evrópska handknattleikssambandið, EHF, greinir frá því að Rúmenar séu tilbúnir að halda Evrópumót kvenna í handknattleik í desember á þessu ári. Rúmenía er ellefta þjóðin að sögn EHF sem lýsir yfir áhuga sínum að halda mótið.

Fylgst verður með aðsetrum dæmdra kynferðisbrotamanna

Unnt verður að fylgjast með dvalarstað þeirra sem dæmdir hafa verið fyrir kynferðisbrot gegn börnum í framtíðinni. Barnaverndastofa mun sjá um eftirlitið og vinnur að verkferlum um það hvernig slíku eftirliti verður háttað. Þá stendur jafnframt til að breyta hegningarlögum þannig að unnt verði að dæma kynferðisbrotamenn til meðferðar. Barnaverndalögum var breytt í fyrra með slíka heimild í huga en Álfheiður Ingadóttir,

Samfylkingin frestar flokkstjórnarfundi vegna þingstarfa

Framkvæmdastjórn Samfylkingarinnar ákvað á fundi sínum í gær að fresta flokksstjórnarfundi sem boðaður var á föstudag og laugardag. Ástæðan er sú að störfum Alþingis er ekki lokið. Margrét Björnsdóttir, formaður framkvæmdastjórnar Samfylkingarinnar, segir í tölvupósti til flokkstjórnarmanna að eðlilegt sé að taka tillit til þess að þessi tuttugu manna hópur flokksstjórnarfulltrúa gæti verið við skyldustörf á sama tíma og flokksstjórnarfundur yrði haldinn. Stjórn flokksins var falið að finna nýja dagsetningu fyrir flokksstjórnarfundinn.

Fórnarlambinu á Hlemmi sárnar að vera kallað utangarðsmaður

Manninum sem öryggisvörður á Hlemmi gekk í skrokk á um síðustu helgi sárnar það að vera kallaður utangarðsmaður í netmiðlum. Hann ætlar að kæra öryggisvörðinn fyrir líkamsárás og fara í skaðabótamál gegn Strætó.bs.

Miklir gróðureldar í Heiðmörk

Miklir gróðureldar eru nú í Heiðmörk, skammt frá Maríuhellum. Slökkviliðið á höfuðborgarsvæðinu hefur óskað eftir liðsinni Landhelgisgæslunnar við starfið. Í slíku starfi eru notaður vatnspoki sem hangir úr þyrlunni.

Sigla til Reykjavíkur til að mótmæla

Tugir fiskiskipa munu á morgun sigla af landsbyggðinni og til Reykjavíkur til að mótmæla frumvörpum stjórnvalda um veiðigjöld og stjórn fiskveiða. LÍÚ stendur fyrir samstöðufundi klukkan 16:00 á Austurvelli.