Fleiri en 300 manns á mótmælum

Um 300 til 400 manns voru viðstaddir mótmælafund Radda fólksins þegar mest var. Fundurinn hófst klukkan 15 á Austurvelli og lauk rúmum hálftíma síðar.

Að sögn fréttamanns sem fylgdist með fundinum var ágætlega tekið undir í ræðunum, en rólegt hafi verið yfir mótmælunum að öðru leyti. Eina truflunin sem orðið hafi á fundahöldunum var þegar hvellrakettur voru sprengdar yfir miðbænum með tilheyrandi hávaða.

Að loknum fundinum hóf fólk að týnast burt og ekki var útlit fyrir að mótmæli héldu áfram.