Fíkniefnahandtaka í Hafnarfirði

Tveir karlar á þrítugsaldri voru handteknir í íbúð í Hafnarfirði í gærmorgun en þeir eru grunaðir um fíkniefnamisferli. Þegar lögregluna bar að garði stóð yfir gleðskapur og var ætluðum fíkniefnum hent út um glugga á húsinu. Innandyra fannst meira af ætluðum fíkniefnum en annar hinna handteknu reyndist jafnframt vera eftirlýstur fyrir aðrar sakir.

Skemmdarverk unnin í fjórum grunnskólum

Rúður voru brotnar í að minnsta kosti fjórum grunnskólum í Reykjavík og einum leikskóla í Garðabæ á nýársdag.

Hún á afmæli í dag!

Starfsfólk veitingastaðarins B5 mætti óvenjusnemma til vinnu í dag miðað við að hafa unnið fram undir morgun á nýjársfagnaði. Ástæðan var tveggja ára afmælisveisla Ellu Dísar Laurens. Starfsfólk og skemmtikraftar gáfu vinnu sína til að móðirin gæti haldið stúlkunni, sem er alvarlega veik, veglega afmælisveislu.

Sofnaði undir stýri

Tveir menn slösuðust þegar árekstur varð á Hvalfjarðarvegi, rétt við Lambhaga, um klukkan sjö í morgun. Mennirnir voru ökumenn í sitt hvorri bifreiðinni og voru báðir einir á ferð. Annar þeirra virðist hafa sofnað undir stýri, farið inn á rangann vegarhelming, og ekið framan á bíl sem kom úr gagnstæðri átt. Báðir bílarnir eru gjörónýtir.

Leitarsvæðið víkkað út

Björgunarsveitarmenn af suðvesturhorninu hafa víkkað út það svæði þar sem leitað er að 19 ára pilti, Jakobi Hrafni Höskuldssyni, sem saknað hefur verið frá því í gærmorgun.

Svifryksmengun yfir heilsuverndarmörk þrátt fyrir hvassviðri

Svifryksmengun fór yfir heilsuverndarmörk á nýársdag þrátt fyrir töluvert hvassviðri og úrkomu.

Þrjú verkefni tilnefnd til Eyrarrósarinnar

Karlakórinn Heimir í Skagafirði, tónlistarhátíðin Aldrei fór ég suður á Ísafirði og Safnasafnið við Svalbarðseyri eru tilnefnd til Eyrarósarinnar 2008, sérstakrar viðurkenningar fyrir framúrskarandi menningarverkefni á landsbyggðinni, sem veitt verður á Bessastöðum 10. janúar.

Sharon Stone og moskítónetin

Neyðaraðstoð er flókið fyrirbæri. Stundum væri betur heima setið en af stað farið. Jón Björgvinsson, kvikmyndatökumaður sem er búsettur í Sviss fjallar aðeins um þetta í tímaritinu Lífsstíll.

Tuttugu og níu létust af slysförum á síðasta ári

Tuttugu og níu manns léstust af slysförum hér á landi á síðasta ári samkvæmt samantekt Slysavarnafélagsins Landsbjargar.

Gæsluþyrla tekur þátt í leit að pilti í Reykjavík

Áhöfnin á þyrlu Landhelgisgæslunnar, TF-GNÁ, hefur bætist í hóp þeirra sem leita að Jakobi Hrafni Höskuldssyni, 19 ára pilti sem saknað hefur verið í Reykjavík frá því í gærmorgun. Leitin hefur enn engan árangur borið.

Útvarpsstjóri ætlar að svara kalli Björns

„Þetta er réttmæt ábending og við tökum mark á henni. Við munum fjölga stórlega þeim tilvikum þar sem að þjóðsöngurinn er sunginn,“ segir Páll Magnússon útvarpsstjóri um þá gagnrýni Björns Bjarnasonar dóms- og kirkjumálaráðherra að þjóðsöngurinn sé alltaf spilaður en ekki sunginn á RÚV.

Fjölskylda Ásgeirs djúpt snortin

Fjölskylda Ásgeirs Lýðssonar, tæplega tveggja ára drengs á Selfossi sem þjáist af nýrnasjúkdómi og litningagalla, er afar þakklát fyrir stuðning sem þau hafa fengið eftir umfjöllun á Vísi fyrir jól. “Við erum djúpt snortin yfir viðbrögðum fólks og viljum koma á framfæri þakklæti til allra þeirra sem hafa stutt okkur” segir Ágústa Sigurðardóttir, móðir Ásgeirs.

ASÍ og SA funda um kjaramál á föstudag

Alþýðusamband Íslands hyggst funda með Samtökum atvinnulífsins á föstudag um kjarasamninga sem losnuðu um áramótin.

Reyk frá Ægissíðubrennu lagði alla leið út á Granda

Óvenju mikinn reyk lagði frá brennunni á Ægissíðu í gærkvöldi og um tima áttu ökumenn í erfiðleikum vegna lélegs skyggnis.

Tjón af völdum veggjakrots gæti numið milljónum

Lögregla handtók þrjá sautján ára pilta undir morgun á Laugaveginum í morgun, grunaða um veggjakrot á mörg hús við Laugaveginn og jafnvel víðar. Tjónið gæti hlaupið á milljónum króna.

Starfsmönnum samgönguráðuneytis fjölgar um þriðjung

Starfsmönnum samgönguráðuneytisins fjölgar nú um áramótin um þriðjung þegar ýmis verkefni verða færð til ráðuneytisins. Meðal þeirra verkefna sem ráðuneytið tekur við er rekstur Keflavíkurflugvallar og málefni Flugmálastjórnar.

Farþegum Flugfélags Íslands fjölgar um 14 prósent milli ára

Farþegum með Flugfélagi Íslands fjölgaði um 14 prósent á milli áranna 2006 og 2007 og hafa aldrei fleiri flogið með félaginu í tíu ára sögu þess.

Umdeildur dómari veikur fyrsta daginn

Samkvæmt upplýsingum frá Héraðsdómi Norðurlands Eystri tilkynnti Þorsteinn Davíðsson sig veikan í morgun, í þann mund sem fyrsti formlegi vinnudagur hans eftir umdeilda stöðuveitingu var að hefjast.

Ólöf Ýrr nýr ferðamálastjóri

Ólöf Ýrr Atladóttir hefur verið ráðin ferðamálastjóri frá og með áramótum samkvæmt ákvörðun Össurar Skarphéðinssonar iðnaðaráðherra sem tók við málefnum ferðaþjónustunnar um áramótin.

Um 130 leita Jakobs og fleiri leitarmenn væntanlegir

Um 130 björgunarsveitarmenn leita nú að Jakobi Hrafni Hökuldssyni, 19 ára pilti sem saknað hefur verið í Reykjavík frá því í gærmorgun.

Guðni Jóhannesson nýr orkumálastjóri

Össur Skarphéðinsson iðnaðarráðherra hefur ráðið doktor Guðna A. Jóhannesson prófessor, sem nú gegnir stöðu forstöðumanns Byggingartæknideildar Konunglega Verkfræðiháskólans í Stokkhólmi, sem orkumálastjóra frá 1. janúar 2008 til næstu fimm ára.

Stílbrot á fánalögum hjá forseta að mati dómsmálaráðherra

Björn Bjarnason dómsmálaráðherra gerir að umtalsefni á heimasíðu sinni uppsetninguna á íslenska fánanum í nýársávarpi forseta Íslands. Segir Björn að uppsetningin sé "stílbrot" þar sem fáninn hafi staðið röngu megin við forsetann.

Fimmtán létust í umferðinni árið 2007

Fimmtán manns létust í jafnmörgum umferðarslysum á nýliðnu ári eða rúmlega helmingi færri en árið á undan, en þá lést 31. Í þremur tilvikum var um bifhjólaslys að ræða og jafnoft létust erlendir vegfarendur.

Kafarar leita að pilti í og við Elliðaárnar

Kafarar á vegum björgunarsveitanna á höfuðborgarsvæðinu leita nú að 19 ára pilti, Jakobi Hrafni Höskuldssyni, í Elliðaánum og við árnar en hans hefur verið saknað frá því í gærmorgun.

Póstkassar teknir niður á nokkrum stöðum vegna skemmdarverka

Íslandspóstur hyggst taka niður nokkra póstkassa á höfuðborgarsvæðinu, meðal annars vegna lítillar notkunar og ítrekaðra skemmdarverka sem unnin hafa verið á þeim.

Lögreglan á Suðurnesjum í sannkölluðu nýárshlaupi

Lögreglan á Suðurnesjum elti í gærmorgun uppi þrjá menn sem reyndu að komast undan eftir að lögregla hafði afskipti af þeim vegna gruns um akstur undir áhrifum vímuefna.

Þrír handteknir fyrir veggjakrot

Lögregla handtók þrjá sautján ára pilta undir morgun á Laugaveginum í morgun, grunaða um veggjakrot á þó nokkur hús í grenndinni.

Níu útköll í gærkvöldi vegna elda

Slökkviliðið á höfuðborgarsvæðinu var kallað út níu sinnum í gærkvöldi og fram á nótt vegna elda, en engan sakaði í þeim.

Lögreglan á höfuðborgarsvæðinu lýsir eftir 19 ára dreng

Lögreglan á höfuðborgarsvæðinu lýsir eftir 19 ára dreng Jakobi Hrafni Höskuldssyni, sem síðast sást við Broadway um kl. 05.30 aðfaranótt nýársdags.

Fréttaannáll Stöðvar 2

Brennur tendraðar klukkan sex

Brennur á höfuðborgarsvæðinu verða haldnar klukkan sex í kvöld fyrir utan brennur á Seltjarnarnesi og í Hafnarfirði sem verða haldnar á þrettándanum. Þetta var ákveðið á fundi slökkviliðs og lögreglu rétt fyrir hádegi í dag. Öllum brennum á höfuðborgarsvæðinu var aflýst í gær sökum veðurs. Að sögn slökkviliðsstjóra höfuðborgarsvæðisins er spáð 5-10 metrum á sekúndu og lítilsháttar éljum í kvöld.

Ellefu fengu fálkaorðuna

Við athöfn á Bessastöðum í dag, 1. janúar 2008 sæmdi forseti Íslands ellefu Íslendinga heiðursmerki hinnar íslensku fálkaorðu.

Eldur kom upp í tilvonandi áhaldahúsi Hafnarfjarðarbæjar

Eldur kom upp í nýbyggingu sem verktakafyrirtækið Eykt reisir á Miðhellu í Hafnarfirðinum. Byggingunni er ætlað að hýsa áhaldahús bæjarins þegar fram líða stundir. Talið er líklegt að um íkveikju sé að ræða og er tjónið töluvert þó húsið sé tómt. Mikill hiti myndaðist inni í húsinu og stálbitar í lofti þess eru taldir hafa bognað af völdum hitans.

Ólafur Ragnar ætlar að bjóða sig fram í annað kjörtímabil

Ólafur Ragnar Grímsson, forseti Íslands, tilkynnti í áramótaávarpi sínu nú rétt í þessu að hann hyggist gegna embættinu áfram í annað kjörtímabil, fái hann til þess stuðning hjá íslensku þjóðinni.

Fyrsta barn ársins fimmtán marka stúlka

Fyrsta barn ársins, eftir því sem næst verður komist, fæddist í Hreiðrinu á Kvennadeild Landspítalans í Reykjavík klukkan fimm mínútur yfir eitt í nótt. Það reyndist stúlka og var annað barn foreldra sinna.

Einbýlishús á Eskifirði skemmdist í eldi

Eldur kom upp í einbýlishúsi á Eskifirði skömmu fyrir miðnætti í gærkvöld. Eldurinn breiddist út á skömmum tíma og logaði glatt í miðrými hússins. Tvo klukkutíma tók að slökkva eldinn og urðu miklar skemmdir á húsinu. Engan sakaði og voru eigendur hússins ekki heima.

Sextíu hófu árið á slysadeild

Sextíu manns á öllum aldri komu á slysadeild Landspítalans á nýársnótt vegna ýmiss konar áverka. Þrír voru lagðir inn með beinbrot. Að sögn vakthafandi læknis voru einhverjir með brunasár á höndum og í andliti eftir notkun flugelda en þó engin alvarleg tilvik.

Erilsamt hjá lögreglu í Reykjavík

Nóttin var erilsöm hjá lögreglunni á höfuðborgarsvæðinu aðallega vegna almennrar ölvunar. Karlmaður á fertugsaldri var handtekinn í Breiðholti í nótt eftir að hann hafði lagt til annars manns með hníf og veitt honum áverka á hálsi.

Eldsvoðar í Gilsbúð og í Álakvísl

Nýársnóttin var tiltölulega róleg hjá Slökkviliði Höfuðborgarsvæðisins en þó voru tvö tiltölulega stór útköll. Eldur var borinn að stæðu af vörubrettum fyrir utan iðnaðarhúsnæði Gilsbúð í Garðabænum og logaði þar glatt. Rúða sprakk í hitanum frá eldinum og fór reykur inn í húsnæðið. Að sögn slökkviliðs mátti litlu muna að eldurinn kæmist ekki inn þar sem töluverður eldsmatur var.