Innbrot í MH og bíla

Brotist var inn í Menntaskólann við Hamrahlíð í nótt en óljóst er á þessari stundu hvort einhverju hafi verið stolið.

Lýst eftir 17 ára stúlku

Lögreglan á Suðurnesjum lýsir eftir 17 ára gamalli stúlku Aleksöndru Rós Jankovic. Ekki er vitað hvar hún heldur sig en talið er að hún sé á höfuðborgarsvæðinu.

Ökuníðingur yfirheyrður í dag - myndband

Maður á stórum jeppa gekk berserksgang á götum Reykjavíkur í gærkvöldi og ók hann meðal annars á dyr slökkvistöðvarinnar í Skógarhlíð.

Hálfur milljarður í Hallgrímskirkjuturn

Viðgerðir á turni Hallgrímskirkju stefna nú í að kosta nær tvöfalt meira en upphaflega var talið. Reykjavíkurborg og ríkið eru beðin að auka framlag sitt til endurbótanna.

Segir Gunnar Birgisson hafa blekkt FME

„Eftir að stjórnin var kærð fyrir villandi upplýsingagjöf, á föstudaginn var, fór ég ítarlega yfir öll gögn í málinu. Þá kom í ljós að út- og afborgunum á lánum til Kópavogsbæjar hefur með vísvitandi hætti verið hagað þannig að gögn um þær komu ekki fram í skýrslum til Fjármálaeftirlitsins,“ segir Flosi Eiríksson, bæjarfulltrúi Samfylkingarinnar og stjórnar-maður í Lífeyrissjóði starfsmanna Kópavogs (LSK). Í yfirlýsingu sem Flosi sendi frá sér í gær sakar hann Gunnar I. Birgisson, stjórnarformann sjóðsins, um að hafa reynt að villa um fyrir Fjármálaeftirlitinu (FME) án vitneskju annarra stjórnarmanna í sjóðnum.

Íslendingar koma um helgar

Stöðugur straumur erlendra ferðamanna er á helstu ferðamannastaðina og eru þeir fleiri nú en í fyrra. Búist er við að enn fleiri leggi land undir fót síðar í sumar.

Barði pilt í höfuðið með grjóti

Tæplega tvítugur piltur hefur verið dæmdur í fangelsi í einn mánuð, skilorðsbundið, fyrir að berja annan pilt í höfuðið með steinhnullungi. Atvikið átti sér stað í Fjölbrautaskóla Suðurlands í febrúar.

Útiveran víkkar sjóndeildarhringinn

„Nú sem aldrei fyrr er nauðsynlegt að hlúa að heilbrigði og virkni allra barna og fjölskyldna og með stofnun þessa nýja félags leggur Ferðafélag Íslands sitt lóð á vogarskálarnar,“ segir í tilkynningu frá Ferðafélagi Íslands sem stofnar Ferðafélag barnanna við rætur Esju í dag.

Keyrði á lögreglubíl og slökkiviliðsstöðina í Skógarhlíð

Eltingarleik lögreglu við mann á svörtum Cherokee jeppa lauk við planið fyrir aftan lögreglustöðina á Hverfisgötu fyrir um 40 mínútum síðan. Hann hafði þá stórskemmt lögreglubíl sem hann keyrði á, auk þess sem hann hafði gert tilraun til að keyra inn í samskiptamiðstöð lögreglunnar við Skógarhlíð 16.

Flosi Eiríksson: Hefði viljað sjá afdráttarlausari viðbrögð

„Hann hefur ekki játað neinar yfirsjónir af sinni hálfu,“ segir Flosi Eiríksson, bæjarfulltrúi Samfylkingarinnar í Kópavogi um Gunnar I. Birgisson. Flosi jánkar því aðspurður í samtali við fréttastofu að hann hefði viljað sjá afdráttarlausari viðbrögð frá Gunnari en að hann taki sér tímabundið leyfi frá störfum.

Kræklingarækt verði græn stóriðja

Kræklingarækt á eftir að verða græn stóriðja við Ísland og gæti skapað mörghundruð störf. Þetta staðhæfir einn þeirra sem eru byrjaðir og segir aðstæður hérlendis afar góðar.

Prjónum úti dagurinn haldinn hátíðlegur

Prjónandi fólk hélt í litla skrúðgöngu í dag frá Nálinni á Laugavegi í tilefni af Prjónum úti deginum sem ku haldinn hátíðlegur víða á byggðu bóli. Heldur bættist í hópinn við Norræna húsið þar sem hópur kvenna og karls sat við prjónaskap, hló og fagnaði lífsstíl prjónara.

David Lynch gaf íhugunarfélaginu 13 milljónir

Bandaríski kvikmyndaleikstjórinn og framleiðandinn David Lynch hefur gefið Íslenska íhugunarfélaginu 13 milljónir íslenskra króna. Um 600 manns hafa skráð sig hjá félaginu á rúmum mánuði og nýjar höfuðstöðvar hafa verið teknar í notkun.

Getum grætt á lifandi humri

Niðurstöður rannsókna Háskóla Íslands og Vinnslustöðvarinnar í Vestmannaeyjum benda til að hægt sé að stórauka verðmætasköpun í humarvinnslu með því að flytja meira út af lifandi humri.

Fluttu í leit að betra lífi

Ung fjögurra manna fjölskylda flutti úr landi í morgun í von um betra líf í Noregi eftir að hafa gefist upp á samskiptum við banka sinn. Fjölskyldan réði ekki við greiðslubyrði sína og segir bankann hafa hafnað eina kaupandanum sem vildi taka yfir lánin.

Bílvelta innanbæjar á Akranesi

Bíll valt innanbæjar í grennd við bensínstöð N1 á Akranesi fyrir um 30 mínútum. Að sögn lögreglu reyndi bíllinn að sveigja hjá öðrum bíl, lenti á ljósastaur og valt af þeim sökum. Ökumaðurinn reyndist ekki slasaður og er ekki grunaður um ölvun. Bíllinn er mikið skemmdur

Ísland ódýrast í heimi

Ísland er ódýrasta land heims fyrir Breta, að því er kemur fram í nýrri skýrslu bresku póstþjónustunnar um ódýra áfangastaði. Það er að sögn fyrirtækisins vegna þess að Ísland er eini ferðamannastaður heims, auk Jamaíka, Ungverjalands og Póllands, þar sem breska pundið hefur styrskt, en ekki veikst.

Framkvæmdastjóri SI: Verktökum blæðir út

Framkvæmdastjóri Samtaka iðnaðarins, Jón Steindór Valdimarsson, gagnrýnir ríkisstjórnina harðlega í pistli sem birtist á heimasíðu samtakanna í dag undir yfirskriftinni Kjaftshögg.

Bangsi kominn heim

„Hann er kominn heim og kominn á sinn stað í veröldinni,“ segir Sigurður Guðmundsson, verslunareigandi, sem varð fyrir því að ísbjarnarlíki í hans eigu var stolið. Bangsinn er nú fundinn og kominn aftur fyrir utan verslunina The Viking á Laugarvegi.

Stálu silungi fyrir hundruðir þúsunda

Þjófar brutust inn í veiðihúsið við Reynisvatn í nótt og stálu þaðan fimmtíu kílóum af reyktri bleikju og regnbogasilungi sem tilbúin voru til sölu, að andvirði um 200 þúsund króna. Auk þess voru teknar tólf veiðistangir í eigu veiðivarðarins á staðnum.

Bankasýsla ríkisins stofnuð

Bankasýsla ríkisins verður að veruleika samþykki alþingi nýtt frumvarp Steingríms J. Sigfússonar fjármálaráðherra.

„Varpar nýju ljósi á stöðu mála"

„Þetta varpar nýju ljósi á stöðu mála þar,“ segir Ómar Stefánsson, bæjarfulltrúi Framsóknar í Kópavogi, þegar blaðamaður ræddi við hann um áhrif yfirlýsingar Flosa Eiríkssonar á meirihlutasamstarfið í bænum.

16 létust í slysi í Kína

Sextán manns létust og 43 slösuðust þegar sprenging varð í verksmiðju í austurhluta Kína í morgun, samkvæmt ríkisfjölmiðlum landsins.

Ölvaður ók á hús verkalýðsfélagsins

Skrifstofa Verkalýðsfélags Snæfellinga að Ólafsbraut 19 í Ólafsvík varð fyrir miklum skemmdum í fyrrinótt þegar ölvaður ökumaður ók á inngang hússins. Maðurinn stakk af eftir ákeyrsluna en náðist skömmu síðar og var samstundis sviptur ökuréttindum. Skrifstofan er til húsa í gömlu sjóbúðinni þar sem á neðri hæð eru hin ýmsu fyrirtæki en á efri hæð er hluti af

Flosi Eiríksson: FME var blekkt

Afborganir og útborganir á lánum Lífeyrissjóðs starfsmanna Kópavogsbæjar til bæjarins virðast hafa verið tímasettar sérstaklega til að villa um fyrir eða blekkja Fjármálaeftirlitið, án vitneskju almennra stjórnarmanna, að því er kemur fram í yfirlýsingu frá Flosa Eiríkssyni, bæjarfulltrúa Samfylkingarinnar.

Steingrímur leiðrétti Hörð Torfa

Steingrímur J. Sigfússon, fjármálaráðherra, hringdi í Hörð Torfason, fundarstjóra mótmælanna í gær, til að leiðrétta nokkur atriði sem komu fram í máli Harðar á fundinum. Þetta kemur fram á heimasíðu Láru Hönnu Einarsdóttur sem fór ásamt Herði á fund Steingríms og Indriða H. Þorlákssonar, ráðuneytisstjóra fjármálaráðuneytisins.

Skáli OR brann til kaldra kola

Skáli Orkuveitu Reykjavíkur í Reykjadal á Hengilsvæðinu brann til kaldra kola í nótt en níu ungmenni sem þar voru stafaði engin hætta af eldinum. Það var upp úr klukkan ellefu í gærkvöldi sem tilkynning barst um eld í skála. Fór þá lið lögreglu, sex slökkviliðsmenn úr Hveragerði auk tveggja bíla og sexhjóla Hjálparsveitar skáta í Hveragerði til að aðstoða við að flytja ungmennin til byggða.

Lengsti dagur ársins í dag

Lengsti dagur ársins er runninn upp á Íslandi. Í Reykjavík reis sólin klukkan sex mínútur í þrjú í nótt og sólarlag verður ekki fyrr en klukkan fimm mínútur yfir miðnætti. Þá tekur daginn að stytta aftur á morgun.

Fangageymslur fullar aðra nótt í röð

Aftur var nóg að gera hjá lögreglunni á Akureyri í nótt, en þar fara fram Bíladagar um helgina. Fangageymslur fylltust aðra nóttina í röð. Að sögn lögreglu var þó ekki um nein alvarleg atvik að ræða, heldur einkum minniháttar pústra, slagsmál og drykkjulæti. Engar kærur hafa verið lagðar fram eftir nóttina.

Annasöm nótt hjá lögreglu

Annasamt var hjá lögreglunni á höfuðborgarsvæðinu í nótt. Talsvert var um pústra og óspektir. Þó voru að sögn engar alvarlegar uppákomur. 7 til 8 manns gistu fangageymslur fyrir drykkjulæti og óspektir. Þrír voru teknir fyrir ölvunarakstur.

Bílvelta á Seltjarnarnesi

Umferðaróhapp varð á Seltjarnarnesi á tólfta tímanum í kvöld þegar ökumaður bíls ók á ljósastaur með þeim afleiðingum að bíllinn valt. Að sögn varðstjóra hjá lögreglunni á höfuðborgarsvæðinu slasaðist ökumaðurinn eitthvað en ekki er talið að meiðslin séu alvarleg.

Bera slasaðan vélsleðamann um kílómetra leið

Björgunarsveitir eru á leið að sækja slasaðan vélsleðamann á Búðardalsheiði. Sá slasaði er við vatnaskil Áreyjardals og Brúardals og þarf að bera hann um kílómetra leið niður að sjúkrabíl. Maðurinn er ekki talinn mikið slasaður en aðstæður eru erfiðar; brattar skriður og laus möl og talið er að einhvern tíma taki að koma honum til byggða að því er kemur fram í tilkynningu.

22 með þroskahömlun útskrifuðust úr HÍ

Í dag brautskráðust 22 nemendur úr diplómanámi fyrir fólk með þroskahömlun frá Menntavísindasviði Háskóla Íslands að því er kemur fram í tilkynningu. Námið hófst haustið 2007, en þá var í fyrsta sinn boðið upp á háskólanám fyrir fólk með þroskahömlun hér á landi.

Eldur á tjaldstæði - stórslysi afstýrt

Brunavarðliðið á Blönduósi var kallað til á tjaldsvæði þar sem kviknað hafði eldur í gasleiðslu prímuss. Eigandi prímussins, sem hafði verið að hita sér kaffi, var fljótur að bregðast við, dreif eldmatinn út úr tjaldi sínu og lagði nýlagðar þökur yfir eldinn til að kæfa hann.

1900 tonn af makríl í Eyjum

Þessa stundina er verið að landa nítján hundruð tonnum af makríl í Vestmananeyjum. Það eru fjölveiðiskip Vinnslustöðvarinnar Sighvatur Bjarnason VE81 og Kap VE4 sem fengu þennan afla suðaustur af landinu á sömu slóðum og nótaskipin eru nú á veiðum.

Finnst að dæma eigi kynferðisafbrot eins og morðtilraun

"Þetta eru glæpir gegn sál fólks og einstaklingar sem lenda í svona málum bera varanleg merki alla ævi," segir Særós Guðnadóttir, ein þeirra kvenna sem sakar fyrrverandi biskup um að brjóta gegn sér. Stefaníu Þorgrímsdóttir finnst að dæma eigi kynferðisafbrot eins og morðtilraun.

Gunnar: FME á að sinna brýnni verkefnum

Það er ekki mikið að gera hjá Fjármálaeftirlitinu ef þeir eru að vegast í hlutum sem þessum segir Gunnar I. Birgisson, fyrrverandi formaður stjórnar Lífeyrissjóðs starfsmanna Kópavogsbæjar. Stjórnmálafræðingur telur að bæjarfulltrúarnir sem sátu í stjórn fari í tímabundið leyfi.

400 manns mótmæltu Icesave

Um 400 manns mótmæltu Icesavesamningnum á Austurvelli í dag. Öryrki sem segist ekki hafa efni á því að kaupa sér mat efnir til áframhaldandi mótmæla næstu daga.

Hundruðir skáta í Viðey

Í Viðey er nú samankominn fjöldi skáta frá öllum landshornum en þar stendur nú yfir skátamót. Mótið hófst í gær föstudag og hefur það farið afar vel fram.

16.000 konur hlupu í dag

Góð þátttaka var í Kvennahlaupi ÍSÍ að sögn aðstandenda hlaupsins. Alls tóku um 16.000 konur þátt á 90 stöðum út um allt land og á um 18 stöðum erlendis. Um 5.500 konur hlupu í Garðabænum, 1400 í Mosfellsbæ, 700 á Akureyri og um 400 konur erlendis.

Fleiri en 300 manns á mótmælum

Um 300 til 400 manns voru viðstaddir mótmælafund Radda fólksins þegar mest var. Fundurinn hófst klukkan 15 á Austurvelli og lauk rúmum hálftíma síðar.

Umfjöllun ABC um Ísland

Eins og Vísir greindi frá í gær hafði ABC sjónvarpsstöðin íslensku útrásina til umfjöllunar í fréttaskýringaþætti sínum 20/20 þá um kvöldið. Nú er umfjöllunin komin á netið og kennir ýmissa grasa.

Setti inn smáauglýsingu og fann stolinn bíl

„Ég setti auglýsingu á tapað-fundið. Það borgaði sig fljótt,“ sagði Kristján Jóhannsson, en hann auglýsti eftir stolinni bifreið sinni á smáauglýsingavef Vísis í gær. Aðeins sólarhring eftir að auglýsingin birtist var bíllinn kominn í leitirnar.

Heitir fundarlaunum fyrir ísbjörn

„Ég reyni alltaf að gera eitthvað gott fyrir fólk og gleðja það og þess vegna þoli ég þetta ekki,“ segir Sigurður Guðmundsson, verslunarmaður, sem varð fyrir því óláni að ísbjarnarlíki í hans eigu var stolið fyrir utan verslun hans, The Viking, við Laugarveg 1. „Skítt með hvað þetta kostar,“ bætir hann við.

SA gætu sagt upp kjarasamningum

Svartsýni gætir hjá aðilum vinnumarkaðarins um það takist að koma á þeirri stöðugleikasátt sem stefnt er að í viðræðum þeirra við ríkisvaldið. Heimildir fréttastofunnar úr viðræðuhópi Alþýðusambandins og Samtaka atvinnulífsins herma að töluverðar líkur séu á að Samtök atvinnulífsins segi upp núgildandi kjarasamingi fyrir mánaðamót, en þá rennur út frestur til að segja samningunum upp.