Innlent

Söfnun hafin fyrir Særúnu

Særún Sveinsdóttir williams  missti neðan af báðum fótleggjum í hörmulegu umferðarslysi í Bandaríkjunum. Særún býr ein með þremur börnum sínum.
Særún Sveinsdóttir williams missti neðan af báðum fótleggjum í hörmulegu umferðarslysi í Bandaríkjunum. Særún býr ein með þremur börnum sínum.
Fjáröflun er hafin fyrir Særúnu Sveinsdóttur Williams. Eins og kunnugt er missti Særún neðan af báðum fótum í bílslysi í Nebraska í Bandaríkjunum um miðjan síðasta mánuð. Það eru fyrrum bekkjarfélagar Særúnar úr Öldutúnsskóla sem hafa tekið sig saman og hyggjast koma framlagi til Særúnar fyrir jólin.

„Upphaflega ætluðum við aðeins að hafa þetta okkar á milli en þegar við ræddum þetta við fjölskyldur og vinnufélaga þá kom á daginn að mjög margir vildu taka þátt í þessari söfnun,“ segir Guðfinna Guðmundsdóttir, einn þeirra bekkjarfélaga Særúnar sem standa að söfnuninni.

Enn líður Særún talsverðar kvalir og í gær var fyrirhuguð enn ein aðgerð á henni. Hún segist standa straum af sjúkrakostnaði með tryggingum. Á hinn bóginn sé með öllu óljóst hvernig hún tekst á við að halda uppi þremur börnum og heimili.

Særún er einstæð fimm barna móðir, en tvö barnanna eru uppkomin.

Söfnunarreikningurinn er í Sparisjóði Reykjavíkur með reikningsnúmeri 1150-05-414746 með kennitölu 010560-2689.


Tengdar fréttir

Lifir fyrir börnin sín

Særún Sveinsdóttir Williams missti neðan af báðum fótum í bílslysi. Hún er bjartsýn á framtíðina. Fjölskyldan verður hjá henni um jólin.

Fær enn martröð þrem vikum eftir slysið

Særún Sveinsdóttir Williams, sem missti báða fætur í bílslysi í Bandaríkjunum fyrir þremur vikum, fær enn martraðir eftir slysið. Hún liggur alvarlega slösuð á sjúkrahúsi, en segist afar þakklát fyrir að vera á lífi. Hafin er fjársöfnun til handa þessari einstæðu þriggja barna móður.

Missti báða fæturna í hörmulegu bílslysi

Særún Sveinsdóttir Williams stórslasaðist í þriggja bíla árekstri á fjölfarinni hraðbraut í Omaha í Bandaríkjunum. Hún telur sig hafa misst fæturna þegar bíll vinnufélaga hennar lenti á henni.

Á batavegi eftir bílslys

Særún Sveinsdóttir er nú á hægum batavegi eftir að hafa misst af báðum fótum í bílslysi í Omaha í Nebraska-ríki í Bandaríkjunum í síðasta mánuði.




Fleiri fréttir

Sjá meira


×