Vatnalaganefnd vill breytingar á lögunum

Svokölluð Vatnalaganefnd, sem sett var á laggirnar vegna deilna um vatnalög, leggur til fjórar breytingar á lögunum, þar á meðal að gildistöku laganna verði frestað. Fram kemur í tilkynningu frá nefndinni að hún hafi skilað tillögum sínum til iðnaðarráðherra ásamt ítarlegri skýrslu um vatnsréttindi og vatnalöggjöf.

Ágúst ákvað að hætta í biblíuskólanum

Ágúst Magnússon, dæmdur barnaníðingur, ákvað að snúa ekki aftur til Uppsala í Svíþjóð eftir að Vísir greindi frá námsdvöl hans þar. Þetta staðfesti Staffan Moberg skólastjóri biblíuskólans í samtali við Vísi. Ágúst hefur verið í námi við biblíuskóla Livets Ord undanfarið en sneri heim í stutt leyfi fyrir fáeinum dögum.

Tveir handteknir vegna innbrota á Bolungarvík

Lögregla á Vestfjörðum handtók á fimmtudaginn tvo menn vegna gruns um aðild að innbrotum í fjölmargar bifreiðar og íbúðarhús í Bolungarvík aðfaranótt fimmtudagsins.

Enn haldið sofandi í öndunarvél

Össuri Pétri Össurarsyni, sem fannst með lífshættulega áverka við Höfðatún í Reykjavík fyrir rúmri viku, er enn haldið sofandi í öndunarvél að sögn sérfræðings á gjörgæsludeild.

Heildarafli jókst í nýliðnum ágústmánuði

Heildarafli íslenskra skipa hefur dregist saman um sex prósent það sem af er ár ef mið er tekið af föstu verði.

Halli á rekstri hins opinbera í fyrsta sinn í fjögur ár

Tekjuafkoma hins opinbera reyndist neikvæð um nærri tvo milljarða króna á öðrum ársfjórðungi þess árs. Þetta kemur fram á vef Hagstofunnar.

Síminn hækkar gjaldskrá sína

Síminn hækkar gjalskrá sína í dag og hækka nær allir liðir hennar nema svonefndar sparileiðir sem Síminn hefur kynnt í auglýsingaherferð að undanförnu.

Tvær bílveltur á Suðurnesjunum

Ökumaður, sem var einn í bíl sínum, slapp ómeiddur þegar hann ók á ljósastaur við Reykjanesbraut á Stapa í gærkvöldi.

Gæsluvarðhalds krafist yfir þremur af fimm

Lögreglan á Selfossi gerði í gærkvöldi kröfu til þess að þrír af þeim fimm, sem handteknir voru í húsi í Þorlákshöfn í fyrrinótt vegna grófrar líkamsárásar, verði úrskurðaðir í gæsluvarðhald. Þeir voru allir leiddir fyrir dómara í gærkvöldi og verður jafnvel krafist úrskurðar yfir hinum tveimur líka. Dómari tekur væntanlega ákvörðun í dag.

FL Group ekki til rannsóknar

Helgi Magnús Gunnarsson, saksóknari efnahagsbrota hjá ríkislögreglustjóra, segir að ekki sé verið að rannsaka FL Group og ekki sé unnt að svara því hvort sú rannsókn standi til. Hann segir að meira þurfi til enn orðróm svo hægt sé að hefja rannsókn. Þetta kom fram í kvöldfréttum Ríkisútvarpsins.

Eldur í eldhúsi á Hagamel

Slökkvilið höfuðborgarsvæðisins var kallað að íbúð við Hagamel í vesturhluta Reykjavíkur fyrr í kvöld. Eldur hafði kveiknað í potti á eldavél sem orsakaði ljósan reyk.

Stangveiðar hugsanlega bannaðar í Reykjavíkurhöfn

Hafnarstjóri Faxaflóahafna segir að skoðað verði hvort stangveiðar verði bannaðar í Reykjavíkurhöfn.

Temmilega bjartsýn

Guðlaug Einarsdóttir, formaður Ljósmæðrafélag Íslands, kveðst vera temmilega bjartsýn fyrir næsta samningafund í kjaradeilu ljósmæðra sem haldinn verður eftir hádegi á morgun.

Vill ekki svara spurningu Guðlaugar

Ingibjörg Sólrún Gísladóttir, utanríkisráðherra og formaður Samfylkingarinnar, vill ekki tjá sig um ummæli formanns Ljósmæðrafélags Íslands í fréttum Stöðvar 2 á föstudag.

Ásaka fyrirrennara XL Leisure um bókhaldssvindl

KPMG endurskoðunarfyrirtækið í Bretlandi sakar stjórn Exel Airways, sem síðar varð XL Leisure Group, um bókhaldssvindl til að fegra fjárhagsstöðu fyrirtækisins áður en móðurfélag þess - Avion - var skráð í Kauphöll Íslands. Hafi þetta verið gert vísvitandi er það alvarlegt brot á bókhaldslögum og lögum um skráningu félaga í kauphöllum.

Rannsókn á rekstri Eimskipafélagsins

Hafin er rannsókn á ýmsum þáttum sem tengjast rekstri Eimskipafélags Íslands undanfarin ár. Þetta kemur fram í tilkynningu frá fyrirtækinu sem var send út rétt í þessu vegna umfjöllunar um fyrirtækið undanfarið.

Fimm í haldi vegna árásarinnar á Þorlákshöfn

Fimm konur og karlar eru grunaðir um aðild að fólskulegri líkamsárás í heimahúsi í Þorlákshöfn í nótt. Fórnarlambið er piltur um tvítugt og var hann skorinn og stunginn í háls, skorinn á höndum og í andliti og laminn að auki. Litlu mátti muna að árásin yrði hans bani.

,,Árni stendur mjög erfiða vakt"

Geir H. Haarde, forsætisráðherra, segir að Árni Mathiesen, fjármálaráðherra, standi mjög erfiða vakt þessa dagana. Árni sé að halda til ákveðnum reglum en hann hefur fyrir hönd ríkisins stefnt félagi ljósmæðra vegna ólöglegra fjöldauppsagna.

Telur frekari málaferli hjá Eimskip líkleg

Vilhjálmur Bjarnason, viðskiptafræðingur og formaður Félags fjárfesta, telur frekari málaferli vera yfirvofandi í tengslum við Eimskipafélagið og Baldur Guðnason, fyrrverandi forstjóra fyrirtækisins.

Framsókn kynnir hugmyndir í gjaldmiðlamálum

Framsóknarflokkurinn kynnir eftir helgi hugmyndir í gjaldmiðlamálum sem taka mið af núverandi stöðu. Kostir og gallar ólíkra leiða og valkosta eru metnir í skýrslu gjaldmiðlanefndar flokksins sem kynnt verður á opnum fundi á þriðjudaginn. Jóhannes Geir Sigurgeirsson, fyrrverandi Alþingismaður, veitti nefndinni forystu.

Sigurjón á ekki sjéns

Kristinn H. Gunnarsson, þingflokksformaður Frjálslynda flokksins, telur að Sigurjón Þórðarson eigi ekki möguleika á að verða formaður flokksins.

Eggvopni beitt í alvarlegri árás á Þorlákshöfn

Eggvopni var beitt í líkamsárás í Þorlákshöfn í nótt. Árásin var að sögn lögreglu mjög alvarleg og virðist sem litlu hafi mátt muna að bani hafi hlotist af atlögunni. Hópur fólks er í haldi lögreglunnar á Selfossi í tengslum við málið.

Framlengt til að sýna að ekki er búið að ráðstafa starfinu

Umsóknarfrestur um starf forstjóra Landsvirkjunar hefur verið framlengdur, meðal annars til að sýna að ekki sé búið að ráðstafa starfinu.

Fáir fá nýtt MS-lyf

Aðeins tuttugu og fimm af þeim 85 sjúklingum sem læknar hafa metið að þurfi á nýju MS lyfi að halda, hafa fengið lyfið frá áramótum.

Náttúruvernd aldrei verið nauðsynlegri

Aldrei áður hefur verið eins nauðsynlegt að meta gaumgæfilega allar líklegar afleiðingar framkvæmda í náttúrunni og einmitt nú, að mati Þórunn Sveinbjarnardóttur umhverfisráðherra.

Umsóknarfrestur um forstjórastöðu framlengdur

Umsóknarfrestur um forstjórastöðu Landsvirkjunar hefur verið framlengdur um tvær vikur eða til 26. september.

Róleg nótt hjá lögreglunni víðs vegar um landið

Rólegt var hjá lögreglunni á höfuðborgarsvæðinu í nótt og engin alvarleg útköll. Sex voru þó teknir grunaðir um ölvunarakstur.

Harður árekstur á Breiðholtsbraut

Harður árekstur tveggja bifreiða varð á Breiðholtsbraut laust fyrir klukkan tíu í gærkvöldi. Fjórir voru fluttir á slysadeild. Ekki fengust upplýsingar um um líðan þeirra.

Hugmynd Haralds hefur kosti og galla

Hugmynd Haralds Johannessen, ríkislögreglustjóra, að færa fjárveitingar til lögreglumála til embættis ríkislögreglustjóra hefur kosti og galla, að mati Snorra Magnússonar formanns Landssambands lögreglumanna.

Orkuveitan fer yfir öryggismál

Orkuveita Reykjavíkur ætlar að fara yfir öryggismál í spennistöðvum sínum í kjölfar þess að ung stúlka brenndist eftir að hafa stungið reiðhjólastandara inn í spennistöð Hitaveitu Suðurnesja. Ekkert óðelilegt hefur komið í ljós í spenninum, en farið verður yfir málið hjá hitaveitunni svo svona lagað geti ekki endurtekið sig.

Hælisleitandi í hungurverkfalli

Íranskur hælisleitandi hefur setið í hungurverkfalli fyrir utan lögreglustöðina í Reykjanesbæ í rúman sólarhring og bíður þar eftir áheyrn. Annar hælisleitandi segir að lögregla hafi beitt óþarfa hörku við húsleit á fimmtudag.

Kaninn hljóp á sig

Geir H. Haarde forsætisráðherra segir að íslensk stjórnvöld muni grípa til ráðstafana ef ágangur Rússa við Ísland færist í aukana.

Vilja banna veiðar við Reykjavíkurhöfn

Fólk sem veiðir í soðið við Reykjavíkurhöfn stefnir sjófarendum í hættu og verulegt eignatjón hefur hlotist af veiðiskapnum. Formaður siglingaklúbbsins Brokeyjar ætlar að fara fram á það við hafnarstjóra að slíkar veiðar verði bannaðar.

Öklabrotinn gangnamaður sóttur á þyrlu

Þyrla Landhelgisgæslunnar var kölluð út fyrr í dag vegna öklabrotins gangnamanns við Reynistaði í Skagafirði.

Of lítið eftirlit með ólöglegum innflytjendum

Aðgerðir lögregluyfirvalda í fyrradag þar sem leitað var í fórum 42 hælisleitenda sýnir að eftirlit með ólöglegum innflytjendum er allt of lítið, að mati Jóns Magnússonar þingmanns Frjálslynda flokksins.

Magnús: Ingibjörg er slappur leiðtogi

Ingibjörg Sólrún Gísladóttir, utanríkisráðherra og formaður Samfylkingarinnar, er slappur leiðtogi, að mati Magnúsar Stefánssonar þingmanns Framsóknarflokksins.

Sama þótt sér sé líkt við fjöldamorðingja

Guðlaugur Þór Þórðarsson, heilbrigðisráðherra, kippir sig ekki upp við að vera líkt við fjöldamorðingja.

Ráðherra ósammála Ríkislögreglustjóra

Björn Bjarnason, dómsmálaráðherra, deilir ekki þeirri skoðun með Haraldi Johannessen, ríkislögreglustjóra, að færa eigi fjárveitingar til lögreglumála til embættis Ríkislögreglustjóra.

Menningarmiðstöð í Grafarvogi

Síðar í dag verður undirritað samkomulag um rekstur Þjónustu- og menningarmiðstöðvar í Spönginni í Grafarvogi

Lögreglan stöðvar kannabisræktun í Hafnarfirði

Fíkniefni fundust við húsleitir á tveimur stöðum á höfuðborgarsvæðinu á fimmtudagskvöld. Í íbúð í Hafnarfirði stöðvaði lögreglan kannabisræktun og lagði hald á tíu kannabisplöntur. Karlmaður um þrítugt var handtekinn í tengslum við rannsókn málsins.

Launamunur ekki leystur með kjarasamningum

Utanríkisráðherra segir launamun kynjanna algjörlega óviðunandi og að greinilega þýði ekki að taka á þeim í gegnum kjarassamninga. Ingibjörg Sólrún bindur vonir við að nefndir sem skipaðar voru skili hugmyndum sem leiði til breytinga.

Geir: Stjórnarandstaðan hefur ekkert til málanna að leggja

Stjórnarandstaðan sýndi á yfirstandandi septemberþingi að hún hefur ekkert til málanna að leggja í efnahagsmálum, að mati Geirs H. Haarde forsætisráðherra. Sókn stjórnarandstöðunnar hafi leysts upp í innri átök og endað með glæsilegu sjálfsmarki.

Skemmdarvargur á Akureyri

Karlmaður er í haldi lögreglunnar á Akureyri fyrir skemmdarverk sem hann vann á tveimur bílum í bænum í nótt. Ekki er vitað hvað manninum gekk til með verknaðinum. Þá tók lögreglan ökumann grunaðan um akstur undir áhrifum fíkniefna og tveir menn voru handteknir á veitingastað í bænum með fíkniefni í fórum sínum.

Mikið álag á fæðingardeildinni í nótt

Mikið álag var á fæðingardeild Landsspítalans í nótt og í morgun og þegar fréttastofa hafði samband við deildina skömmu fyrir fréttir gátu ljósmæður ekki talað við fréttamann sökum anna.

Reyndu að frelsa félagann úr haldi lögreglu

Þónokkuð var að gera hjá lögreglunni á höfuðborgarsvæðinu í nótt. Til átaka kom í Breiðholti þegar lögreglumenn hugðust handtaka mann. Félagar mannsins ákváðu að reyna að koma honum til bjargar og frelsa hann úr haldi lögreglu.