Fleiri fréttir

Fjórða fíkniefnamálið í Kópavogi á einum sólarhring

Lögreglan í Kópavogi, ásamt sérsveitarmönnum frá Ríkislögreglustjóra, tollgæslumönnum og fíkniefnahundi frá Hafnarfirði gerði húsleit í þremur íbúðum í Kópavogi í nótt og fann talsvert af fíkniefnum.

Við vorum svangir

Brasilíumennirnir sem unnu við að setja upp gifsveggi fyrir Nýgifs fengu aldrei greidd mánaðarlaun. Ekki var gerður við þá skriflegur ráðningarsamningur. Þeir lögðu eitt sinn niður vinnu vegna þess að þeir áttu ekki peninga fyrir mat.

Segja launin vera langt undir lágmarkstaxta

Guðmundur Ómar Guðmundsson, formaður Félags byggingarmanna í Eyjafirði, segir tvö fyrirtæki á Akureyri, SS Byggi og Glugga, greiða tékkneskum starfsmönnum fyrirtækjanna lægri laun en lögbundnir lágmarkstaxtar kveði á um.

Notaði dúkahníf við nauðgun

Hæstiréttur þyngdi í gær um hálft ár refsingu manns sem Héraðsdómur Reykjavíkur dæmdi í apríl í tveggja ára fangelsi fyrir að nauðga konu sem hann hafði áður átt í sambandi við. Þá stóð ákvörðun um 700.000 króna miskabætur.

Samfylkingin tapar enn fylgi

Samfylkingin tapar fylgi sjötta mánuðinn í röð samkvæmt nýrri mælingu Þjóðarpúls Gallup. Að öðru leyti eru litlar breytingar á fylgi flokka í könnuninni, sem unnin var dagana 26. til 28. nóvember. Samfylkingin mælist með rúmlega 25 prósenta fylgi, en var með um 28 prósenta fylgi í síðustu könnun Þjóðarpúlsins.

Almenn andstaða við einkavæðingu

Aðeins einn af hverjum fjórum er hlynntur einkavæðingu heilbrigðiskerfisins, að því er fram kemur í nýjum þjóðarpúlsi Gallup. Tæplega einn af hverjum þremur er hlynntur einkavæðingu Landsvirkjunar. Tæp sextíu prósent eru andvíg einkavæðingu skóla, en almennt eru karlar hlynntari einkavæðingu en konur, nema hvað færri karlar vilja einkavæða Landvirkjun en konur.

Thelma er ljósberi ársins

Thelma Ásdísardóttir, sem nýlega hreif þjóðina með sér fyrir það hugrekki að segja frá þeirri reynslu sinni er hún var misnotuð af föður sínum og öðrum mönnum, mun í dag hlotnast sú viðurkenning að vera Ljósberi ársins.

Listamenn fá bætur vegna skemmda á verkum

Hæstiréttur hefur staðfest dóm héraðsdóms í málum sem listamennirnir Rúrí og Bjarni Sigurbjörnsson höfðuðu á hendur ríkinu vegna skemmda sem urðu á listaverkum þeirra sem sett voru upp á Þingvöllum árið 2000 í tengslum við Kristnihátíð.

Tíu árum síðar á ferðinni en annars staðar

Fjölgun öryrkja hérlendis á undanförnum árum er ekkert einsdæmi. Öryrkjum tók að fjölga á Vesturlöndum upp úr 1980 og þróunin hér er aðeins tíu árum síðar á ferðinni en annars staðar segir Stefán Ólafsson prófessor.

Stjórnvöld þögul um framtíð hátækniiðnaðarins

Stjórnvöld þegja þunnu hljóði um hugsanlegar aðgerðir til að gera starfsumhverfi hátæknifyrirtækja hér á landi bærilegra. Á meðan er tugum starfsmanna sagt upp og mörg fyrirtækjanna hyggjast flytja starfsemi sína úr landi.

Settu heimsmet í línuveiði

Áhöfnin á Guðbjörgu ÍS setti heimsmet í nóvembermánuði, þegar hún fiskaði 180 tonn á línu í mánuðinum.

Áreitninefnd starfandi hjá Reykjavíkurborg

Sérstök áreitninefnd er starfandi vegna áreitni sem starfsmenn Reykjavíkurborgar, sérstaklega þeir sem starfa að félagsmálum, verða fyrir. Tilvikin geta skipt tugum á ári.

Styrkjum úthlutað úr Kristnihátíðarsjóði

96 milljónum var úthlutað úr Kristnihátíðarsjóði í dag en þetta er í síðasta skipti sem úthlutað er úr sjóðnum. Hólarannsókn hlaut hæsta styrkinn, tólf milljónir króna, en það er jafnframt hæsti styrkurinn sem veittur hefur verið úr sjóðnum.

Mesti verðmunur 107 prósent

Það skiptir máli hvar fólk kaupir inn til jólanna. Samkvæmt verðkönnun ASÍ munar allt að 107 prósentum á klassískum jólavörum, mestu á Jólasíld sem kostar 289 krónur í Bónus en 599 krónur í 10-11. Verð 34 vara var skoðað.

Brasilíumenn af landi brott í fyrramálið

Fimm brasilískir verkamenn, sem leituðu til Samiðnar vegna vangoldinna launa í gær, fara úr landi í fyrramálið. Samiðn telur þá eiga samtals um þrjár milljónir króna hjá fyrirtækinu Nýgifsi sem þeir unnu fyrir.

Hæstiréttur sýknaði fyrrverandi starfsmenn Iceland Seafood

Hæstiréttur sýknaði í dag fyrrverandi starfsmenn Iceland Seafood af kröfum fyrirtækisins. Mennirnir hættu hjá fyrirtækinu, lögbann var sett á þá, en þeir segjast ekki hafa byrjað hjá keppinautnum, fyrr en lögbanninu lauk.

Ramadi hertekin í morgun

Yfir fjögur hundruð uppreisnarmenn hertóku miðborg Ramadi í Írak í morgun. Ekki hafa fengist upplýsingar um mannfall en á veggspjöldum sem hafa verið hengd upp um alla borg segir að al-Qaida hafi náð völdum í borginni.

Líklega gengið frá kaupum fyrir áramótin

Magnús Kristinsson, útgerðarmaður, hefur gert tilboð í Toyota-umboðið, P. Samúelsson hf. Búist er við að gengið verði frá kaupum hans á þessu stærsta bílaumboði landsins fyrir áramót.

Mikill áhugi fyrir tónleikum gegn virkjanastefnu

Miðar í stúku seldust upp á aðeins fjórum mínútum á stórtónleika gegn virkjanastefnu, en þar munu margir af helstu tónlistarmönnum Íslands koma fram auk erlendra tónlistarmanna. Mikill áhugi er fyrir tónleikunum en erlendir tónlistamenn hafa beðið um að fá að koma fram á tónleikunum.

Sakfelldur fyrir skilorðsrof og dæmdur í ársfangelsi

Hæstiréttur dæmdi í dag karlmann í eins árs fangelsi fyrir að hafa með fíkniefnabroti rofið skilorð. Rétturinn þyngdi dóm Héraðsdóms Norðurlands eystra um átta mánuði og staðfesti jafnframt upptöku á amfetamíni og e-pillum sem fundust á manninum á dansleik á Akureyri í fyrra.

Sjúkraliðar samþykkja samning

Sjúkraliðar sem starfa á Hjúkrunarheimilunum Eir og Skjóli í Reykjavík hafa samþykkt kjarasamning. Samningurinn var undirritaður á fimmtudag í síðustu viku en samþykktur í atkvæðagreiðslu í dag.

Yngsta fólkið óttast ekki verðbólgu

Verðbólga veldur sextán til 24 ára fólki minnstum áhyggjum en 25 til 34 ára fólki mestum áhyggjum. Þetta kemur fram í viðhorfskönnun Gallup fyrir Samtök iðnaðarins. Þar kemur fram að 54 prósent aðspurðra sögðu mikla verðbólgu valda sér mjög eða frekar miklum áhyggjum en 37 prósent sögðu hana valda sér mjög eða frekar litlum áhyggjum.

Búist við jákvæðri rekstrarniðurstöðu hjá borgarsjóði

Hreinar skuldir borgarsjóðs Reykjavíkur hafa lækkað um 1,4 milljarða króna samkvæmt árshlutauppgjöri sem lagt var fyrir borgarráð í dag. Í tilkynningu frá borgarstjóra segir að rekstrarniðurstaða borgarsjóðs 30. september 2005 hafi verið jákvæð um 743 milljónir króna, en samkvæmt útkomuspá verður niðurstaðan í árslok hagstæð sem nemur 549 milljónum.

Drengur hætt kominn í sundlaug Bolungarvíkur

Ellefu ára drengur var hætt kominn í sundkennslu í sundlauginni í Bolungarvík í morgun þegar hann var að leik. Drengurinn lét sig fljóta með andlitið í kafi en þegar hann hafði verið þannig nokkuð lengi fór félaga hans að gruna að ekki væri allt með felldu.

Skattbyrðin hefur tvöfaldast

Skattbyrði öryrkja hefur aukist mjög síðasta áratuginn samkvæmt nýrri rannsókn Stefáns Ólafssonar prófessors. Skattbyrði einhleypra öryrkja hefur farið úr sjö prósentum í sautján prósent, eða rúmlega tvöfaldast, og skattbyrði öryrkja í sambúð hefur aukist um 60 prósent.

Borgarráð samþykkir tilboð í Heilsuverndarstöðina

Borgarráð samþykkti á fundi sínum í dag að taka tilboði verktakafyrirtækisins Mark-Húsa í Heilsuverndarstöðina við Barónsstíg. Þar með er ljóst að fyrirtækið eignast húsið. Mark-Hús buðu 980 milljónir króna í húsið, um fimmtíu milljónum meira en sá sem átti næsthæsta tilboð.

Skrifað undir viljayfirlýsingu um listdanskennslu

Í dag var undirrituð viljayfirlýsing milli menntamálaráðuneytis, Menntaskólans við Hamrahlíð og Dansmenntar ehf. um samstarf um listdansnám á framhaldsskólastigi. Dansmennt tekur því við hlutverki Listdansskóla Íslands sem lagður verður niður í vor.

Allt að 300 prósenta munur

Það munar allt að 300 prósentum á hæsta og lægsta verði bökunarvara samkvæmt verðkönnun ASÍ. Í meira en helmingi tilfella munar 50 prósentum eða meira í verði milli verslana en kannað var verð 45 vörutegunda. Í tíu tilvikum var verðmunurinn meira en 100 prósent.

Þórunn Björnsdóttir fær Barnamenningarverðlaununum árið 2005

Þórunn Björnsdóttir, kórstjóri Skólakórs Kársness, tók við Barnamenningarverðlaununum árið 2005. Þetta er í fyrsta sinn sem veðlaunin eru veitt en Kári Stefánsson, forstjóri Íslenskrar erfðagreiningar, veitti verðlaunin í húsakynnum fyrirtækisins fyrr í dag.

Roger Moore kynnti hæsta framlag íslenskra fyrirtækja til þróunarhjálpar

Þrjú íslensk stórfyrirtæki ætla að veita Barnahjálp Sameinuðu þjóðanna, UNICEF, 135 milljónir króna í styrk til þróunarhjálpar í Afríkuríkinu Gínea-Bissá. Þetta er hæsta framlag íslenskra fyrirtækja til þróunarhjálpar sem veitt hefur verið. Sir Roger Moore, velgjörðarsendiherra Sameinuðu þjóðanna, kom hingað til lands af þessu tilefni.

Össur kaupir stærsta stoðtækjafyrirtæki Bretlands

Össur hefur keypt stærsta dreifingar- og sölufyrirtæki á stoðtækjum í Bretlandi. Kaupverðið á fyrirtækinu Innovative Medical Products Holding er átján og hálf miljón bandaríkjadala eða um tolf hundruð milljónir króna.

Ekki aðgengi fyrir alla í norrænum þinghúsum

Ekki er aðgengi fyrir alla í norrænu þinghúsunum samkvæmt könnun sem sem norræna samstarfsnefndin um málefni fatlaðra gerði á aðgengismálum. Í könnuninni kemur fram að nær ómögulegt er fyrir þá sem eru í hjólastól að flytja ræðu í ræðustólum húsanna og þá er aðgengi fatlaðra að vefupplýsingum ekki nægilega gott.

Einfætt íþróttahetja á Íslandi

Sarah Reinersten varð fyrsta aflimaða konan til að ljúka hinni svokölluðu Járnkalla-þríþraut í október síðastliðnum. Sarah, sem missti fótinn fyrir ofan hné á vinstri fæti þegar hún var sjö ára gömul, er stödd á Íslandi þessa vikuna. Járnkalla þríþrautin felst í því að synda fjóra km í sjó, hjóla 180 km í skóglendi og við erfiðar aðstæður og loksins að hlaupa heilt maraþon. Til að hljóta nafnbótina Járnkall verður fólk að ljúka þessu öllu á innan við 17 klukkustundum.

Feður tóku aðeins fjóra daga umfram sjálstæðan rétt í fyrra

Feður í fæðingarorlofi í fyrra tóku aðeins að jafnaði fjóra daga af þeim þremur máðunum sem foreldrar mega skipta á milli sín samkvæmt lögum. Þetta kemur fram í Staðtölum Tryggingastofnunar. Þetta þýðir að mæður taka að jafnaði sex mánuði í fæðingarorlof en þetta er svipað hlutfall og árið 2003 þegar sjálfstæður réttur feðra til fæðingarorlofs varð þrír mánuðir.

Karlaráðstefna um jafnréttismál í Salnum í Kópavogi

Nú klukkan níu hefst Karlaráðstefna um jafnréttismál í Salnum í Kópavogi. Ráðstefnan er eingöngu ætluð körlum með þeirri undantekningu að frú Vigdís Finnbogadóttir, fyrrverandi forseti Íslands, mun ávarpa ráðstefnuna og sitja hana sem verndari og heiðursgestur. Það er Árni Magnússon félagsmálaráðherra sem boðar til karlaráðstefnunnar en karlar eru hvattir til að mæta.

Framtíð í nýju landi björt

Framtíð í nýju landi er þriggja ára tilraunaverkefni sem hefur að markmiði að aðstoða víetnömsk ungmenni á aldrinum 15 til 25 ára við að afla sér menntunar og verða virkari í íslensku samfélagi. Samkvæmt Anh-Dao Tran, verkefnisstjóra, gengur verkefnið mjög vel, en í gær var eitt ár frá því það var sett á laggirnar.

Mokstur hafin á vegum á Vestfjörðum

Í nágrenni Reykjavíkur er hálka og skafrenningur um Hellisheiði, en greiðfært um Reykjanesbraut, Suðurnes og einnig upp í Borgarnes. Á Vestfjörðum er víða hafinn mokstur á vegum, t.d um Klettsháls, Hálfdán, Dynjandis- og Hrafseyrarheiðar, Um Djúp og Steingrímsfjarðarheiði. Þá er einnig verið að hreinsa með Suðausturströndinni.

Sjá næstu 50 fréttir

Mest lesið