Enn skelfur jörð undir Eyjafjallajökli

Enn skelfur undir Eyjafjallajökli og hafa síðustu klukkutíma orðið á bilinu 20 til 30 jarðskjálftar á klukkustund, að sögn Steinunnar Jakobsdóttur jarðeðlisfræðings á Veðurstofu Íslands. Hún segir að enginn skjálftanna hafi náð stærðinni tveir á Richter.

Forstjóri Flugstoða verður prófessor

Þorgeir Pálsson, forstjóri Flugstoða, tekur við stöðu prófessors í flugleiðsögutækni við tækni- og verkfræðideild Háskólans í Reykjavík, þegar hann lætur af starfi forstjóra Flugstoða í lok apríl. Hann verður jafnframt starfsmaður Flug-Kef ohf., hins nýja sameinaða fyrirtækis, sem tekur við starfsemi Flugstoða og Keflavíkurflugvallar.

Undirrituðu samkomulag um Landsmót hestamanna

Hestamannafélagið Fákur og Landssamband hestamannafélaga undirrituðu í dag samstarfssamning um að Landsmót hestamanna árið 2012 verði haldið á félagssvæði Hestamannafélagsins Fáks í Reykjavík.

Lögreglumenn lýsa yfir þungum áhyggjum

Lögreglufélag Þingeyinga lýsir yfir þungum áhyggjum og megnri óánægju með seinagang og áhugaleysi í samningaviðræðum samninganefndar ríkisins við Landssamband lögreglumanna. Þetta kemur fram í ályktun sem samþykkt var á aðalfundi félagsins fyrr í dag.

ASÍ skoðar vinnulag bankanna

Á síðasta fundi miðstjórnar Alþýðusambands Íslands var ákveðið að skipa tvo þriggja manna starfshópa, auk sérfræðinga sambandsins, sem fara munu í saumana á aðkomu bankanna að endurskipulagningu á fjárhag heimila og fyrirtækja. Frá þessu er greint á vef ASÍ.

Tæplega 11 þúsund búnir að kjósa

Skömmu eftir klukkan þrjú dag höfðu 10.614 greitt atkvæði utan kjörfundar í þjóðaratkvæðagreiðslunni um Icesave lögin. Þar af höfðu 6525 greitt atkvæði í Laugarhaldshöllinni, að sögn Bergþóru Sigmundsdóttur deildarstjóra hjá Sýslumanninum í Reykjavík. Meira en hálftíma biðröð myndaðist seinnipartinn í dag við Laugardalshöllina en það er svipað því sem verið hefur undanfarin ár.

Frumvarp um hópmálsóknir verði afgreitt sem fyrst

Neytendasamtökin telja brýnt að frumvarp sem heimilar hópmálsóknir fái skjóta meðferð á Alþingi. Þingmenn allra flokka standa að frumvarpinu sem vísað var til annarrar umræðu í gær. Neytendasamtökin hafa á undangegnum árum vakið athygli á því að hér á landi skorti heimild til hópmálsóknar og því vona samtökin að frumvarpið verði að lögum sem fyrst.

Handrukkarar dæmdir í 15 mánaða fangelsi

Héraðsdómur Reykjavíkur dæmdi Brynjar Loga Þórisson og Mikael Má Pálsson í 15 mánaða fangelsi í dag fyrir húsbrot, rán, eignaspjöll og tilraun til fjárkúgunar þegar þeir réðust inn á heimili manns í Reykjanesbæ í febrúar 2009. Þar ógnuðu þeir manninum með hníf og hótuðu honum stórfelldum líkamsmeiðingum yrði hann ekki við kröfum þeirra um peningagreiðslu vegna fíkniefnaskuldar hans.

Fannst látinn sunnan við Hveragerði

Maðurinn sem saknað var frá dvalarheimilinu Ási í Hveragerði og björgunarsveitarmenn leituðu að í nótt og í morgun fannst látinn sunnan við Hveragerði á ellefta tímanum í morgun. Talið er að hann hafi orðið úti, að sögn lögreglunnar á Selfossi.

Óvissustigi lýst yfir

Vegna aukinnar virkni í Eyjafjallajökli hafa almannavarnir ákveðið að virkja viðbragðsáætlun á fyrsta háskastigi, svokölluðu óvissustigi, sem einkennist af atburðarás sem er hafin og ætla má að geti leitt til þess að öryggi fólks og/eða byggðar sé stefnt í hættu. Þetta kemur fram í tilkynningu frá almannavarnadeild ríkislögreglustjóra. Vísindamannaráð almannavarna fundaði um málið í hádeginu.

Ekkert lát á skjálftahrinunni

Mælir við rætur Eyjafjallsjökuls í landi Þorvaldseyrar, sýnir að land hefur hækkað um fimm sentímetra frá áramótum. Ekkert lát er á skjálftahrinunni í jöklinum, sem staðið hefur í hálfan annan sólarhring, og er skjálftatíðnin sú mesta sem mælst hefur til þessa. Viðbragðshópar Almannavarna sitja nú á fundi um málið.

Formenn stjórnarflokkanna kjósa ekki

Íslendingar hafa ekki efni á að það dragist á langinn að ná nýjum samningum um Icesave að mati formanna stjórnarflokkanna. Hvorugur þeirra ætlar að kjósa í þjóðaratkvæðagreiðslunni en segja að með því séu þau ekki að skora á fólk að mæta ekki á kjörstað.

Flóahreppur stefnir Svandísi vegna Urriðafossvirkjunar

Sveitarstjórn Flóahrepps hefur samþykkt að höfða mál gegn Svandísi Svavarsdóttur umhverfisráðherra til að ógilda ákvörðun hennar um að hafna skipulagi Urriðafossvirkjunar. Sveitarstjórinn segir ráðherrann hafa vanvirt skipulagsvald sveitarfélaga.

Samninganefndin kemur heim í dag

Samninganefnd Íslands kemur heim frá London í dag, eftir því sem fram kemur í tilkynningu frá fjármálaráðuneytinu.

Lýsa yfir miklum áhyggjum vegna boðaðs verkfalls

Samtök ferðaþjónustunnar lýsa yfir miklum áhyggjum vegna boðaðra verkfallsaðgerða íslenskra flugumferðarstjóra. Ef verkfallsaðgerðir þessar koma til framkvæmda munu þær trufla alvarlega flug til og frá landinu með miklum skaða fyrir flugfélög og ferðaþjónustuna í heild, að mati samtakanna.

Breytt viðmið við mat á umsóknum um dvalar- og búsetuleyfi

Útlendingastofnun mun héðan í frá byggja mat á viðmiðum um trygga framfærslu umsækjenda um dvalar- og búsetuleyfi á heildartekjum fyrir staðgreiðslu. Þetta er niðurstaða á endurskoðun Útlendingastofnunar á reikniaðferð sinni

Síbrotamenn fengu skilorð

Tveir síbrotamenn voru dæmdir í Héraðsdómi Suðurlands í morgun fyrir fjölmörg brot, meðal annars innbrot og þjófnað.

Ný ríkisstjórn skrifuð í skýin

Þór Saari, þingmaður Hreyfingarinnar, telur að komið sé að leiðarlokum hjá Jóhönnu Sigurðardóttur, forsætisráðherra, og Steingrími J. Sigfússyni, fjármálaráðherra. Þau hafi framið pólitískt sjálfsmorð í Icesave málinu. Hann segir að ný ríkisstjórn sé skrifuð í skýin.

Pálmi sér eftir mannorðinu - voru í typpakeppni

Pálmi Haraldsson, fyrrverandi eigandi Fons, segist bera ábyrgð á efnahagshruninu en að stærsti sökudólgurinn sé hið opinbera. Hann viðurkennir að hafa tekið þátt í siðferðilega vafasömum viðskiptum en að hann hafi ekki framið nein lögbrot. Pálmi segist sjá eftir mannorði sínu. Þetta kemur fram í viðtali við hann í DV í dag. Hann segir að umsvifamiklir fjárfestar hafi verið í „typpakeppni.“

Stjórnvísi afhenti verðlaun

Fjórir fengu afhent stjórnunarverðlaun Stjórnvísi sem veitt voru í fyrsta sinn í gær. Markmið verðlaunanna er að vekja athygli á framúrskarandi starfi hins almenna stjórnenda og hvetja hann til áframhaldandi faglegra vinnubragða og árangurs á öllum sviðum stjórnunar og rekstrar.

Hvergerðingar svipist um eftir Jónasi

Björgunarsveitir fyrir austan fjall og af höfuðborgarsvæðinu voru kallaðar út rétt eftir miðnætti í gærkvöld til leitar að karlmanni á sextugsaldri sem saknað er frá dvalarheimilinu Ási í Hveragerði.

Enn skelfur undir Eyjafjallajökli

Jarðskjálfti upp á rúmlega þrjá á Richter varð undir Eyjafjallajökli á sjöunda tímanum í morgun, en hingað til hafa skjálftarnir verið undir tveimur á Richter í skjálftahrinunni sem staðið hefur í rúman sólarhring. Tíðni skjálftanna er sú mesta sem mælst hefur á þessum slóðum.

Sex verið teknir í stóru fíkniefnamáli

Handtaka tæplega sjötugs burðardýrs fíkniefna á Keflavíkurflugvelli í febrúar hefur leitt til þess að fimm manns til viðbótar hafa verið handteknir. Lögregla telur málið tengjast umfangsmiklum fíkniefnainnflutningi og sölu fíkniefna, meðal annars á Akureyri.

Samgöngumiðstöð af stað í sumar

Gangi allt eftir geta framkvæmdir vegna samgöngumiðstöðvar í Vatnsmýri hafist í sumar. Hún mun standa við Hótel Loftleiðir. Möguleiki verður á tengingu á milli húsanna í framtíðinni.

Hlutafélög hlífa fólki ekki við skattskyldu

Skattskylda af niðurfellingum persónulegra ábyrgða fyrrverandi starfsfólks Kaupþings nær jafnt til þeirra sem tóku lán til hlutabréfakaupa í bankanum á eigin kennitölu og þeirra sem stofnuðu sérstakt einkahlutafélag utan um skuldina. Þetta er meðal niðurstaðna í áliti Ríkisskattstjóra sem sent var Arion banka í þarsíðustu viku.

Jóhanna ætlar að sitja heima

Jóhanna Sigurðardóttir forsætisráðherra ætlar ekki að taka þátt í þjóðaratkvæðagreiðslunni um Icesave á morgun.

Skoðaði þátt fjölmiðla í efnahagshruninu

Þrjú hundruð blaðsíðna skýrsla vinnuhóps sem leitaði svara við því hvort skýringar á falli íslensku bankanna mætti að einhverju leyti finna í starfsháttum og siðferði er tilbúin og á leið í prentun. Vilhjálmur Árnason prófessor leiddi hópinn en hann flytur erindið Siðferðileg greining bankahrunsins í málstofunni Hrunið, skýrslan, siðferði og hugmyndafræði á Hugvísindaþingi Háskóla Íslands.

Tíu þúsund tonn af loðnu á dagparti

Heimamenn í Vestmannaeyjum höfðu það á orði á miðvikudag að stemningin við höfnina „væri eins og í gamla daga“, þegar sjö loðnuskip komu þar til löndunar á fáeinum klukkutímum. Afli skipanna var áætlaður um tíu þúsund tonn og fór allur í hrognatöku fyrir Japansmarkað.

Synjun styrkir samningsstöðuna

Það er nauðsynlegt að fella Icesave-lögin frá því í desemberlok úr gildi í þjóðaratkvæðagreiðslunni á morgun. Við það styrkist samningsstaða Íslands.

Höfum gengið inn í hreinsunareldinn

„Við Íslendingar höfum gengið inn í hreinsunareldinn,“ sagði Katrín Júlíusdóttir iðnaðarráðherra á Iðnþingi Samtaka iðnaðarins í gær. „Við höfum þegar gripið til harkalegs niðurskurðar og hækkað skatta til þess að rétta við skuldir ríkissjóðs. Við höfum gert upp gömlu bankana í sátt við lánardrottna þeirra og komið þeim í starfhæft form. Við erum að gera upp við orsakir bankahrunsins á vettvangi Alþingis og dómstóla.“

Fólk kjósi ef vill eða sitji heima ef vill

„Við skulum láta fólkið í landinu hafa það eins og það vill. Kjósa ef það vill eða sitja heima ef það vill,“ sagði Steingrímur J. Sigfússon fjármálaráðherra á Alþingi í gær. Þar var hann krafinn svara um þjóðaratkvæðagreiðslu morgundagsins um Icesave-lögin.

85 ökumenn sektaðir á Sæbrautinni

Brot 85 ökumanna voru mynduð af lögrelgunni á höfuðborgarsvæðinu á Sæbraut í Reykjavík í gær.

Guðbjarni búinn að gefa sig fram

Pólstjörnumaðurinn Guðbjarni Traustason gaf sig fram til lögreglunnar á Selfossi í kvöld. Hans hefur verið leitað síðan á laugardaginn en þá hafði hann verið í dagsleyfi og skilaði sér ekki til baka á Litla Hraun. Grunur lék á að hann hefði yfirgefið landið en svo virðist ekki vera.

Vill opinbera rannsókn á risaláni ríkisins til VBS Fjárfestingabankans

Fyrrum þingmaður Sjálfstæðisflokksins, Jón Magnússon, vill opinbera rannsókn á lánum ríkisins til VBS Fjárfestingabankans. Á bloggsíðu sinni skrifar Jón að eðlilegt sé að fram fari opinber rannsókn á því sem hann kallar milljarðafyrirgreiðslum Steingríms J. Sigfússonar, fjármálaráðherra.

Viðbragðshópar kallaðir saman vegna Eyjafjallajökuls

Viðbragðshópar Almannavarna og eldgosadeildar Veðurstofunnar hafa verið kallaðir saman, vegna mikils óróa undir Eyjafjallajökli. Hundruð skjálfta hafa verið undir jöklinum undanfarinn sólarhring.

Pólitískt líf Steingríms hangir á bláþræði

Pólitískt líf Steingríms J. Sigfússonar, fjármálaráðherra, kann að vera á enda fari svo að ekki náist samningar við Breta og Hollendinga fyrir þjóðaratkvæðagreiðslu á laugardag. Algjör pattstaða er nú í málinu ytra og engir fundir verið boðaðir. Stjórnarkreppa gæti blasað við.

Flugstoðir: Heildarlaun flugumferðastjóra tæp milljón

Heildarlaun flugumferðarstjóra eru ríflega 900.000 þúsund krónur á mánuði að meðaltali en ekki 550-630 þúsund eins og kemur fram í Morgunblaðinu fimmtudaginn 4. mars, þetta kemur fram í tilkynningu sem Flugstoðir sendu frá sér vegna frétta um launakostnað flugumferðastjóra.

Össur fundaði með utanríkisráðherra Þýskalands um ESB

Össur Skarphéðinsson, utanríkisráðherra, átti í dag fund með Guido Westerwelle, utanríkisráðherra Þýskalands, í Berlín.

Fimmtán mánaða fangelsi fyrir kynferðisbrot gegn átta ára stúlku

Hæstiréttur dæmdi í dag karlmann í 15 mánaða fangelsi fyrir kynferðisbrot gegn stúlku sem var átta ára gömul þegar brotin voru framin. Honum var gefið að sök að hafa þuklað kynfæri hennar innan og utan klæða og var hann sakfelldur fyrir það. Honum var einnig gefið að sök að hafa sleikt kynfæri stúlkunnar og stungið fingri inn í leggöng hennar en Hæstiréttur sýknaði manninn af þeim ásökunum. Maðurinn játaði fyrri brotin en neitaði hinum seinni staðfastlega.

Iðnaðarráðherra: Rúm fyrir stórframkvæmdir

Brýnasta viðfangsefnið um þessar mundir er að koma stórum verkum og smáum á skrið fyrir vorið til þess að bæta atvinnuástandið. Í hagkerfinu er rúm fyrir stórframkvæmdir á næstu misserum. Þetta var meðal þess sem kom fram í ræðu Katrínar Júlíusdóttur, iðnaðarráðherra, á Iðnþingi í dag.

Dagar sjálfstæðrar peningamálastefnu liðnir

Ég tel að dagar sjálfstæðrar peningamálastefnu séu liðnir, sagði Illugi Gunnarsson, þingmaður Sjálfstæðisflokksins, í umræðum um peningamálastefnu Seðlabankans á Alþingi í dag. Illugi segist telja að Seðlabanki Ísands geti ekki sett vaxtastig sitt eins og honum henti þegar búið sé að opna fyrir frjálst flæði fjármagns.

Borgarfulltrúar koma Sigrúnu Elsu til varnar

Borgarfulltrúar Samfylkingarinnar telja að umfjöllun fjölmiðla um ferðakostnað Sigrúnar Elsu Smáradóttur, borgarfulltrúa flokksins, í janúar hafi verið ósanngjörn og tekinn úr öllu samhengi. Þetta kemur fram í yfirlýsingu frá borgarfulltrúnum.

Endurreisninni haldið í gíslingu

Ungir jafnaðarmenn hvetja til lausnar Icesave málsins og benda á þann kostnað sem hlotist hefur af frestun málsins frá áramótum sem ekki sjái enn fyrir endann á.

Ólafur F.: Ég náði að stöðva spillinguna

„Þetta er mikill sigur fyrir mín sjónarmið í deilunni um lóð fyrir Ungmennafélag Íslands við Tryggvagötu, segir Ólafur F. Magnússon, borgarfulltrúi.

Kanna áhrif niðurskurðar á líðan lækna

Allir starfandi læknar fengu í gær sendan spurningalista í tengslum við rannsókn á áhrifum niðurskurðar á líðan lækna hér á landi. Umfangsmikil langtímarannsókn í Noregi leiddi í ljós að þarlendir læknar eru óánægðari með lífið en aðrir starfshópar. Þeir eru einnig í mun meiri hættu á að fremja sjálfsvíg og misnota áfengi og lyf.