Samninganefndin kemur heim í dag

Samninganefnd Íslands kemur heim frá London í dag, eftir því sem fram kemur í tilkynningu frá fjármálaráðuneytinu.

Ráðuneytið segir að síðustu þrjár vikur hafi farið fram viðræður milli samninganefndar Íslands og stjórnvalda í Bretlandi og Hollandi um lausn Icesave-málsins. Viðræður hafi verið uppbyggilegar og miðað að því að finna lausn sem allir málsaðilar geti sætt sig við.

Fjármálaráðuneytið segir að Ísland sé áfram reiðubúið til áframhaldandi viðræðna og standi vonir til þess að þær geti hafist að nýju í næstu viku