Harpa hættir að merkja stæði sérstaklega fyrir konur

Stjórnendur í Hörpu hafa ákveðið að breyta merkingum í bílakjallara hússins eftir að mikil umræða skapaðist um þau í morgun. Smugan fjallaði um málið en í húsinu hafa verið stæði sem ertu sérstaklega merkt fyrir fatlaða en einnig fyrir konur. Harpan svaraði í dag fyrirspurn Smugunnar á þann hátt að þetta væri þekkt í Evrópu. Konur væru oft óöruggar og að þeim "líði illa í slíkum húsum og þessum stæðum því gjarnan komið fyrir nálægt inngöngum.“

Lögreglan ekki eins sýnileg og áður

Almenningur telur lögregluna ekki nærri því eins sýnilega og áður var, samkvæmt niðurstöðum þolendakönnunar sem gerð var á vegum Ríkislögreglustjóra. Könnunin nær til ársins 2010 en niðurstöðurnar voru fyrst birtar opinberlega í morgun.

Æstist yfir leik Real og Bayern - lögreglan kölluð til

Lögreglan á höfuðborgarsvæðinu var kölluð út vegna hávaða í heimahúsi í gær. Húsbóndinn kom til dyra og viðurkenndi að hann bæri ábyrgð á látunum enda var æsispennandi fótboltaleikur í sjónvarpinu.

Skoða nýja tökustaði fyrir Game of Thrones í maí

Aðstandendur Game of Thrones þáttanna eru væntanlegir til landsins í maí til þess að skoða mögulega tökustaði fyrir þriðju seríu þáttanna. Þetta staðfestir Snorri Þórisson í samtali við Vísi. Farið verður víða um landið til að skoða mögulega tökustaði, meðal annars á Norðurland. Snorri vill þó ekki segja neitt nánar málið þangað til að ákvarðanir verða teknar. "Það er best að hafa sem fæst orð um það á meðan ekki er búið að ákveða neitt,“ segir Snorri.

Evrópuráð þrýstir á Öryggisráðið

Stjórnarþing Evrópuráðs þrýstir nú á Öryggisráð Sameinuðu Þjóðanna um að koma í veg fyrir vopnasendingar til Sýrlands.

Á annað hundrað manns kynntu sér stefnu Hægri grænna

Um 120 manns er mættir á fund Hægri grænna sem fram fer i dag þar sem verið er að kynna forystu flokksins og stefnumál.

Um 40.000 manns sungu saman í Osló

Rúmlega 40 þúsund manns komu saman á Youngstorgi í Osló í dag og sungu þjóðlagið Börn regnbogans. Nokkrum metrum frá torginu sat Anders Behring Breivik í dómssal og lýsti voðaverkum sínum í Osló og Útey.

Árásir gerðar á ritstjórnarskrifstofur í Nígeríu

Að minnsta kosti þrír fórust í sprengingu á ritstjórnarskrifstofum eins stærsta dagblaðs Nígeríu, sem heitir ThisDay. Skrifstofurnar eru í höfuðborg landsins Abuja en á sama tíma bárust fregnir af annari sprengingu í borginni Kaduma og þar var einnig um að ræða skrifstofur sama blaðs.. Staðfest hefur verið að um sprengjutilræði hafi verið að ræða. Enginn hefur enn lýst tilræðinu á hendur sér.

Lögreglan í Portúgal neitar að endurvekja rannsókn

Lögregluyfirvöld í Portúgal neita að endurvekja rannsókn á hvarfi Madeleine McCann. Lundúnalögreglan, Scotland Yard, sagði í gær að nýjar vísbendingar hefðu uppgötvast í málinu og að Maddie gæti mögulega verið á lífi.

Ók á ofsahraða með vin sinn á þakinu

Lögreglan stöðvaði tvo pilta, 17 og 16 ára, í umferðinni á höfuðborgarsvæðinu í nótt. Sá eldri ók fólksbíl hratt og ógætilega en sá yngri var á þaki bílsins á meðan því stóð. Hafi þetta átt að vera einshverskonar leikur þá er sá leikur lífshættulegur. Piltunum var fylgt til síns heima og þar var ennfremur rætt við forráðamenn þeirra um alvarleika málsins. Mildi má teljast að ekki hlaust mjög alvarlegt slys eða jafnvel dauði af þessu uppátæki.

Starfsmaður veittist að fötluðu barni

Starfsmaður á skammtímavistun fyrir fötluð börn og ungmenni í Garðabæ veittist að barni á heimilinu í síðustu viku. Barnið er ekki alvarlega slasað en er með stórt mar á handlegg, samkvæmt upplýsingum Vísis. Atvikið hefur verið kært til lögreglu, eins og fram kemur á fréttavefnum Pressunni.

Agnes ekki hlynnt frekari aðskilnaði

Agnes M. Sigurðardóttir, nýkjörin biskup Íslands, segist ekki vera hlynnt frekari aðskilnaði ríkis og kirkju. Á endanum sé það hins vegar þjóðarinnar að taka ákvörðun í málinu.

Taylor fundinn sekur

Fyrrverandi forseti Líberíu, Charles Taylor, hefur verið fundinn sekur um að stuðla að stríðsglæpum þegar borgarastríðið í nágrannalandinu Sierra Leone stóð sem hæst.

Taka verður alla gagnrýni alvarlega

Heimild ríkisins til að fjármagna Vaðlaheiðargöng er nú á borði fjárlaganefndar eftir fyrstu umræðu um málið á Alþingi á þriðjudagskvöld.

Gangaslagur kostar ríkið 9 milljónir

Íslenska ríkið þarf að greiða fyrrverandi nemanda Menntaskólans í Reykjavík 8,9 milljónir króna með vöxtum vegna meiðsla sem hann varð fyrir í gangaslag í skólanum í apríl 2009.

Netarallið það besta frá upphafi

Svonefnt netarall Hafrannsóknarstofnunar sem nú var farið sautjánda árið í röð, til að rannsaka ástand þorskstofnsins við landið, skilaði betri árangri en nokkru sinni fyrr.

Tugir létust í öflugri sprengingu í Sýrlandi

Allt að sjötíu fórust í sýrlensku borginni Hama í öflugri sprengingu sem lagði fjölmörg hús í borginni í rúst. Ríkisfjölmiðlar landsins tala reyndar um að sextán hafi látist en andspyrnumenn tala um sjötíu.

Vilja fá samtal Davíðs og Geirs

Fjárlaganefnd og efnahags- og viðskiptanefnd Alþingis hafa óskað eftir afriti af símtali Davíðs Oddssonar, þáverandi formanns bankastjórnar Seðlabanka Íslands, og Geirs H. Haarde, þáverandi forsætisráðherra, frá október 2008. Umræðuefnið var fyrirhugað lán Seðlabankans til Kaupþings.

Katrín syngur í Osló

Katrín Jakobsdóttir, er ein fimm menningarmálaráðherra Norðurlandanna, sem mun syngja á torginu á Osló nú í hádeginu. Hún segir að um sé að ræða litla aðgerð til að sýna samstöðu með fjölmenningu. "Við erum hérna að rölta út á torg í Osló, rétt hjá sprengjustaðnum, og þetta er svona aðgerð til þess að sýna samstöðu með fjölmenningu," segir Katrín.

Tíu þúsund kafarar í Silfru nú í sumar

„Menn verða að fá þá vöru sem er verið að selja,“ segir Ólafur Örn Haraldsson, þjóðgarðsvörður á Þingvöllum, um þá fyrirætlan að bjóða út sérleyfi fyrir köfunarþjónustu í friðlandinu.

Norðmenn syngja til að lýsa andúð á voðaverkunum

Norðmenn ætla að fjölmenna í miðborg Oslóar í dag til þess að syngja lagið Regnbogabarn. Með þessu vilja Norðmenn lýsa andúð sinni á Anders Behring Breivik og voðaverkum sem hann framdi í Osló og Útey í fyrra, en réttarhöld yfir Breivik standa nú yfir eins og kunnugt er.

Opinbera afskriftir yfir 100 milljónum

Allar afskriftir yfir 100 milljónum króna verða gerðar opinberar, ef tillaga efnahags- og viðskiptanefnd Alþingis verður að veruleika. Nefndin samþykkti á fundi sínum í gær að leggja til að frumvarp Eyglóar Harðardóttur, þingmanns Framsóknarflokksins, og fleiri þar um verði samþykkt.

Aldrei fleiri börn í leikskóla

Rúmlega 19 þúsund börn sóttu leikskóla á Íslandi í desember síðastliðnum og hafa þau aldrei verið fleiri. Samkvæmt tölum Hagstofunnar hefur leikskólabörnum fjölgað um 198 frá desember árið á undan, eða um 1%. Einnig má greina breytingar á viðverutíma barnanna á þann hátt að hlutfallslega fleiri börn dvelja 7 tíma og lengur á dag í leikskóla en fyrir ári síðan. Í desember voru starfandi 265 leikskólar á Íslandi og hafði þeim fækkað um 12 frá árinu áður. Breytingar á fjölda leikskóla má aðallega rekja til sameininga skóla í Reykjavík.

Nær uppselt á allar sýningar

Nær uppselt er á allar átján fyrirhugaðar sýningar Afmælisveislunnar eftir Nóbelskáldið Harold Pinter, sem verður frumsýnt í Þjóðleikhúsinu annað kvöld.

Náttúran.is fær viðurkenningu

Vefsíðan Náttúran.is hlaut Kuðunginn, umhverfisviðurkenningu umhverfisráðuneytisins, í gær fyrir „framúrskarandi starf að umhverfismálum“.

Bretar safna blóði fyrir Ólympíuleikana

Heilbrigðisyfirvöld í Bretlandi hvetja nú almenning til þess að gefa blóð í blóðbönkum landsins.

Hvetja til að verslunum sé lokað 1. maí

Aðalfundur Verslunarmannafélags Suðurnesja, sem haldinn var í gærkvöldi, skorar á verslunarmenn á starfssvæði félagsins að hafa verslanir lokaðar fyrsta maí, baráttudag verkalýðsins.

Dómur í máli Charles Taylor kveðinn upp í dag

Sérstakur alþjóðadómstóll í Haag mun í dag kveða upp dóm yfir Charles Taylor, fyrrum leiðtoga Líberíu.

Ungur ökumaður tekinn á ofsahraða í íbúðahverfi

18 ára ökumaður var sviftur ökuréttindum til bráðabirgða og á yfir höfði sér háa sekt, eftir að bíll hans mældist á 116 kílómetra hraða á Stekkjarbakka í Reykjavík á ellefta tímanum í gærkvöldi.

Þyrla Landhelgisgæslunnar í sjúkraflugi í nótt

Þyrla Landhelgisgæslunnar fór í sjúkraflug í nótt til móts við sjúkarbíl, sem var að flytja sjúkling af Snæfellsnesi áleiðis til Reykjavíkur.

Hertar vopnareglur gera tugþúsundir Dana að lögbrjótum

Hertar reglur um vopnaeign í Danmörku gera það að verkum að eftir 1. júní næstkomandi munu tugþúsundir Dana verða lögbrjótar.

Yfir 500 sjómenn fordæma kvótafrumvörpin

537 sjómenn á 29 þekktum aflaskipum fordæma í yfirlýsingu þá grímulausu aðför að kjörum þeirra, sem við blasi í frumvörpunum um breytingar á stjórn fiskveiða, eins og sjómennirnir orða það.

Konungur Spánar flæktur í nýtt hneyksli

Spænskir fjölmiðlar fjalla nú ítarlega um nýtt hneyskli sem komið er upp innan konungsfjölskyldu landsins. Svo virðist sem Juan Carlos konungur Spánar hafi átti í ástarsambandi við danska konu árum saman.

Dauðarefsing afnumin í Connecticut

Ákveðið hefur verið að afnema dauðarefsingu í ríkinu Connecticut í Bandaríkjunum. Þessi ákvörðun gildir þó ekki um þá 11 fanga sem bíða aftöku á dauðgöngum í fangelsum ríkisins.

Gengur gegn EES-samningi að banna gengistryggð lán

ESA, eftirlitsstofnun EFTA, hefur sent íslenskum stjórnvöldum formlegar athugasemdir vegna allsherjarbanns við gengistryggingu lána í íslenskri mynt. Lögum var breytt í þá veru í kjölfar dóms Hæstaréttar um ólögmæti gengistryggðra lána árið 2010. Stofnunin segir þetta ganga gegn EES-samningnum.

Opna gröf mafíuforingja í Vatikaninu vegna hvarfs 15 ára stúlku

Yfirvöld á Ítalíu munu opna gröf mafíuforingja í Vatkaninu í Róm í næsta mánuði til að kanna hvort þar sé einnig að finna lík 15 ára gamallar stúlku sem hvarf árið 1983.

Stálu verðmætum myndavélum í innbroti í nótt

Vörum fyrir allt að 900 þúsund krónum var stolið úr versluninni Reykjavík Foto við Laugaveg í nótt og komust þjófarnir undan.

Nýmjólkin á sama verði í öllum búðum

Lægsta matvöruverð landsins er að finna í verslunum Bónuss, samkvæmt nýrri verðlagskönnun ASÍ. Matarkarfan kostaði 20.404 krónur í Bónus, en 24.680 krónur í verslun Nóatúns, þar sem hún var dýrust. Verðmunurinn er 4.276 krónur, eða um 21 prósent.

Fær 140 þúsund króna sekt og missir bílprófið

Tvítugur maður sér fram á missi ökuleyfis og þarf að greiða 140 þúsund krónur í sekt eftir að lögreglan á Suðurnesjum stóð hann að hraðakstri á Reykjanesbraut þar sem er 90 kílómetra hámarkshraði.

Braust inn í apótek eftir vikufrelsi

Maður sem braut af sér viku eftir að hafa fengið reynslulausn úr fangelsi þarf að ljúka 132 daga eftirstöðvum dóma frá 2010 og 2011. Hæstiréttur staðfesti í gær úrskurð Héraðsdóms Reykjavíkur þar að lútandi.

Grunaður um brot gegn ellefu ára dóttur sinni

Hæstiréttur hefur framlengt gæsluvarðhald manns sem grunaður er um gróf kynferðisbrot gegn ellefu ára gamalli dóttur sinni. Gæsluvarðhaldið gildir til 15. júní.

Aðeins verður veitt á flugu

Landeigendur við Haukadalsá og fulltrúar einkahlutafélags í eigu Kenneths Johns Deurloo skrifuðu undir samning um leigu á veiðirétti í Haukadalsá um helgina. Samningurinn er til fjögurra ára; gildir frá 2013 til 2016.

18 vilja hanna nýja fangelsið

Átján tillögur bárust í hönnunarsamkeppni fangelsisins á Hólmsheiði. Dómnefnd sem skipuð var vegna samkeppninnar kom saman í gær til að hefja mat á tillögunum.

Murdoch neitar öllum sökum

Ástralski fjölmiðlakóngurinn Rupert Murdoch neitar því að hafa þegið neinn greiða frá valdamiklum mönnum, sem fjallað hefur verið um í fjölmiðlum hans.

Sér eftir látalátum við geðlækna

"Ég held að allir Norðmenn hafi séð að ég er ekki órökvís," sagði Anders Behring Breivik fyrir rétti í Ósló í gær. "Ég hef ekki svo miklar áhyggjur af því lengur."