Skipstjóri flutningaskips ætlaði að stytta sér leið

Starfsmenn í Vaktstöð siglinga og í Stjórnstöð Landhelgisgæslunnar höfðu í nótt afskipti af skipstjóra á erlendu flutningaskipi sem ætlaði að stytta sér leið og sigla svonefnda innri leið fyrir Garðskaga og inn á Faxaflóann.

Stór skip eiga hinsvegar að sigla ytri leiðina samkvæmt reglugerð sem sett var eftir að flutningaskipið Wilson Muga strandaði við Garðskaga fyrir nokrum árum. Skipstjórinn hlýddi fyrirmælum í nótt og beygði út á ytri leiðina.

Innri leiðin freistar hinsvegar sumra skipstjóra, því hún sparar tveggja klukkustunda siglingu.