Kvennahlaup á 90 stöðum

Kvennahlaup Íþróttasambands Íslands fer fram í tuttugasta sinn á 90 stöðum hér á landi í dag. Einnig er hlaupið á 18 stöðum erlendis. Hlaupið hefst klukkan ellefu á Akureyri, Egilsstöðum og í Mosfellsbæ. Í Garðabæ verður ræst klukkan tvö, en þar hefur verið fjölmennast undanfarin ár.

Northern Travel Holding stefnir í gjaldþrotaskipti

Líklegt er að óskað verði eftir gjaldþrotaskiptum Northern Travel Holding á næstu dögum. Engar eignir og aðeins skuldir eru eftir í félaginu.

Raddir fólksins á Austurvelli í dag

Samtökin Raddir fólksins undir yfirskriftinni Breiðfylking gegn ástandinu standa fyrir útifundi á Austurvelli í dag klukkan þrjú. Þetta er þrítugasti fundurinn sem samtökin standa fyrir.

Yfir 1500 manns að útskrifast úr HÍ

Vel yfir fimmtán hundruð manns útskrifast úr Háskóla Íslands í dag og hafa þeir aldrei verið fleiri í sögu háskólans. Útskriftin fer fram í Laugardalshöll og er fjöldinn slíkur að brautskráningin verður í tvennu lagi, klukkan 11 og síðan aftur klukkan 14.

Ökumaður gripinn með dóp

Lögreglan í Borgarnesi hafði afskipti af tveimur ökumönnum sem grunaðir voru um akstur undir áhrifum fíkniefna í gærkvöldi. Annar ökumannanna var með 30 grömm af kannabisefnum á sér sem lögregla gerði upptæk. Einn var stöðvaður grunaður um ölvunarakstur.

Nóg að gera hjá lögreglu á Bíladögum

Það var nóg að gera hjá lögreglunni á Akureyri í nótt vegna Bíladaga sem þar fara fram um helgina. Að sögn vakthafandi varðstjóra eru allir fangaklefar bæjarins fullsetnir. Mikil ölvun var í bænum og nokkuð um pústra, auk þess sem lögregla þurfti að hafa afskipti af nokkrum vegna ofurölvunar. Þó var lítið um meiðsl á fólki og engar kærur hafa verið lagðar fram.

Allir spá í það hvað gæti gerst í Kópavogi

„Ég hef sjálfur heyrt þennan orðróm,“ segir Ólafur Þór Gunnarsson, bæjarfulltrúi vinstri grænna, spurður hvort sjálfstæðismenn hafi boðið honum sæti bæjarstjóra hefji hann meirihlutasamstarf með þeim.

Kona á sextugsaldri skar sambýlismann með hníf

Ríkissaksóknari hefur ákært konu fyrir stórfellda líkamsárás. Konan, sem er á sextugsaldri, særði sambýlismann inn að beini með hnífi.

Segir Íslendinga sjálfa hafa skert fullveldið

Guðmundur Hálfdánar­son sagnfræðingur segir að umræðan um Icesave-samninginn ætti fyrst og fremst að snúast um það hvort þörf væri á því að gera þennan samning eða ekki. Umræðan um að Íslendingar afsali sér að einhverju leyti fullveldi með samningnum sé á misskilningi byggð því afsal á fullveldisrétti sé ekki afleiðing af samningnum heldur afleiðing hegðunar stjórnvalda, bankamanna og þeirra sem ofurskuldsettu sig.

Síminn sagður beita klækjum

Hrannar Pétursson, upplýsingafulltrúi Vodafone, segir ákvörðun kærunefndar útboðsmála um að stöðva innkaupaferli Ríkiskaupa vegna fjarskiptaþjónustusamnings fyrir Landspítalann ekki taka til þess hvort tilboð Vodafone sé löglegt.

Innbrotum stórfjölgar

Um áttatíu prósent­um fleiri innbrot voru skráð hjá lögreglu í maí en á sama tíma í fyrra, að því er fram kemur í afbrotatölfræði Ríkislögreglustjóra.

Lánuðu fimmtung sjóðsins til bæjarins

Lánveitingar stjórnar Lífeyrissjóðs starfsmanna Kópavogsbæjar til bæjarfélagsins námu 500 til 600 milljónum króna. Hlutfall lánveitinga af eignum sjóðsins fór allt upp í tuttugu prósent. Málið hefur verið kært til efnahagsbrotadeildar.

Icesave samningurinn útskýrður

Á upplýsingavef stjórnvalda, Island.is, hafa nú verið birtar íslenskar útskýringar á Icesave samningnum umdeilda.

Önnur skjálftahrina við Krýsuvík

Talsverð skjálftavirkni hefur verið í grennd við Krýsuvík í kvöld. Skjálftahrina reið yfir klukkan 20:37, en þá mældust nokkrir skjálftar á bilinu 3 til 4,3 á Richter. Fyrr í kvöld mældist skjálfti um 4,2 á Richter sem margir fundu fyrir.

Öryrkjar óttaslegnir

„Fólk er óttaslegið um sinn hag,“ segir Guðmundur Magnússon, varaformaður Öryrkjabandalagsins. „Öryrkjar eru ekkert öðruvísi en annað fólk, þeir eru líka með heimili, lán og svo framvegis.“

Geta ekki valið sér eignir upp í Icesave

Hollendingar og Bretar geta ekki valið að hvaða eigum þeir ganga standi íslenska ríkið ekki við skuldbindingar sínar segir sérfræðingur í þjóðarétti. Þá eru ákveðnar eigur sem útlendingar og erlend ríki mega ekki eiga samkvæmt reglum um eignarrétt útlendinga.

Tugmilljóna skattar á hlutabréfahlunnindi stjórnenda

Tuga og jafnvel hundruð milljóna skattar verða lagðir á stjórnendur í atvinnulífinu sem keyptu hlutabréf á sérkjörum, samkvæmt nýjum úrskurði yfirskattanefndar.

Engin skelfing á elliheimilinu

Aðalheiður Guðmundsdóttir, íbúi á elliheimili í Grindavík, sagðist hafa fundið greinilega fyrir jarðskjálftanum sem reið yfir á Suðurnesjum fyrir tæpri klukkustund síðan.

Kvennadeginum víða fagnað

Það var bleikt þema á kvennadeginum í ár. Deginum var víða fagnað í dag, en þann 19. júní árið 1915 fengu konur kosningarétt og kjörgengi til Alþingis.

Hyggjast stoppa í 20 milljarða fjárlagagat á árinu

Um níu þúsund opinberir starfsmenn mega búast við lækkun heildarlauna, sælgæti og gos hækkar og margvíslegur niðurskurður verður í starfsemi ríkisins. Tryggvi Þór Herbertsson þingmaður Sjálfstæðisflokksins furðar sig á að ekki skuli farið út í að innheimta skatt af lífeyristekjum, sem gæfi nánast sama pening í ríkissjóð og allar skattahækkanir og aðhald á þessu ári.

Öflugur jarðskjálfti á Reykjanesi

Öflugur jarðskjálfti reið yfir klukkan 18:13. Upptök skjálftans voru við Kleifarvatn um tvo kílómetra vest-suðvestur af Krýsuvík. Jarðskjálftinn var 4,2 á Richter. Samkvæmt heimildum fréttastofu fannst greinilega fyrir skjálftanum í Hafnarfirði og víðar.

Viðbúnaðarsamningur upp á 300 milljónir dala

Landsvirkjun og íslenska ríkið hafa nú gert með sér viðbúnaðarsamning sem tekur til aðstæðna sem kunna að skapast ef Landsvirkjun hefur ekki nægjanlegt fjármagn til að mæta vaxtagreiðslum eða afborgunum erlendra lána.

Kirkjuráð harmar sársauka og vonbrigði Sigrúnar Pálínu

Sigrún Pálína Ingvarsdóttir, sem sakaði séra Ólaf Skúlason um kynferðislega áreitni á sínum tíma, kom á fund Kirkjuráðs í dag. Sigrún mætti á fund Kirkjuráðsins til þess að segja frá reynslu sinni af samskiptum hennar og Ólafs.

Innkalla grísagúllas

Ferskar kjötvörur ehf. hafa í varúðarskyni innkallað grísagúllas sem framleitt var af fyrirtækinu þann 5. júní 2009. Ástæða innköllunarinnar er að í sýnum sem tekin voru af vörunni greindist salmonella. Varan er ekki lengur á markaði. Þetta kemur fram í tilkynningu frá umhverfis- og samgöngusviði Reykjavíkurborgar.

256 óku of hratt í Hvalfjarðargöngum

Brot 256 ökumanna voru mynduð í Hvalfjarðargöngum vikuna 11. - 18. júní. Vöktuð voru 14.485 ökutæki og því ók lítill hluti ökumanna, eða tæplega 2%, of hratt eða yfir afskiptahraða.

Steingrímur hrósaði þingmanni Sjálfstæðisflokksins

Steingrímur J. Sigfússon, fjármálaráðherra, hrósaði Unni Brá Konráðsdóttur, þingmannni Sjálfstæðisflokksins, í umræðum um ráðstafanir í ríkisfjármálum á Alþingi í dag. Ráðherrann sagði ferskan tón vera í málflutningi hennar.

Sigurður og félagar í gæsluvarðuhaldi til 1. júlí

Þrír karlar hafa verið úrskurðaðir í áframhaldandi gæsluvarðhald til 1. júlí að kröfu lögreglunnar á höfuðborgarsvæðinu og er það gert á grundvelli rannsóknarhagsmuna. Mennirnir sem um ræðir heita Sigurður Ólason, Ársæll Snorrason og Gunnar Viðar Árnason.

„Allir út á götu með búsáhöld“

Boðað hefur verið til mótmælagöngu á Akureyri á morgun en gengið verður frá Samkomuhúsinu niður á Ráðhústorgið.

Dæmdur fyrir árás í Fjölbrautaskóla Suðurlands

Héraðsdómur Suðurlands dæmdi í dag 17 ára karlmann í eins mánaðar fangelsi fyrir sérstaklega hættulega líkamsárás. Árásin átti sér stað miðvikudaginn 18. febrúar á þessu ári í Fjölbrautaskóla Suðurlands.

Útilokar að ræða lækkun á launatöxtum við stjórnvöld

Guðlaug Kristjánsdóttir, formaður Bandalags háskólamanna, útilokar að ræða kerfisbundna lækkun á launatöxtum stéttarfélaga innan bandalagsins við stjórnvöld.

Barnaheill hleypa nýju átaki af stokkunum

Fulltrúar Barnaheilla á öllum aldri hleyptu af stokkunum nýju söfnunarátaki á Lækjartorgi í dag og ræddu við áhugasama vegfarendur um alþjóðlegt menntaverkefni Barnaheilla, Save the Children, eða Bætum framtíð barna.

Sálrænn stuðningur við fólk sem kemur að slysum og áföllum

Fólk sem kemur að slysum og öðrum alvarlegum atburðum sem vitni, tilkynnendur og þátttakendur í skyndihjálp, björgun og sálrænum stuðningi fær nú tilboð um sálrænan stuðning til að vinna úr reynslu sinni. Þetta er gert í samvinnu Slökkviliðs höfuðborgarsvæðisins og Rauða kross Íslands fyrir hönd Hjálparsíma Rauða krossins, 1717. Hanna Birna Kristjánsdóttir, borgarstjóri og formaður stjórnar SHS, og Anna Stefánsdóttir, formaður Rauða krossins, undirrituðu samkomulag um verkefnið í gær.

Grænfriðungar fordæma hvalveiðar Íslendinga

Grænfriðungar hafa fordæmt hvalveiðar Íslendinga. Í yfirlýsingu umhverfisverndarsamtakanna frá í morgun segir að ríkisstjórn Íslands hafi brugðist í málinu en andstaða einstaka ráðherra við hvalveiðar hafi ekki dugað til að koma í veg fyrir þær.

Býður Birni að vinna upp í 10 milljóna skuld

„Ef hann vill friða samviskuna þá er honum velkomið að koma hingað norður og vinna upp í þessar tíu milljónir," segir Viðar Guðmundsson, bóndi að Miðhúsum í Kollafirði.

Þrír saksóknarar verði skipaðir við hlið sérstaks saksóknara

Lagt er til að þrír sjálfstæðir saksóknarar verði skipaðir við hlið sérstaks saksóknara í nýju frumvarpi dómsmálaráðherra sem lagt verður fyrir stjórnarflokkana í dag. Þá er lagt til að skipaður verði sérstakur ríkissaksóknir til að fara með eftirlitshlutverk í málaflokknum.

Björn Mikkaelsson: Neyddist til að svíkja fólkið

„Það er rétt hjá þeim,“ segir Björn Mikkaelsson um sögu hjónanna frá Miðhúsum í Kollafirði sem fjallað var um á Vísi fyrr í dag. Í samtali við fréttastofu sagði Viðar Guðmundsson frá því að hann og kona hans borguðu Birni tæpar tíu milljónir upp í Finnskt einingahús sem þau fengu aldrei. Annars vegar 2,7 milljónir í staðfestingargjald og síðar 7,2 milljónir.

Helmingur opinberra starfsmanna getur búist við launalækkun

Helmingur opinberra starfsmanna má búast við endurskoðun heildarlauna. Hægt verður á vegaframkvæmdum eða þeim frestað, nefndakostnaður skorinn niður um helming, aðkeypt sérfræðiþjónusta snarminnkuð og setja á meiri hörku í að draga úr skattsvikum. Þetta er meðal þess sem stjórnvöld ætla að gera til að skera niður til að draga úr fjárlagahallanum.

Stjórnin undrast harkalegar aðgerðir FME og fjármálaeftirlitsins

Stjórn Lífeyrissjóðs starfsmanna Kópavogsbæjar lýsir furðu sinni á hörðum aðgerðum Fjármálaeftirlitsins og fjármálaráðuneytisins, sem skipað hafa umsjónarmann með sjóðnum, þrátt fyrir að stjórn hans og framkvæmdastjóri hafi ítrekað og að eigin frumkvæði upplýst fulltrúa Fjármálaeftirlitsins um fjárfestingar hans.

Steingrímur mælti fyrir frumvarpi um niðurskurð

Steingrímur J. Sigfússon, fjármálaráðherra, mælti á Alþingi í dag fyrir frumvarpi um ráðstafanir í ríkisfjármálum. Í frumvarpinu er leitað leiða til þess að bæta stöðu ríkissjóðs eftir bankahrunið með ýmsum aðgerðum og sagði ráðherrann að minnka eigi bilið á milli tekna og útgjalda. Steingrímur sagði að í frumvarpinu væri mennta- og félagsmálum hlíft eftir megni.

Niðurrifsmaður á Álftanesi hafði milljónir af fimm manna fjölskyldu

„Hann er ekki hetja í mínum augum,“ segir Barbara Ósk Guðbjartsdóttir. Hún og maður hennar Viðar Guðmundsson segja farir sínar ekki sléttar af viðskiptum sínum við Björn Braga Mikkaelsson sem þann 17. júní reif niður einbýlishús á Álftanesi. Húsið hafði hann misst í hendur Frjálsa Fjárfestingabankans. Þau Viðar og Barbara greiddu Birni tæpar tíu milljónir króna fyrir finnskt einingahús sem þau fengu aldrei í hendurnar.

Samkomulagið um Icesave átti að opinbera fyrr

Björgvin G. Sigurðsson, þingflokksformaður Samfylkingarinnar, segir að heppilegra væri ef að gögn um Icesave samkomulagið hefðu komið fram fyrr. Pétur Blöndal, þingþingmaður Sjálfstæðisflokksins, gagnrýnir harðlega vinnubrögð þingflokka stjórnarflokkanna í málinu.

Stjórn lífeyrissjóðs Kópavogs grunuð um lögbrot

Stjórn Lífeyrissjóðs starfsmanna Kópavogsbæjar er grunuð um lögbrot og hefur stjórninni verið skipaður umsjónaraðili. Þetta kemur fram í tilkynningu frá fjármálaráðuneytinu.

Línuraketta skall á húsi í Sandgerði

Íbúum við Vallargötu í Sandgerði brá í brún í gærkvöldi þegar hár dynkur rauf næturkyrrðina. Íbúarnir grennsluðust fyrir um málið úti í garði og þar kom í ljós eins konar raketta sem lína var áföst við.

Brotist inn í Höfðahverfi

Eitt innbrot var framið á höfuðborgarsvæðinu í nótt þegar brotist var inn í fyrirtæki í Höfðahverfi. Þjófarnir höfðu meðal annars á brott með sér flatskjá. Þá var gerð tilraun til innbrots í fyrirtæki í Hafnarfirði en ekki er talið að neinu hafi verið stolið þar.

Fyrstu langreyðarnar veiddar í gær

Hvalur 9 veiddi síðdegis í gær tvær fyrstu langreyðarnar sem veiða á í ár og var komið með dýrin að landi í nótt í Hvalfirði þar sem þau voru skorin að því er Skessuhorn greinir frá.