Áfangaskýrslu um Guðmundar- og Geirfinnsmálið frestað

Starfshópi um Guðmundar- og Geirfinnsmál, sem innanríkisráðherra skipaði í október á síðasta ári, hefur verið veittur frestur til að skila áfangaskýrslu samkvæmt tilkynningu sem finna má á vef innanríkisráðuneytisins. Gert var ráð fyrir að hún lægi fyrir nú í aprílmánuði.

Fótboltamaður kærður fyrir nauðgun

Ung kona hefur kært íþróttamann fyrir nauðgun inni á salerni á veitingastaðnum Vegamótum í Reykjavík í síðasta mánuði að því er DV greinir frá.

Þvingaður til að flytja efnið inn

Þrír menn hafa verið dæmdir í þriggja og tveggja ára fangelsi fyrir smygl á tæpu kílói af mjög hreinu kókaíni. Þá var maður á áttræðisaldri dæmdur í 18 mánaða fangelsi fyrir að flytja efnið til landsins.

Ólafur Ragnar og Þóra með afgerandi forskot

Þóra Arnórsdóttir og Ólafur Ragnar Grímsson hafa afgerandi forskot á aðra sem lýst hafa yfir framboði til forseta. Gæti þýtt að Ólafur Ragnar leggi í harðari baráttu en ella segir stjórnmálafræðingur. Hann telur Þóru eiga meira inni þegar hún hefur kosningabaráttuna fyrir alvöru.

Elliðaárdalur: Hollvinasamtök stofnuð

Hollvinasaamtök Elliðaárdalsins voru stofnuð á fjölmennum fundi í Félagsheimili Orkuveitunnar í Elliðaárdal í gærkvöldi. Níutíu manns sóttu fundinn , sem efnt var til í kjölfar þess að á fundum hverfisráða Árbæjar og Breiðholts í haust, kom fram vilji til að stofna sérstök samtök til að standa vörð um dalinn.

Skipstjóri flutningaskips ætlaði að stytta sér leið

Starfsmenn í Vaktstöð siglinga og í Stjórnstöð Landhelgisgæslunnar höfðu í nótt afskipti af skipstjóra á erlendu flutningaskipi sem ætlaði að stytta sér leið og sigla svonefnda innri leið fyrir Garðskaga og inn á Faxaflóann.

Össur segir aðkomu ESB að Icesave ótengda viðræðum

Lagaprófessor segir aðkomu ESB að málarekstri ESA gegn Íslandi eðlilega í ljósi eðlis málsins. Formaður Framsóknarflokksins vill gera hlé á ESB-viðræðum. Utanríkisráðherra telur stöðu Íslands sterkari en áður.

Ólafur og Þóra hnífjöfn

Ómarktækur munur er á stuðningi við Þóru Arnórsdóttur og Ólaf Ragnar Grímsson samkvæmt könnun Fréttablaðsins. Bæði mælast með stuðning um 46 prósenta. Aðrir sem lýst hafa yfir framboði komast varla á blað.

Engin stjórn á umferð um friðland

Ráðgjafarnefnd um Dyrhólaey og Umhverfisstofnun hefur nú aðalumsjón með vinnu að verndaráætlun fyrir friðlandið umhverfis Dyrhólaey og er sú vinna komin í ábendinga- og athugasemdaferli. Lögð er áhersla á að ferlið sé opið og gagnsætt.

Endurskoða þarf fjárframlög

Ríkið verður að endurskoða fyrirkomulag opinberra fjárveitinga til háskóla landsins og skilgreina betur framlög til rannsókna í háskólum. Þetta er mat Ríkisendurskoðunar sem birt er í nýrri skýrslu um fjárveitingar ríkisins til háskólarannsókna.

Rax hlaut heiðursviðurkenningu

Ólafur Ragnar Grímsson, forseti Íslands, veitti í gær Trefjum ehf. útflutningsverðlaun forseta Íslands. Athöfnin fór fram á Bessastöðum og tók Auðun N. Óskarsson, framkvæmdastjóri Trefja, við verðlaununum.

Þóra Arnórs: Margir lenda í því að slást eftir ball

Þóra Arnórsdóttir, fjölmiðlakona og frambjóðandi til embættis forseta Íslands, segir að það sé ekkert að því að tala um líkamsárás sem Svavar Halldórsson, sambýlismaður hennar, var dæmdur fyrir þegar hann var 22 ára, á meðan sagt sé satt og rétt frá. Svavar hlaut tveggja mánaða skilorðsbundinn dóm fyrir líkamsárás.

Verki Ólafs Elíassonar á ólympíuleikunum aflýst

Forsvarsmenn ólympíuleikanna í London í sumar hafa afþakkað listaverk Ólafs Elíassonar, sem átti að vera eitt aðallistaverkið á leikunum. Ólafur átti að fá eina milljón punda fyrir verkið, eða um 200 milljónir króna. Fjölmiðlar í Bretlandi hafa margir gagnrýnt verkið og að skattgreiðendur þurfi að borga svona háa upphæð fyrir það eitt að taka djúpan andadrátt. En í verkinu átti fólk að anda inn og út fyrir hönd einstaklings, hreyfingar eða málstaðar og segja svo frá andardrættinum á heimasíðu. Búið var að samþykkja verkið en því hefur nú verið aflýst. Sérstök nefnd segir að verk Ólafs hafi breyst of mikið frá því hugmyndin af kynnt í upphafi. Sjá má umfjöllun breska blaðsins Daily Mail um verkið hér.

Köfunarslys í Silfru: Ástand kafarans eftir atvikum gott

Konan sem slasaðist við köfun í Silfru á Þingvöllum um klukkan eitt í dag liggur á gjörgæsludeild Landspítalans. Samkvæmt upplýsingum frá vakthafandi lækni fór hún háþrýstimeðferð í sérstökum þrýstiklefa eftir að hún kom á sjúkrahúsið með þyrlu Landhelgisgæslunnar í dag. Ástand hennar er eftir atvikum gott. Konan, sem er erlendur ferðamaður, er á miðjum aldri.

Priyanka komin með dvalarleyfi: "Það skín sól í hjarta mínu"

Priyanka Thapa hefur fengið dvalarleyfi hér á landi af mannúaðarástæðum en eftir að henni var synjað um dvalarleyfi fyrir um ári síðan var málið tekið upp aftur. "Draumar rætast eftir allt saman," segir Priyanka á Facebook-síðu sinni.

"Þetta er mikið afrek fyrir hvaða listmenn sem er"

Hljómsveitin Of Monsters and Men er búin að selja hljómplötur í Bandaríkjunum fyrir 60 milljónir króna en plata hennar situr nú í sjötta sæti bandaríska vinsældarlistins. Bandarískur umboðsmaður sveitarinnar segir þetta mikið afrek.

Barnaheill vill finna leið til þess að bæta tannheilsu íslenskra barna

Barnaheill – Save the Children á Íslandi vilja beina þeim tilmælum til yfirvalda, tannlækna og samfélagsins alls að sameinast um að finna leið út úr því öngstræti sem tannheilsa íslenskra barna er komin í. Þetta kemur fram í tilkynningu frá Barnaheill.

Íslenska lambakjötið ekki ódýrara en annað innflutt kjöt

Íslenskt lambakjöt er selt á sama verði og annað innflutt lambakjöt í Noregi. Þetta segir yfirmaður einnar af stærstu verslunakeðjum landsins.

Sigmundur Davíð: Rétt viðbrögð væru að gera hlé á viðræðum

Ísland ætlar ekki að mótmæla þátttöku framkvæmdastjórnarinnar í málarekstri ESA gegn Íslandi fyrir EFTA-dómstólnum. Formaður Framsóknarflokksins segi að rétt viðbrögð íslenskra stjórnvalda væru að gera hlé á aðildarviðræðum við ESB og lýsa vanþóknun á ákvörðun framkvæmdastjórnarinnar.

ESB stefndi sér í mál gegn Íslandi til að viðhalda trausti á regluverki

Talsmaður stækkunarstjóra hjá Evrópusambandinu segir að ákvörðun framkvæmdastjórnarinnar um að óska eftir því að ganga inn í mál ESA gegn Íslandi fyrir EFTA-dómstólnum hafi verið nauðsynleg til að viðhalda trausti á ESB-reglum um innistæðutryggingar. Hann segir að ákvörðunin hafi ekki bein áhrif á aðildarviðræður Íslands og ESB.

Viljayfirlýsingar komnar um þrjár þjónustuhafnir fyrir olíuborpalla

Olíudreifing hefur í samstarfi við stærsta þjónustufyrirtæki heims við olíuborpalla gert viljayfirlýsingar síðustu tvo daga um að hafnirnar á Reyðarfirði, Húsavík og Akureyri verði þjónustumiðstöðvar við olíuleit á Jan Mayen-hryggnum og við Austur-Grænland. Spáð er að fyrsti borpallurinn komi á Drekasvæðið eftir eitt ár til þrjú ár.

Kristín ætlar ekki í forsetaframboð

Kristín Ingólfsdóttir, rektor Háskóla Íslands, ætlar ekki að gefa kost á sér til embættis forseta Íslands en forsetakosningar fara fram í sumar.

Husky-hundurinn hefur verið aflífaður

Husky hundurinn sem drap kött í Dofraborgum í Grafarvogi fyrir um ári síðan hefur verið aflífaður. Þetta segir Árný Sigurðardóttir framkvæmdastjóri Heilbrigðiseftirlits Reykjavíkur. Hún segir eigendur hundsins hafa tekið ákvörðun um að aflífa hann.

Leita að Sigurði Brynjari

Lögreglan á Suðurnesjum lýsir eftir Sigurði Brynjari Jenssyni. Sigurður Brynjar er fæddur árið 1996 og er búsettur í Grindavík. Sigurður Brynjar sást síðast í Reykjavík síðdegis í gær. Sigurður Brynjar er þrekvaxinn og um 180 sm að hæð, ekki er vitað um klæðaburð. Þeir sem geta upplýst um hvar Sigurð Brynjar er að finna eru beðnir um að hafa samband við lögregluna á Suðurnesjum í síma 420-1800.

Eldri borgari segist hafa verið þvingaður til fíkniefnainnflutnings

Þrír karlmenn voru dæmdir í þriggja og tveggja ára fangelsi fyrir fíkniefnainnflutning í Héraðsdómi Reykjaness í dag. Sá sem hlaut þyngsta dóminn heitir Andri Þór Eyjólfsson fæddur 1987.

Telur ákvörðun ESA endurspegla veikleika í málflutningi stofnunarinnar

Össur Skarphéðinsson utanríkisráðherra telur að sú ákvörðun ESA, eftirlitsstofnunar EFTA, að fá framkvæmdastjórn Evrópusambandsins til liðs við sig í Icesave-málinu gegn Íslandi sýni að ESA telji sig ekki hafa jafn sterkan málstað og áður. Hann telur að framkvæmdastjórnin sé ekki að ögra Íslendingum með þessari ákvörðun.

Ákvörðun um lögbann frestað

Sýslumaðurinn í Reykjavík ákvað að fresta ákvörðun um lögbannskröfu Hagsmunasamtaka heimilanna og Talsmanns neytenda við því að Landsbankinn sendi út greiðsluseðla vegna gengistryggðra lána heimilanna og innheimti þá. Hagsmunasamtökin segja lögbannsbeiðnina réttmæta þar sem mikil óvissa sé um endurútreikninga á fyrrverandi gengislánum og ætla megi að fjöldi skuldara hafi ofgreitt af lánum sínum.

Ársfundur Landsvirkjunar í beinni

Eftirspurn eftir raforku úr endurnýjanlegum orkugjöfum hefur aukist verulega. Landsvirkjun hefur gert umfangsmikla greiningu á þeim tækifærum sem þessar breytingar skapa fyrir fyrirtækið og eigendur þess.

Martha Stewart hælir íslenska hestinum

Athafnakonan og sjónvarpsdrottningin Martha Stewart varð þeirrar ánægju aðnjótandi á dögunum að sitja íslenskan hest. Á bloggsíðu sinni segir hún frá því að hún sé þessa dagana að búa til sjónvarpsþátt um Ísland og hluti af Íslandi sé hinn einstaki íslenski hestur. Við fyrstu sín líti þessi litli hestur út eins og lítill krútthestur. En hann sé líka sterkur, hugaður og mjög hraður.

Ökumaður á svartri BMW bifreið hvattur til þess að gefa sig fram

Lögreglan á höfuðborgarsvæðinu óskar eftir vitnum að umferðarslysi sem varð á Reykjanesbraut í Reykjavík um ellefuleytið að kvöldi páskadags, sunnudaginn 8. apríl.

39 óku of hratt á Bæjarbraut í dag

Lögreglan myndaði umferðalagabrot 39 ökumanna á Bæjarbraut í Garðabæ í dag. Fylgst var með ökutækjum sem var ekið Bæjarbraut í austurátt, að Karlabraut. Á einni klukkustund, fyrir hádegi, fóru 107 ökutæki þessa akstursleið og því ók meira en þriðjungur ökumanna, eða 36%, of hratt eða yfir afskiptahraða.

Köfunarslys í Silfru

Tilkynning barst um köfunarslys í Silfru á Þingvöllum um klukkan tuttugu mínútur í eitt. Erlend kona um fimmtugt slasaðist við köfun. Hún andaði eftir slysið en var með skerta meðvitund. Þyrla Landhelgisgæslunnar sótti hana og verður hlúð að henni á slysadeild Landspítalans í Fossvogi. Silfra er einn vinsælasti köfunarstaður á Íslandi. Þar hafa orðið mjög alvarleg slys.

Ráðherra hafði afskipti af Arion banka vegna svínabús

Jón Bjarnason, þáverandi sjávarútvegs- og landbúnaðarráðherra, hafði ítrekað samband við Arion banka þegar unnið var að sölu á tveimur svínabúum á Kjalarnesi og reyndi með beinum hætti að koma í veg fyrir að bankinn seldi búin tvö til fyrirtækisins Stjörnugríss.

Lögbannskrafa tekin fyrir í dag

Lögbannsbeiðni á innheimtu fyrrverandi gengislána heimilanna verður tekin fyrir hjá Sýslumanni Reykjavíkur í dag. Hagsmunasamtök heimilanna og Talsmaður neytenda lögðu í lok síðasta mánaðar fram kröfu um að lögbann verði lagt við því að Landsbankinn sendi út greiðsluseðla vegna fyrrverandi gengislána og innheimti þá. Hagsmunasamtökin segja lögbannsbeiðnina réttmæta þar sem mikil óvissa sé um endurútreikninga á fyrrverandi gengislánum og ætla megi að fjöldi skuldara hafi ofgreitt af lánum sínum.

Þorskárgangurinn sá stærsti frá 1985

Þorskárgangurinn frá því í fyrra er sá stærsti sem mælst hefur frá því árið 1985, samkvæmt mælingum Hafrannsóknastofnunar. Svonefnd stofnvísitala þorsksins hækkaði líka, fimmta árið í röð og hefur ekki verið hærri í 25 ár.

Ólafur Harðarson í framkvæmdastjórn Evrópusamtaka stjórnmálafræðinga

Ólafur Þ. Harðarson, forseti Félagsvísindasviðs, hefur verið kjörinn í framkvæmdastjórn (executive committe) Evrópusamtaka stjórnmálafræðinga, European Consortium for Political Research (ECPR) til næstu sex ára. Ólafur varð þriðji í röð 14 frambjóðenda, en að þessu sinni voru átta kosnir í framkvæmdastjórnina.

Mikil sprenging við Stapafell - myndir

Landhelgisgæslunni barst snemma í morgun tilkynning frá togveiðiskipinu Sóleyju Sigurjóns sem fengið hafði dufl í veiðarfærin um 20 sjómílur vestur af Reykjanestá. Ákveðið var að senda sprengjusérfræðinga um borð með þyrlu Landhelgisgæslunnar en þegar komið var að skipinu reyndist ekki mögulegt að síga um borð vegna mikillar ölduhæðar.

Fagna nefnd sem mótar stefnu um lagningu raflína í jörð

Bæjarráð Sandgerðisbæjar fagnar því að skipuð hafi verið nefnd til að móta stefnu um lagningu raflína í jörð og þau sjónarmið sem taka ber mið af hverju sinni um ákvarðanir þar um. Þetta kemur fram í bókun bæjarráðs Sandgerðisbæjar vegna þingsályktunartillögu iðnaðarráðherra um mótun stefnu um lagningu raflína í jörð.

Stjórnvöld munu ekki koma í veg fyrir mótmæli

Stjórnvöld munu ekki gera neinar tilraunir til þess að koma í veg fyrir mótmæli þegar Wen Jiabao, forsætisráðherra Kína, kemur til landsins. Þetta segir Jóhanna Sigurðardóttir forsætisráðherra á Facebooksíðu sinni.

Greinagerðum skilað í lífeyrissjóðsmálinu

Lögmenn skiluðu greinagerðum í fyrirtöku í máli ríkissaksóknara gegn fimm stjórnarmönnum í stjórn Lífeyrissjóðs starfsmanna Kópavogsbæjar og þáverandi stjórnarformanni sjóðsins, sem var Gunnar I. Birgisson, þá bæjarstjóri, nú bæjarfulltrúi í Kópavogi. Málið var tekið fyrir í Héraðsdómi Reykjaness í morgun.

Segir málaferlin og aðildarumsóknina vera aðskilin mál

Magnús Orri Schram, þingflokksformaður Samfylkingarinnar, segir að aðildarumsóknin að Evrópusambandinu og málaferlin fyrir EFTA dómstólnum séu tvö aðskild mál sem ekki eigi að blanda saman. Stjórnarandstæðingar fullyrtu í gær að aðildarviðræðum við Evrópusambandið væri nánast sjálfhætt eftir að RÚV greindi frá því að framkvæmdastjórn Evrópusambandsins hefði óskað eftir aðild að málaferlunum gegn Íslandi í Icesave málinu.

Pottur gleymdist á eldavél

Eldur kom upp í fjölbýlishúsi í Mörkinni 8 nú rétt eftir klukkan níu í morgun. Þar hafði pottur gleymst á eldavél. Slökkviliðið var sent á staðinn en um minni eld var að ræða en óttast var í fyrstu.

Akureyrarlögreglan ræður ekki við álagið

Fjögur vopnuð rán hafa verið framin á Akureyri á þessu ári. Fíkniefnaneysla hefur aukist mikið. Lögreglan á erfitt með að mæta álaginu sökum manneklu. Bæjarstjóri vill kalla eftir samanburðartölum um þróun glæpa á landinu öllu.

Tillagan samþykkt samhljóða

Tillaga um að farið verði strax í nauðsynlegar aðgerðir til að takmarka hraðakstur í Ánanaustum, Grandatorgi, Hólmaslóð, Mýrargötu og nágrenni var samþykkt samhljóða í umhverfis- og samgönguráði Reykjavíkurborgar á þriðjudag. Tillagan var flutt af Gísla Marteini Baldurssyni og Hildi Sverrisdóttur úr Sjálfstæðisflokki.

Ríkissaksóknari rannsakar leka

Ríkissaksóknari rannsakar nú hvort yfirvöld hafi lekið málsgögnum úr hrottalegu líkamsárásarmáli til fjölmiðla. Ástæðan er umfjöllun DV um mál sem kennt hefur verið við Hells Angels í fjölmiðlum.