Náttúruvernd aldrei verið nauðsynlegri

Aldrei áður hefur verið eins nauðsynlegt að meta gaumgæfilega allar líklegar afleiðingar framkvæmda í náttúrunni og einmitt nú, að mati Þórunn Sveinbjarnardóttur umhverfisráðherra.

Þórunn segir í Morgunblaðsgrein í dag að margir telji að samhliða núverandi efnahagslægð þurfi að slaka á kröfum um umhverfisvernd. Þvert á móti segir Þórunn að hægt sé að færa rök fyrir því að aldrei hafi verið eins nauðsynlegt að meta allar afleiðingar við framkvæmdir.

Þórunn bendir á að Ísland tróni efst á lista Sameinuðu þjóðanna yfir þau ríki þar sem velsæld ríkir og ef Íslendingar hafi ekki efni á að gera umhverfisvernd hátt undir höfði og meta áhrif framkvæmda sé erfitt að vænta þess af öðrum þjóðum.