Flugstoðir: Heildarlaun flugumferðastjóra tæp milljón

Heildarlaun flugumferðarstjóra eru ríflega 900.000 þúsund krónur á mánuði að meðaltali en ekki 550-630 þúsund eins og kemur fram í Morgunblaðinu fimmtudaginn 4. mars, þetta kemur fram í tilkynningu sem Flugstoðir sendu frá sér vegna frétta um launakostnað flugumferðastjóra.

Í Fréttablaðinu þann 24. febrúar sl. er haft eftir formanni samninganefndar FÍF að byrjunarlaun flugumferðarstóra séu 300 þúsund krónur á mánuði og þar ofaná reiknist vaktaálag.

Í sömu frétt kom fram að 59 ára flugumferðarstjóri gæti verið með 570 þúsund krónur fyrir dagvinnu.

Flugstoðir árétta að laun flugumferðarstjóra eru alltaf samsett úr föstum grunnlaunum og föstu vaktaálagi og því misvísandi að tala um grunnlaun í þessu sambandi.

Þá segir í tilkynningunni að hið rétta er að laun án yfirvinu eða annarra aukagreiðslna hjá 59 ára gömlum flugumferðarstjóra eru rúmlega kr. 800.000.

Svo segir í lok tilkynningarinnar: „Það er ekki venja Flugstoða að fjalla um laun starfsmanna sinna en vegna misvísandi upplýsinga sem birst hafa í fjölmiðlum að undanförnu sér fyrirtækið sig knúið að leiðrétta þessar rangfærslur."

Þess má geta að tölurnar í Morgunblaðinu eru frá flugumferðarstjórum komnar.

Flugumferðastjórar og Flugstoðir eiga í kjaraviðræðum þessa daganna. Að óbreyttu stefna flugumferðarstjóra á verkfall sem hefst 10. mars.