Miðbaugsmaddaman aftur í gæsluvarðhald

Catalina Mikue Ncoco sem komst í fréttirnar fyrr á þessu ári vegna vændishúsa sem hún hélt úti á höfuðborgarsvæðinu hefur verið úrskurðuð í gæsluvarðhald til 12.maí vegna gruns um umfangsmikið fíkniefnasmygl. Karl Steinar Valsson hjá fíkniefnadeild lögreglunnar vill ekki staðfesta að Catalina eigi í hlut en útilokar ekki að konan tengist belgískum burðardýrum sem handtekin hafa verið við komuna hingað til lands undanfarið.

Fjölskylda Ragnars í sjokki

„Við erum bara í sjokki og erum að reyna að anda frá mínútu til mínútu til þess að geta gert eitthvað í þessum málum."

Búist við margir hjóli í vinnuna

Hin árlega landskeppni Hjólað í vinnuna var sett í morgun í Reykjavík. Búist er við feikigóðri þátttöku því reiðhjólið nýtur meiri vinsælda um þessar mundir en áður sem samgöngutæki, að fram kemur í tilkynningu.

Frjálslyndi flokkurinn skuldar sex milljónir

„Við erum ekkert hættir í pólitík þó við skuldum einhverjar milljónir. Það hefur oft komið fyrir áður að við skuldum peninga," segir Guðjón Arnar Kristjánsson, formaður Frjálslynda flokksins.

Olíuleki í Hafnarfjarðarhöfn

Slökkvilið höfuðborgarsvæðisins er við störf í Hafnarfjarðarhöfn þar sem olía lak af pólskum togara sem þar liggur við festar. Búið er að hefta lekann og koma í veg fyrir að olían breiðist út í höfninni en um hundrað fermetra flekkur myndaðist í höfninni.

Umferðarslys í Hafnarfirði

Tveir bílar, jeppi og fólksbíll, skullu saman á gatnamótunum við verslunina Fjarðarkaup í Hafnarfirði á þriðja tímanum í dag. Sjúkrabílar og tækjabíll slökkviliðsins er á staðnum og þurfti að beita klippum til þess að koma fólkinu út úr flökunum. Fólkð verður flutt á slysadeild til aðhlynningar en að sögn slökkviliðs er fólkið ekki alvarlega slasað.

Hjálparstarf Kirkjunnar: Gríðarleg fjölgun beiðna um aðstoð

Gríðarleg fjölgun hefur orðið á beiðnum um aðstoð hjá Hjálparstarfi kirkjunnar eða 317 prósent miðað við sama tíma í fyrra þegar tekið er mið af fyrstu fjórum mánuðum ársins. Í tilkynningu kemur fram að umsóknir í ár, janúar til apríl, hafi verið 2.206 en voru 701 í fyrra.

Ákærð fyrir að sparka í höfuð á skemmtistað

Þrjátíu og sex ára gömul kona hefur verið ákærð fyrir að hafa sparkað í höfuð fórnarlambs með þeim afleiðingum að blæðandi sár myndaðist á vinstra eyra og vörum og bóglur mynduðust við hægra auga. Árásin átti sér stað á veitingastaðnum Kaffi Edinborg við Aðalstræti á Ísafirði í október á síðasta ári. Málið var þingfest í héraðsdómi Vestfjarða í dag.

Eigandinn á Vatnsstíg vissi ekki af hústökufólkinu

Ágúst Friðgeirsson, eigandi hússins á Vatnsstíg 4, kom af fjöllum þegar fréttastofan sagði honum frá því að hústökufólk hefði á ný tekið sér bólfestu í húsinu en fólkið var borið þaðan út með valdi fyrir nokkrum dögum síðan. Í dag sendi hópurinn frá sér yfirlýsingu þess efnis að þau væru mætt á svæðið á ný til þess að sýna samstöðu með pólsku hústökufólki en 6. maí er tileinkaður baráttu þeirra.

Stjórnvöld hafa klúðrað kynningu á aðgerðum fyrir heimilin

Stjórnvöld hafa klúðrað kynningu á þeim úrræðum sem Alþingi hefur samþykkt vegna skulda heimilanna og verða tafarlaust að grípa til aðgerða til stuðnings þeim úrræðum sem þegar eru fyrir hendi, að mati forseta Alþýðusambands Íslands. Hann segir misskilning að fólk með gjalddaga húsnæðislána í vanskilum eigi ekki rétt á greiðsluaðlögun.

Fimmtán mánaða fangelsi fyrir að slá mann með hamri og stela

Þrítugur karlmaður, Agnar Davíð Stefánsson, var dæmdur í 15 mánaða fangelsi í héraðsdómi Reykjavíkur í dag. Agnar var dæmdur fyrir margítrekuð þjófnaðar- og umferðarlagabrot auk þess sem hann var dæmdur fyrir sérstaklega hættulega líkamsárás. Þá sló hann karlmann í höfuðið með hamri í heimahúsi í Reykjavík með þeim afleiðingum að hann hlaut skurð aftan á hnakka. Agnar hefur setið í gæsluvarðhaldi frá 8.apríl en það kemur til frádráttar refsingar

Hústökufólkið snýr aftur að Vatnsstíg

Núna í hádeginu opnaði Fríbúðin svokallaða við Vatnsstíg 4 í Reykjavík en hún var fyrst opnuð þann 17.apríl. Húsið var rýmt af lögreglu fimm dögum síðar. Í tilkynningu frá hópnum segir að nú taki þau rýmið aftur í sínar hendur og opni búðina á ný. Tilefni þess er að í dag, 6.maí, er alþjóðlegur samstöðudagur með Rozbrat, gamalgrónu tökuhúsi í Poznan, Póllandi.

Nauðsynlegt að veirulyfjum sé ávísað af læknum

Nauðsynlegt er að veirulyfjum vegna inflúensu A (H1N1) verði ávísað af læknum sem leiðbeina jafnframt um notkun þeirra. Jafnframt er ástæðulaust fyrir einstaklinga og fyrirtæki að birgja sig upp af lyfjunum. Þetta kemur fram í tilkynningu frá sóttvarnalækni og almannavarnadeild ríkislögreglustjóra.

Jóhanna og Steingrímur funda um nýja stjórn

Stjórnarmyndunarviðræðum Samfylkingar og Vinstri grænna verður framhaldið í dag og munu formenn flokkanna funda saman eftir hádegi. „Flestir undirhóparnir eru búnir að mestu með sína vinnu þannig að nú eru þau tvö að púsla þessu saman," segir Hrannar B. Arnarsson, aðstoðarmaður forsætisráðherra. Hann á von á að myndun nýrrar ríkisstjórnar ljúki á næstu dögum.

Tveir handteknir vegna nauðgunar í Tryggvagötu

Tveir karlmenn af erlendu bergi brotnir voru handteknir á sunnudagsmorgun grunaðir um nauðgun á 19 ára gamalli stúlku. Samkvæmt upplýsingum frá lögreglu hafa mennirnir verið yfirheyrðir og úrskurðaðir í gæsluvarðhald. Rannsókn er í gangi.

Einungis Samfylkingin hefur ákveðið að upplýsa um alla styrki

Samfylkingin er eini stjórnmálaflokkur landsins sem hyggst enn sem komið er birta upplýsingar um fjárstyrki til aðildarfélaga og fulltrúaráða flokksins vegna ársins 2006. Aðrir flokkar hafa ekki tekið ákvörðun um það hvort að upplýsingunum verði safnað saman og þær birtar opinberlega. Árið 2006 fóru fram sveitarstjórnarkosningar.

Innbrot í sumarbústað í Grímsnesi

Brotist var inn í sumarbústað í Grímsnesi í gærdag og þaðan stolið 40 tommu flatskjá og fleiri verðmætum. Þjófurinn beitti kúbeini við að spenna upp glugga og komst þannig inn. Hann komst undan og er ófundinn.

Samið við hávaðasaman hana í Eyjum

Stoltur hani af landnámsætt, sem býr búi sínu í hænsnakofa í miðbæ Vestmannaeyjakaupstaðar, hefur orðið við þeim tilmælum lögreglunnar að raska ekki ró nágranna sinna ókristilega snemma á morgnana.

Víða metúrkoma í apríl

Ný úrkomumet voru sett í þó nokkrum veðurathugunarstöðvum á landinu í nýliðnum aprílmánuði. Í Vestmannaeyjum mældist mesta rigning í 128 ár og úrkoman í Reykjavík var heilum 70 prósentum yfir meðallagi. Mest var úrkoman á Suður- og Suðvesturlandi og á vestanverðu Norðurlandi. Hitastig í síðasta mánuði var líka nokkuð yfir meðallagi.

Brennuvargar á ferð í nótt

Kveikt var í tveimur blaðagámum í nótt, öðrum í Mosfellsbæ og hinum í Fossvogi í Reykjavík. Slökkviliðið var kvatt á vettvang í bæði skiptin og slökkti eldinn. Engin mannvirki voru í hættu og ekki er vitað hverjir voru þarna að verki.

Tvö umferðaróhöpp á Akureyri

Tvö umferðaróhöpp urðu á mótum Hamarstígs og Þórunnarstrætis á Akureyri með skömmu millibili undir kvöld í gær. Fyrst lentu þrír bílar þar í árekstri, en enginn meiddist alvarlega.

Grunaður um akstur undir áhrifum nokkurra efna

Tveir ökumenn voru teknir úr umferð í nótt, grunaðir um akstur undir áhrifum fíkniefna, annar í Reykjavík og hinn á Selfossi. Skimun bendir til þess að sá síðari hafi neytt nokkurra tegunda fíkniefna.

Útgáfudögum DV fækkar

Útgáfudögum DV fækkar enn frekar og kemur blaðið því út á þriðjudögum, miðvikudögum og svo um helgar. Í tilkynningu um fækkun útgáfudaga sem finna má á vefsíðu dv.is, segir að ástæðan sé sparnaður, þá sérstaklega vegna mikillar hækkunar á pappírsverði.

Bandarískur ríkisborgari lést úr svínaflensu

Bandarísk kona á fertugsaldri lést úr svínaflensu fyrr í vikunni. Konan er frá Texas en samkvæmt frétt BBC um málið þá hafði hún einnig verið þjökuð af veikindum fyrir.

Þriggja bíla árekstur í dag

Lögreglan og sjúkrabíll voru kölluð á slysstað á Sæbrautinni í dag. Ástæðan var þriggja bíla árekstur sem varð á háannatíma eða klukkan fimm í dag.

Gamall Brasilíufangi: Segir erfiða tíma bíða Ragnars

Hlynur Smári Sigurðarson gerði þau mistök árið 2006 að reyna smygla tveimur kílóum af kókaíni úr landinu. Hann þurfti að dúsa í alræmdu braislísku fangelsi og lýsingarnar hans voru hrottalegar: Ég geng um með tálgaðan tannbursta á mér allan daginn ef einhver skyldi ráðast á mig," sagði hann í samtali við Fréttablaðið og Vísis árið 2006.

Frá Brasilíu til Íslands - Svona smygla þeir dópinu

Íslendingurinn sem tekinn var í Brasilíu ætlaði að notfæra sér velþekkta smygleið úr undirheimunum til að koma fíkniefnunum til Íslands. Heimildir fréttastofu herma að smyglleiðin hafi margoft verið notuð til að koma kókaíni til landsins.

Ferðamenn neita að nota seðlabankagengið

Ferðaþjónustan horfir fram á gríðarlegt tap vegna gjaldeyrishafta. Erlendir kaupendur sem hafa skuldbundið sig til að greiða í íslenskum krónum fá það ekki og þurfa að greiða í erlendri mynt. Þeir neita að nota gengi Seðlabankans á krónunni og miða við erlent gengi sem er allt að fjörtíu prósentum lægra.

Tugir fanga sluppu úr fangelsi Ragnars í fyrra

Gæsluvarðhaldsfangelsið þar sem Ragnar Erling Hermannsson er vistaður í kjölfar þess að hann var handtekinn á flugvellinum í Recife með sex kíló af kókaíni komst í fréttirnar í Brasilíu í febrúar á síðasta ári þegar 51 fangi slapp úr vistinni. Þegar fangaflóttinn átti sér stað voru 20 fangaverðir í fangelsinu en þeir voru allir lausráðnir og höfðu hlotið litla þjálfun. Einn daginn mættu aðeins fimm til vinnu og nýttu fangarnir sér mannfæðina og ruddust út.

Brasilíufangi: Smyglaði dópi vegna fíkniefnaskuldar

20 ára fangelsisvist bíður 25 ára íslendings sem handtekinn var í Brasilíu á föstudaginn með mikið magn af sterku kókaíni. Lögregla þar í landi segir hann hafa farið í smyglferðina til að greiða fyrir dópskuld hér á íslandi.

Fréttaþjónusta Stöðvar 2 aukin

Fréttir Stöðvar 2 og Ísland í dag eru frá og með deginum í dag endursýnd klukkan níu á Stöð 2 Extra.

Lág tilboð í Hvítárbrú

Ræktunarsamband Flóa og Skeiða bauð lægst í gerð nýrrar 270 metra langrar brúar yfir Hvítá í Árnessýslu á móts við Flúðir. Óvenju margir verktakar börðust afar hart um verkið og munaði innan við einu prósenti á þremur lægstu tilboðum.

Var hættur að mæta í vinnuna

„Mér fannst eins og hann væri kominn í einhverja óreglu en ég get ekki fullyrt það. Hann svaf yfir sig í hádeginu og kom of seint. Þess vegna urðum við að láta hann fara," segir Linda.

Nýta þarf úrræði til bjargar heimilunum

Forseti Alþýðusambandsins segir þau úrræði sem Alþingi hefur samþykkt til bjargar heimilunum hvorki hafa verið virkjuð eða nýtt og segir mikilvægt að það sé gert hið fyrsta. Ríkisstjórnin fundaði í dag með aðilum vinnumarkaðarins.

Bíll kastaðist í gegnum skólagirðingu - Myndir

Harður árekstur varð í dag á mótum Hringbrautar og Miðtúns í Reykjanesbæ.

Úrskurðuð í gæsluvarðhald vegna fíkniefnainnflutnings

Kona um þrítugt var í Héraðsdómi Reykjaness úrskurðuð í gæsluvarðhald til 12. maí að kröfu lögreglunnar á höfuðborgarsvæðinu. Konan er grunuð um aðild að innflutningi fíkniefna. Hún hefur kært úrskurðinn til Hæstaréttar.

Íslenskir dópsmyglarar í Brasilíu: Fjórir teknir á fjórum árum

Ragnar Erling Hermannsson sem handtekinn var í borginni Recife í Brasilíu á föstudagskvöldið fyrir innflutning á tæpum sex kílóum af kókaíni er ekki fyrsti íslendingurinn sem handtekinn er fyrir fíkniefnasmygl þar í landi. Frá því í júní 2006 hafa þrír aðrir íslendingar verið handteknir vegna fíkniefnasmygls, ýmist á leið úr landi eða inn í landið. Íslendingarnir hafa verið með kókaín, hass og barnapúður og voru allir dæmdir til fangelsisvistar í landinu.

Brotlending ríkisstjórnarinnar ef rétt reynist

Bjarni Benediktsson segir það í raun hlægilegt að láta sér detta í hug að Alþingi muni samþykkja það að Samfylkingin fái umboð til þess að fara til Brussel og semja um aðild Íslands að Evrópusambandinu. Í Morgunblaðinu í morgun er því haldið fram að samkomulag ríkisstjórnarinnar í evrópumálum sé að Alþingi verði falið að ákveða endanlega hvort hafnar verði aðildarviðræður við ESB eða ekki.

Ráðherra og fyrrverandi landlæknir kenna við Háskóla unga fólksins

Börnum og unglingum, á aldrinum 12 – 16 ára, gefst kostur á því að sækja Háskóla Íslands heim dagana 8. – 12. júní næstkomandi. Þá breytist skólinn í Háskóla unga fólksins og ungmenni fá tækifæri til að kynna sér vísinda og fræðasamfélagið.

Nefnd meti hæfi umsækjenda um stöðu seðlabankastjóra

Jóhanna Sigurðardóttir forsætisráðherra skipaði nefnd í morgun til þess að meta hæfni umsækjanda um stöðu seðlabankastjóra. Nefndina skipa þau Guðmundur A. Magnússon, Lára V. Júlíusdóttir og Jónas Haralds en henni er ætlað að ljúka störfum 28. maí næstkomandi. Þetta kom fram á vikulegum blaðamannafundi ríkisstjórnarinnar í Þjóðmenningarhúsinu.

Fjölmiðlar í Brasilíu sýna máli Ragnars mikinn áhuga - myndband

Brasilískir fjölmiðlar fjalla mikið um mál Ragnars Erlings Hermannssonar sem handtekinn var á föstudagskvöldið með tæp sex kíló af kókaíni á Alþjóðaflugvellinum í Recife í Brasilíu. Fíkniefnafundurinn mun vera sá stærsta á árinu á flugvellinum en brasilískur karlmaður sem var á leið í sama flug og Ragnar var tekinn með kíló af kókaíni.

Íslendingur tekinn með sex kíló af kókaíni í Brasilíu

Tuttugu og fjögurra ára gamall Íslendingur var handtekinn á flugvelli í Brasilíu á leið sinni til Spánar með tæp sex kíló af hreinu kókaíni í fórum sínum. Fulltrúar alríkislögreglu Brasilíu handtóku piltinn á Alþjóðaflugvellinum í Recife á föstudagskvöldið en hann var þá á leið til Malaga á Spáni. Þetta kom fram í hádegisfréttum Rúv en brasilískir fjölmiðlar hafa sagt hann heita Ragnar Hermannsson.

Svínaflensutilfellum fjölgar enn

Staðfest tilfelli inflúensu A (H1N1) voru alls 1.269 í morgun í 22 ríkjum í heiminum samkvæmt upplýsingum Sóttvarnarstofnunar ESB en staðfestum tilfellum fjölgar enn. Þannig voru þrettán ný tilfelli staðfest á Spáni á síðastliðnum sólarhring og utan Evrópu fjölgaði staðfestum tilfellum einkum í Mexíkó, Bandaríkjunum og Kanada. Engin ný, alvarleg tilfelli hafa verið tilkynnt nema í Mexíkó. Dauðsföll sem rakin eru til veikinnar eru 27 þar af 26 í Mexíkó og eitt í Bandaríkjunum.

Kemur ekki til greina að Samfylkingin annist ein aðildarviðræðurnar

Sigmundur Davíð Gunnlaugsson, formaður Framsóknarflokksins, segir ekki koma til greina að fela Samfylkingunni einni umboð til að fara í viðræður um aðild Íslands að Evrópusamgandinu. Hann segir einnig að ef rétt reynist, og ríkisstjórnin ákveði að fela þinginu að taka ákvörðun um hvort hefja eigi viðræður, sé það heldur rýr uppskera eftir tíu daga vinnu.

Hefur áhyggjur af heimilunum og aðgerðarleysi ríkisstjórnarinnar

Eygló Harðardóttir þingmaður Framsóknarflokksins segist hafa ofboðslegar áhyggjur af stöðu heimilanna í landinu þar sem ekki sé von á frekari aðgerðum frá ríkisstjórninni. Hún segir óásættanlegt að binda heilu kynslóðirnar í skuldafjötra en það sé það sem blasi við. Eygló var Í bítinu á Bylgjunni í morgun ásamt Katrínu Júlíusdóttur fulltrúa Sumfylkingarinnar.