Fleiri fréttir

Hlemmur-Selfoss

Bæjarráð í Árborg og bæjarstjórnin í Hveragerði samþykktu í gær að fela bæjarstjórum sveitarfélaganna að ræða við strætó bs. um möguleika á strætóferðum milli Reykjavíkur og Selfoss um Hveragerði.

Loðnukvótinn tvöfaldaður

Sjávarútvegsráðherra hefur ákveðið að auka loðnukvótann í 210 þúsund tonn en áður hafði hann gefið út 100 þúsund tonna kvóta. Íslensk skip fá að veiða 150 þúsund tonn af heildarkvótanum. Þetta gerir hann samkvæmt ráðleggingum Hafrannsóknastofnunar.

Draga ber úr eftirliti á heimavist

Stjórnendur Menntaskólans á Egilsstöðum verða að taka niður fimm af tólf eftirlitsmyndavélum sem hafa verið notaðar til eftirlits í heimavist skólans. Persónuvernd kannaði málið eftir að athugasemd barst frá nemanda í skólanum.

Tvöfalt fleiri á móti virkjun en með henni

65 prósent landsmanna eru andvíg því að ráðist verði í byggingu Norðlingaölduveitu samkvæmt niðurstöðum könnunar sem birt er í nýjum Þjóðarpúlsi Gallup.

Mikið framboð á millilandaflugi

SAS flugfélagið ætlar að hefja áætlunarflug á milli Oslóar og Keflavíkur í sumar og eins og greint hefur verið frá ætlar breski flugrisinn British Airways að hefja áætlunarflug á milli Keflavíkur og London í mars. Til að byrja með býður félagið fargjald á aðeins sex þúsund krónur aðra leiðina, með flugvallarskatti. Þá er Iceland Express að auka ferðatíðni sína og bæta sex nýjum áfangastöðum við ytra, auk þess sem félagið er að hefja áætlunarlfug á milli Akureyrar og Kaupmannahafnar. Loks hafa Flugleiðir engin áform um að draga úr ferðatíðni sinni þannig að nú stefnir í lang mesta sætaframboð í millilandaflugi til þessa.

Lítið meiddur eftir margar veltur

Ökumaður pallbíls, sem valt margar veltur eftir þjóðveginum austan við Hvolsvöll síðdegis í gær, slapp ótrúlega lítið meiddur að sögn sjónarvotta. Þegar bíllinn nam loks staðar, gerónýtur, var hann enn uppi á veginum, en svo vel vildi til að enginn bíll kom á móti í sömu andrá og bíllinn valt. Tildrög veltunnar liggja ekki fyrir, en engin hálka var á veginum og skyggni gott. Slökkvilið var kallað á vettvang til að hreinsa olíu og bensín af veginum.

Tveir þriðju vilja álver

Tveir af hverjum þremur íbúum í Reykjanesbæ eru hlynntir því að álver verði reist í Helguvík. Þetta kemur fram í nýrri skoðanakönnun sem Gallup gerði fyrir Hitaveitu Suðurnesja. Nítján prósent íbúa eru andvíg álveri en fimmtán prósent taka ekki afstöðu.

Tilboð í IcelandExpress

Ekki fæst upp gefið hverjir eða hversu margir skiluðu inn óbundnum tilboðum í flugfélagið Iceland Expres, sem KB banki hefur til sölumeðferðar, en tilboðsfrestur rann út í vikunni. Félagið er til sölu þar sem eigednur þess eru orðnir stórir hluthafar í FL Group, en félögin eru í beinni samkeppni.

Vilja lækka skatta á eftirlaun

Sex þingmenn Samfylkingarinnar hafa lagt fram tillögu til þingsályktunar um að skattar á eftirlaun og ellilífeyri verði lækkaðir. Í rökstuðningi við tillöguna segir að eftirlaun og ellilífeyrir séu tvö- og jafnvel þrísköttuð og því sé réttast að lækka skatta á þeim.

Utanríkismálanefnd boðuð til fundar

Utanríkismálanefnd Alþingis var í gærkvöld, óvænt boðuð til fundar með Geir H. Haarde utanríkisráðherra, klukkan ellefu í dag. Ný staða er nú uppi í varnarviðræðunum, eftir að Íslendingar buðust til að taka við rekstri björgunarþyrlusveitar varnarliðsins.

Fræðaþing landbúnaðarins viðamikið að vanda

Átrúnaður og hefðir í sauðfjárbúskap er meðal þess sem hægt er að kynna sér á Fræðaþingi landbúnaðarins sem hófst í dag. Fræðaþingið er árlegur viðburður en þar er kynnt nýsköpun í landbúnaði, skógrækt og landgræðslu, ásamt niðurstöðum úr hagnýtum rannsóknum í jarðrækt og búfjárrækt.

Fréttablaðið ekki laust við áreiti eigenda og yfirmanna?

Sú staðreynd að ritstjórnarfulltrúi Fréttablaðsins gat birt gagnrýninn leiðara um málsvörn framkvæmdastjóra 365-miðla gerði það að verkum að ég trúði því loks að Fréttablaðið væri laust við áreiti af hálfu eigenda og æðstu yfirmanna fyrirtækisins. Þetta skrifaði fyrrverandi formaður Samfylkingarinnar, nokkurn veginn orðrétt, í pistli á heimasíðu sinni í fyrradag, en um það bil á sama tíma var verið að segja ritstjórnarfulltrúanum upp störfum.

Hækka laun á Akranesi

Bæjarráð Akraness samþykkti á fundi sínum í gær að fullnýta heimildir Launanefndar sveitarfélaga til að hækka laun leikskólakennara og hækka laun þeirra starfsmanna sem lægst launin hafa. Laun hinna lægst launuðu hækka því um allt að tólf prósent.

Forsetafrúin hneig niður

Dorrit Moussaieff forsetafrú fékk aðsvif og hneig óvænt niður þegar hún heilsaði gestum við upphaf afhendingar Íslensku bókmenntaverðlaunanna á Bessastöðum í gær. Ekki er vitað hvað olli aðsvifinu en Örnólfur Thorsson forsetaritari sagði í viðtali við Fréttablaðið að Dorrit hefði dregið sig í hlé frá athöfninni og ekki tekið þátt í henni frekar.

Ferðakaupstefna sett í Reykjavík

Um 450 mans frá 17 löndum eru nú staddir hér á landi í tilefni Mid-Atlantic, ferðakaupstefnu Icelandair. Kaupstefnan var sett í ráðhúsinu nú undir kvöld og lýkur á sunnudag.

Nánast ómögulegt að vera ritstjóri og sitja í stjórnarskrárnefnd samtímis

Það verður mjög erfitt fyrir Þorstein Pálsson að vera óháður ritstjóri Fréttablaðsins á meðan hann er talsmaður Sjálfstæðisflokksins í stjórnarskrárnefnd. Þetta segir ritstjórinn fyrrverandi, Össur Skarphéðinsson, sem einnig situr í nefndinni. Hann segir jafnframt að átök hafi átt sér stað innan nefndarinnar sem hann kveðst eiga von á að eigi eftir að harðna þegar fram í sækir.

Vöruskiptahallinn áfram mikill

Íslendingar halda áfram að flytja mun meira af vörum til landsins en frá því. Vöruskiptahallinn í janúar er um helmingi meiri í ár en í janúar á síðasta ári.

Formaður Gusts segir af sér

Þóra Ásgeirsdóttir, formaður hestamannafélagsins Gust, sagði af sér formennsku á félgasfundi Gusts í kvöld. Þóra taldi sig ekki hafa nægan stuðning félagsmanna til að takast á við uppkaup á hesthúsum á svæðinu. Fjárfestar eiga nú þegar tæplega helming af húsum á svæðinu. Meirihluti félagsmanna vill að nýtt athafnasvæði verði gert fyrir félagið á Kjóavöllum en Þóra vill hins vegar ekki flytja starfsemi félagsins frá Glaðheimum.

Baugur vill kaupa Thorntons

Baugur hafi augastað á breska smásölufyrirtækinu Thorntons sem rekur súkkulaðiverslanir. Talið er að forsvarsmenn Baugs sjái þar mögleika á samstarfi milli Thorntons, te og kaffiverslana Whittards of Chelsea, sem Baugur hefur gert yfirtökutilboð í, og heilsuverslanna Julians Graves, sem Baugur á meirihluta í.

Dorrit fékk aðsvif

Dorrit Moussaieff, forsetafrú, fékk aðsvif við upphaf afhendingar Íslensku bókmenntaverðlaunna í dag. Örnólfur Thorsson forsetaritari segir að Dorrit hafi ekki getað tekið þátt í athöfn bókmenntaverðlaunanna. Hún fer í rannsóknir á morgun vegna aðsvifsins.

Kvikmynd um laxveiði frá árinu 1947 finnst

Við tiltekt í kompu Stangaveiðifélags Reykjavíkur fundust óvænt 16 millímetra filmur með kvikmynd Kjartans Ó. Bjarnasonar prentara um laxveiðar hér á landi á fimmta áratugnum. Þetta er hrein gersemi laxveiðimanna og einstök söguleg heimild.

Guðfinna Einarsdóttir fagnar 109 ára afmæli í dag

Elsti Íslendingurinn sem sögur fara af er Guðfinna Einarsdóttir. Á langri ævi hennar hafa átta þjóðhöfðingar verið yfir Íslandi, þar af þrír konungar, en þegar hún fæddist árið 1897 var Kristján níundi konungur Íslands.

Varnarviðræður hafnar að nýju

Nýr flötur er kominn á viðræður íslenskra og bandarískra stjórnvalda um áframhaldandi varnarsamstarf ríkjanna en Íslendingar hafa boðist til að taka við rekstri björgunarþyrlusveitar varnarliðsins. Viðræður ríkjanna hófust að nýju í Washington í dag eftir nokkurt hlé.

Netheimur varar við Kama Sutra veirunni

Tölvuveiran Kama Sutra mun ráðast á sýktar tölvur á morgun 3. febrúar. Nyxem-D veiran eða Kama Sutra Veiran eins og flestir þekkja hana, sem sýnir sig í myndum af Kama Sutra, hefur mikinn eyðileggingarmátt (destructive payload), og fer í gang 30 mínútum eftir að tölvan hefur verið ræst 3ja dag hvers mánaðar.

Gjaldfrjálsir leikskólar í Reykjavík 2008

Leikskóladvöl í Reykjavík verður gjaldfrjáls haustið 2008 samkvæmt frumvarpi að þriggja ára áætlun um rekstur, fjárfestingar og fjármál Reykjavíkurborgar sem Steinunn Valdís Óskarsdóttir borgarstjóri lagði fram á fundi borgarráðs í dag.

Áfram stefnt að styttingu en hlustað á gagnrýnisraddir

Menntamálaráðherra og kennaraforystan ætla að vinna saman að heildarendurskoðun á námi í tengslum við fyrirhugaða styttingu á námstíma til stúdentsprófs. Áfram er þó stefnt að styttingu náms til stúdentsprófs en menntamálaráðherra segir að tekið verði tillit til þeirra gagnrýnisradda sem fram hafi komið í málinu.

Ríkið sýknað af bótakröfu drengs með heilalömun

Hæstiréttur sýknaði í dag ríkið af bótakröfu fatlaðs drengs sem varð fyrir heilaskaða á síðustu dögum meðgöngu hans árið 2002. Aðstandendur drengsins töldu að um mistök starfsfólks Landsspítalans sé ástæða þess að hann er í dag með heilalömun.

Tekist á um umhverfismál á þingi

Þingmaður vinstri - grænna segir nýja úttekt Ríkisendurskoðunar á aðild Íslands að Samningnum um líffræðilega fjölbreytni áfellisdóm yfir stjórnvöldum í umhverfismálum. Umhverfisráðherra hafnar því og segir stefnumótunartillögu í umhverfismálum að vænta á þessu ári.

Sumarljós og svo kemur nóttin hlýtur Íslensku bókmenntaverðlaunin

Sumarljós og svo kemur nóttin eftir Jón Kalman Stefánsson hlýtur Íslensku bókmenntaverðlaunin í ár í flokki fagurbókmennta. Þá fékk Kristín G. Guðnadóttir, Eiríkur Þorláksson, Matthías Johannessen og Silja Aðalsteinsdóttir og fleiri verðlaunin í flokki fræðirita fyrir bók sína Kjarval. Ólafur Ragnar Grímsson, forseti Íslands, tilkynnti þetta við hátíðlega athöfn á Bessastöðum í beinni útsendingu hér á NFS á fimmta tímanum.

Hringsnerist ef ég reyndi að sætta alla

Einar K. Guðfinnsson sjávarútvegsráðherra segir erfitt að ná niðurstöðu um loðnuveiðar, ef sætta eigi þá sem gagnrýna hann fyrir að úthluta of litlum loðnukvóta og þá sem gagnrýna hann fyrir að leyfa veiðar yfir höfuð.

Frambjóðendur Samfylkingarinnar í Kópavogi

Prófkjör Samfylkingarinnar verður haldið laugardaginn 4. febrúar næstkomandi. Meðfylgjandi er listi frambjóðenda ásamt sætum sem þau sækjast eftir í prófkjörinu. Búist er við fyrstu tölum um kl. 21.00 sama dag.

Menntamálaráðherra hlustaði á rödd skynseminnar

Björgvin G. Sigurðsson, þingmaður Samfylkingar, óskaði menntamálaráðherra til hamingju með að hafa loksins hlustað á rödd skynseminnar með því að falla frá áætlunum um að þröngva styttingu náms til stúdentsprófs upp á kennara og menntakerfið. Menntamálaráðherra og forsvarsmenn Kennarasambands Íslands undirrituðu í dag samkomulag um að vinna saman að heildarendurskoðun á námi í tengslum við fyrirhugaða styttingu á námstíma til stúdentsprófs.

Langlundargeðið á þrotum

Slökkviliðs- og sjúkraflutningamenn eru orðnir þreyttir á því hve dregist hefur að ganga frá kjarasamningum þeirra við Launanefnd sveitarfélaga.

Bókmenntaverðlaunin veitt í dag

Íslensku bókmenntaverðlaunin verða afhent við hátíðlega athöfn á Bessastöðum klukkan 16 í dag. Veitt verða verðlaun í flokki fræðirita og fagurbókmennta. Sýnt verður beint frá afhendingu verðlaunanna á NFS klukkan fjögur í dag.

Samstarf um heildarendurskoðun náms

Menntamálaráðherra og forsvarsmenn Kennarasambands Íslands undirrituðu í dag samkomulag um að vinna saman að heildarendurskoðun á námi í tengslum við fyrirhugaða styttingu á námstíma til stúdentsprófs.

Ferðist langar leiðir í ökunám

Fjöldi ökunema þarf að ferðast tugi og jafnvel hundruð kílómetra til að afla sér þjálfunar sem sett verður sem skilyrði fyrir veitingu ökuskírteinis taki ný reglugerð um ökunám gildi óbreytt.

Fær í fyrsta lagi orku eftir fjögur ár

Álver í Helguvík í Reykjanesbæ getur í fyrsta lagi fengið orku til fyrsta áfanga versins eftir fjögur til fimm ár. Landsvirkjun er ekki aflögufær með orku og pólitísk ákvörðun kemur í veg fyrir að Orkuveita Reykjavíkur selji þangað orku.

Ræða varnarmál í dag

Viðræður um varnarmál milli Íslands og Bandaríkjanna hefjast á nýjan leik í Washington í dag. Albert Jónsson sendiherra fer fyrir íslensku sendinefndinni, en Robert Loftus, sendiherra í utanríkisráðuneyti Bandaríkjanna leiðir viðræðurnar fyrir þeirra hönd.

Í harða samkeppni við flugfélögin

Flugleiðir og Iceland Express eiga von á harðri samkeppni innan tíðar við British Airways á flugleiðinni á milli Íslands og London. Breska flugfélagið hefur áætlunarflug í mars og mun í fyrstu bjóða aðra leiðina á rúmar sex þúsund krónur og fulla þjónustu um borð. Talsmaður British Airways á Íslandi segir félagið komið til að vera.

Sjá næstu 50 fréttir

Mest lesið